ຮົງກົງ ມາກາວຈະເຂົ້າຮ່ວມວຽກງານສ້າງສາຄືນໃໝ່ຂອງເຂດປະສົບໄພແຜ່ນດິນໄຫວຕາມ
-----------------------------------------------------------------------------------------------------------------
ຂ່າວສານຊິນຮວາ: ວັນທີ 28 ມິຖຸນານີ້, ທ່ານເຈີ່ງຢີ່ນສວນ ຜູ້ວ່າການບໍລິຫານເຂດພິເສດຮົງກົງກັບທ່ານເຫີໂຮ້ວຫວາ ຜູ້ວ່າການບໍລິຫານເຂດພິເສດມາກາວກ່າວວ່າ, ຮົງກົງກັບມາກາວຈະເຂົ້າຮ່ວມວຽກງານສ້າງສາຄືນໃໝ່ຂອງເຂດປະສົບໄພແຜ່ນດິນໄຫວແຂວງເສສວນ.
ວັນທີ 28 ມິຖຸນານີ້, ທ່ານເຈິ່ງຢິ່ນສວນກັບທ່ານເຫີໂຮ້ວຫວາໄດ້ນຳພາຄະນະຜູ້ແທນຮົງກົງແລະຄະນະຜູ້ແທນມາກາວເຈລະຈາກັບຜູ້ນຳແຂວງເສສວນ, ເພື່ອຫາລືວຽກງານກ່ຽວກັບເຂົ້າຮ່ວມການສ້າງສາຄືນໃໝ່, ແລະໄດ້ສຳຫຼວດເຂດປະສົບໄພແຜ່ນດິນໄຫວຢ່າງໜັກໜ່ວງເຊັ່ນເມືອງເຜີງໂຈ່ວແລະນະຄອນຕູ່ຈ່ຽງຢ້ຽນເປັນຕົ້ນ.
ໃນງານຖະແຫຼງຂ່າວທີ່ຈັດຂຶ້ນຢູ່ນະຄອນເສີງຕູ່ ທ່ານເຈິ່ງຢີ່ນສວນກ່າວວ່າ,ຮົງກົງຈະຊ່ອຍເຫຼືອສ້າງສາເມືອງທີ່ປະສົບໄພຮ້າຍແຮງ, ລວມທັງຊ່ອຍສ້າງໂຮງຮຽນ ໂຮງໝໍ ທາງຫຼວງແລະຂົວເປັນຕົ້ນ, ແລະຈະເຂົ້າຮ່ວມການສ້າງແຫຼ່ງລ້ຽງໝີແພັນດາໂວ້ຫຼົງຄືນໃໝ່. ທ່ານເຫີໂຮ້ວຫວາກ່າວວ່າ, ໃນ 5 ປີຕໍ່ໜ້າ, ເຂດພິເສດມາກາວຈະຈັດສັນງົບປະມານພິເສດເພື່ອສະໜັບສະໜູນເຂດປະສົບໄພແຜ່ນດິນໄຫວແຂວງເສສວນສ້າງສາຄືນໃໝ່, ເຊິ່ງຈະເນັ້ນໃສ່ການສະ ໜັບສະໜູນຂົງເຂດສາທາລະນະສຸກ ໂຮງຮຽນແລະສິ່ງກໍ່ສ້າງກິລາເປັນຕົ້ນ.
