ຂ່າວສານສູນກາງເກົາຫຼີແຈ້ງຂ່າວວ່າ, ສ.ປ.ປເກົາຫຼີກັບຍີ່ປຸ່ນຟື້ນຟູສາຍສຳພັນທາງການທູດເປັນປົກກະຕິສອດຄ່ອງກັບຄວາມປາຖະໜາຂອງປະຊາຊົນສອງປະເທດ

(GMT+08:00) 2008-06-23 18:56:37 cri
-----------------------------------------------------------------------------------------------------------------

ຕາມຂ່າວສານຊິ່ນຮວາ: ວັນທີ 23 ມິຖຸນານີ້, ຂ່າວສານສູນກາງເກົາຫຼີແຈ້ງຂ່າວວ່າ, ສ.ປ.ປເກົາຫຼີກັບຍີ່ປຸ່ນຟື້ນຟູສາຍສຳພັນທາງການທູດເປັນປົກກະຕິ, ພັດທະນາການພົວພັນມິດຕະພາບຖານບ້ານໃກ້ເຮືອນຄຽງສອດຄ່ອງກັບຄວາມປາຖະໜາແລະຜົນປະໂຫຍດຂອງປະຊາຊົນສອງປະເທດ, ການພົວພັນທີ່ບໍ່ເປັນປົກກະຕິໃນໄລຍະຍາວນານລະຫວ່າງສ.ປ.ປເກົາຫຼີກັບຍີ່ປຸ່ນບໍ່ມີຜົນດີຕໍ່ທັງສອງຝ່າຍ.

ຂ່າວແຈ້ງວ່າ, ບັນລຸການພົວພັນລະຫວ່າງສ.ປ.ປເກົາຫຼີກັບຍີ່ປຸ່ນເປັນປົກກະຕິກໍ່ແມ່ນເນື້ອໃນທີ່ກຳນົດໄວ້ໃນເອກະສານຮ່ວມກັນທີ່ຜ່ານໃນການເຈລະຈາ 6 ຝ່າຍກ່ຽວກັບບັນຫານິວເຄຼຍ. ປະຈຸບັນ, ການບັນລຸແຫຼມເກົາຫຼີປອດນິວເຄຼຍໄດ້ມີຄວາມຄືບໜ້າຕື່ມອີກ. ພາຍໃຕ້ສະພາບການດັ່ງກ່າວນີ້, ຖ້າຍີ່ປຸ່ນຍັງຍຶດໝັ້ນປະຕິບັດນະໂຍບາຍເປັນປໍລະປັກກັນກັບສ.ປ.ປເກົາຫຼີ, ມີແຕ່ຈະກາຍເປັນ "ຄວາມຫຍຸ້ງຍາກ" ໃນການເຈລະຈາ 6 ຝ່າຍ.

ຂ່າວແຈ້ງວ່າ, ການເຈລະຈາວຽກງານລະຫວ່າງລັດຖະບານສ.ປ.ປເກົາຫຼີກັບລັດຖະບານຍີ່ປຸ່ນທີ່ຈັດຂຶ້ນໃນຫວ່າງກ່ອນນີ້ບໍ່ດົນໄດ້ເຊັນສັນຍາຕ່າງໆ, ໄດ້ສ້າງການບຸກທະລຸເພື່ອປັບປຸງການພົວພັນລະຫວ່າງສ.ປ.ປເກົາຫຼີກັບຍີ່ປຸ່ນ, ໄດ້ຮັບຄວາມຍ້ອງຍໍຈາກປະຊາຄົມໂລກ. ແຕ່ວ່າ, ອິດທິພົນຮັກສາຄອງເກົ່າປີກຂວາຈຳນວນໜຶ່ງຂອງຍີ່ປຸ່ນພັດເວົ້ານັ້ນເວົ້ານີ້ກ່ຽວກັບເລື່ອງນີ້, ເຈຕະນາຂັດຂວາງການປັບປຸງການພົວພັນລະຫວ່າງສ.ປ.ປເກົາຫຼີກັບຍີ່ປຸ່ນ, ແລະຫວັງຢາກສວຍໃຊ້ການພົວພັນລະຫວ່າງສອງປະເທດສະແຫວງຫາຜົນປະໂຫຍດຂອງພັກການເມືອງຕົນເອງ.

ຂ່າວ-ບົດທີ່ກ່ຽວຂ້ອງ

ຄຳເຫັນ