ເຈົ້າ​ໜ້າ​ທີ່​ມຽນ​ມາ​ກ່າວ​ວ່າ, ຈະ​ພະ​ຍາ​ຍາມ​ບັນ​ລຸ​ເປົ້າ​ໝາຍ​ປາບ​ປາມ​ຢາ​ເສບ​ຕິດ​ຂອງ​ຊາດ

ຕາມ​ຂ່າວສານ​ຊິ່ນ​ຮວາ: ວັນ​ທີ 26 ມິ​ຖຸນາ​ນີ້, ຢູ່​ເນ​ປີ​ດໍ ນະຄອນຫຼວງ​ໃໝ່​ຂອງ​ມຽນມາ, ທ່ານ​ຄີ​ນຢີ ​ເລຂາ​ທິການ​ໃຫຍ່​ຄະນະ​ກຳມະການ​ປາບປາມ​ຢາ​ເສບ​ຕິດ​ສູນ​ກາງ​ມຽນມາ, ຫົວ​ໜ້າ​ກອງ​ບັນຊາ​ການ​ຕຳ​ຫຼວດ​ມຽນມາ​ກ່າວ​ຕໍ່​ສື່​ມວນ​ຊົນ​ວ່າ, ມຽນມາ​ຈະ​ພະຍາຍາມ​ບັນລຸ​ເປົ້າ​ໝາຍ​ປາບປາມ​ຢາ​ເສບ​ຕິດ​ແຫ່ງ​ຊາດ​ທີ່​ຈະ​ກາຍ​ເປັນ​ປະ​ເທດບໍ່​ມີ​ການ​ປູກ​ຢາຝິ່ນ​ພາຍໃນ​ປີ 2014.

ມື້​ດຽວ​ກັນ, ຄະນະ​ກຳມະການ​ປາບປາມ​ຢາ​ເສບ​ຕິດ​ສູນ​ກາງ​ມຽນມາ​ຈັດການ​ວາງສະ​ແດງ​ການ​ປາບ​ປາມຢາ​ເສບ​ຕິດ​ລະ​ລຶກວັນ​ຕ້ານ​ຢາ​ເສບ​ຕິດ​ສາກົນ. ​ໂດຍ​ແນ​ໃສ່​ສະພາບ​ການ​ທີ່​ຢາ​ເສບ​ຕິດ​​ແບບ​​ໃໝ່ເພີ່ມ​ຂຶ້ນ​ແລະ​ເນື້ອ​ທີ່​ປູກ​ຝິ່ນ​ຂອງ​ມຽນມາ​ໃນ​ປີ 2007 ​ຫຼາຍຂຶ້ນ​ອີກ, ​ເຈົ້າ​ໜ້າ​ທີ່​​ຂອງ​ມຽນມາ​ກ່າວ​ວ່າ, ມຽນມາ​ຍິນ​ດີ​ເພີ່ມ​ທະວີ​ການ​ຮ່ວມ​ມື​ກັບປະ​ເທດ​ໃກ້​ຄຽງ​ແລະ​ປະຊາ​ຄົມ​ໂລກ, ​ເພີ່ມ​ຄວາມ​ແຮງ​​ໃນ​ການປາບປາມ​ຢາ​ເສບ​ຕິດ​ແບບ​​ເກົ່າ​ແລະ​​ແບບ​ໃໝ່, ພະຍາຍາມ​ບັນລຸ​ເປົ້າ​ໝາຍ​ປາບ​ປາມຢາ​ເສບ​ຕິດ​ຂອງ​ຊາດ.