ປັກກິ່ງຈຳກັດການອອກເດີນທາງຂອງລົດຍົນເພື່ອຮັບປະກັນຄົມມະ ນາຄົມແລະຄຸນນະພາບຂອງອາກາດໃນໄລຍະຈັດງານກິລາໂອລິມປິກ
-----------------------------------------------------------------------------------------------------------------
ຕາມຂ່າວສານຊີນຮວາ: ເພື່ອຮັບປະກັນຄົມມະນາຄົມແລະຄຸນນະພາບຂອງອາກາດໃນງານກິລາໂອລິມປິກແລະງານກິລາໂອລິມປິກຄົນພິການປັກກິ່ງ,ວັນທີ 20 ມິຖຸນານີ້ ນະຄອນຫລວງປັກກິ່ງໄດ້ປະກາດແຈ້ງການວ່າ,ຈຳກັດການອອກເດີນທາງຂອງລົດປັກກິ່ງແລະລົດຕ່າງຖີ່ນທີ່ເຂົ້າມາປັກກິ່ງຕາມເລກປ້າຍລົດທີ່ເປັນເລກຄີກແລະເລກຄູ່ແຕ່ວັນທີ 20 ກໍລະກົດຫາວັນທີ 20 ກັນຍາປີນີ້,ລົດຂອງກົງຈັກແລະຫົວຫນ່ວຍຕ່າງໆ 70% ຈະຈອດບໍ່ແລ່ນອອກມາ.
ລົດ 20 ກວ່າປະເພດເຊັ່ນລົດເມ ລົດແທກຊີ ລົດໂດຍສານຂະຫນາດໃຫຍ່ ລົດຕຳຫລວດ ລົດພະຍາບານແລະລົດທີ່ມີໃບອະນຸຍາດສະເພາະງານກິລາໂອລິມປິກທີ່ຄະນະກຳມະການງານກິລາໂອລິມປິກປັກກິ່ງເບີກໃຫ້ນັ້ນແລະອື່ນໆບໍ່ຖືກຈຳກັດ.ພ້ອມກັນນັ້ນ, ເລີ່ມແຕ່ວັນທີ 1 ກໍລະກົດປີນີ້ໄປ, ນະຄອນຫລວງປັກກິ່ງຍັງຈະໃຊ້ມາດຕະການລະອຽດກ່ຽວກັບການຈຳກັດລົດທີ່ມີການມົນລະພິດຫລາຍ.
