ຕ້ານການກໍ່ການຮ້າຍ
-----------------------------------------------------------------------------------------------------------------
ທີ່ນີ້ ວິທະຍຸສາກົນແຫ່ງປະເທດຈີນ ສະບາຍດີ ທ່ານຜູ່ຟັງທີ່ໂຄລົບ,ຍິນດີຕ້ອນຮັບທ່ານເຂົ້າສູ່ລາຍການປັກກິ່ງ 2008. ທ່ານຜູ່ຟັງ,ຫນຶ່ງອາທິດກ່ອນ, ການເຝິກຊ້ອມອັນນາລ໋ອກຕ້ານການກໍ່ການຮ້າຍລະດັບຊາດຈີນຊາງເສີງເລກ5ນັ້ນໄດ້ເປີດພິທີຢູ່ທີ່ນະຄອນຫຼວງປັກກິ່ງ. ການເຝິກຊ້ອມເທື່ອນີ້ໄດ້ກ່ຽວພັນເຖິງຂະແຫນງການຕ່າງໆເຊັ່ນ: ຂະແຫນງຮັກສາຄວາມສະຫງົບ ຕຳຫຼວດປະກອບອາວຸດ ກອງທັບ ສາທາລະນະສຸກ ອະນຸລັກສິ່ງແວດລ້ອມ ອຸຕຸນິຍົມແລະຄົມມະນາຄົມເປັນຕົ້ນ,ມີຈຸດປະສົງເພື່ອເພີ່ມຄວາມສາມາດປະສານງານລະຫວ່າລະບົບຮັກສາຄວາມສະຫງົບກັບລະບົບຕ້ານການກໍ່ການຮ້າຍໃນເວລາງານກິລາໂອລິມປິກປັກກິ່ງ,ຍົກສູງຄວາມສາມາດໃນການປ້ອງກັນແລະຈັດການຕໍ່ເຫດການໂຈມຕີແບບກໍ່ການຮ້າຍຊະນິດຕ່າງໆຢ່າງຮອບດ້ານ. ໃນລາຍການປັກກິ່ງ 2008 ພາກນີ້, ພວກເຮົາຈະເວົ້າກ່ຽວກັບສະພາບການທີ່ກ່ຽວຂ້ອງ.
ທ່ານຜູ່ຟັງ, ທີ່ຟັງມານັ້ນແມ່ນສະພາບການຂອງສະຖານທີ່ທີ່ຖືກໂຈມຕີດ້ວຍເຄມີຢູ່ສະຫນາມບານສົ່ງຢູ່ຫາດຊາຍເຊິ່ງເປັນລາຍການເຝິກຊ້ອມອັນ ນາລ໋ອກເທື່ອທຳອິດໃນການເຝິກຊ້ອມຕ້ານການກໍ່ການຮ້າຍລະດັບຊາດຊາງເສີງເລກ5. ສະຖານທີ່ເຝິກຊ້ອມຕັ້ງຢູ່ສະຫນາມກິລາບານສົ່ງຢູ່ຫາດຊາຍຂອງສວນອຸທິຍານເສົາຢາງປັກກິ່ງ, ແຫ່ງນີ້ແມ່ນສະຫນາມແຂ່ງຂັນບານສົ່ງຢູ່ຫາດຊາຍໃນໄລຍະງານກິລາໂອລິມປິກປັກກິ່ງ. ສະພາບການເຝິກຊ້ອມອັນນາລ໋ອກແມ່ນ: ໃນມື້ຫນຶ່ງເດືອນຫນຶ່ງຂອງປີ 2008,ການແຂ່ງຂັນບານສົ່ງຢູ່ຫາດຊາຍຮອບຫນຶ່ງໄດ້ເລີ່ມດຳເນີນໃນ 30 ນາທີກ່ອນ, ລົດຕູ້ຄັນຫນຶ່ງໄດ້ເກີດການລະເບີດຢູ່ບ່ອນເຂົ້າປະຕູຂອງທິດຕາເວັນອອກສະຫນາມກິລາບານສົ່ງ,ລົດເກ໋ງ 2 ຄັນໄດ້ເກີດໄຟ, ອາກາດມີກິ່ນເຫມັນຮ້າຍແຮງ,ຄົນທັງຫຼາຍທີ່ຢູ່ພື້ນໄດ້ເກີດອາການຕ່າງໆເຊັ່ນ:ວິນຫົວ ປວດຮາກແລະໄອເປັນຕົ້ນ. ຫຼັງຈາກໄດ້ຮູ້ແຈ້ງສະພາບດັ່ງກ່າວແລ້ວ,ກອງບັນຊາການຕ້ານກໍ່ການຮ້າຍງານກິລາໂອລິມປິກປັກກິ່ງໄດ້ເລີ່ມດຳເນີນແຜນການຢ່າງວ່ອງໄວ, ສຸມກຳລັງຕ້ານການກໍ່ການຮ້າຍຊະນິດຕ່າງໆ,ເພື່ອຈັດການຕໍ່ເຫດການຢູ່ແຫ່ງນັ້ນ.
ຢູ່ສະຫນາມກິລາແຫ່ງນີ້,ເຈົ້າຫນ້າທີ່ທີ່ກ່ຽວຂ້ອງຂອງກອງບັນຊາການເຝິກຊ້ອມກ່າວວ່າ, ນອກຈາກການຈັດການຕໍ່ເຫດການລະເບິດດ້ວຍເຄມີແນວໃດ,ການເຝິກຊ້ອມອັນນາລ໋ອກຊາງເສີງເລກ5ຍັງຈະກ່ຽວພັນເຖິງເນື້ອໃນຮັບມືກັບການຈີ້ເອົາລົດເມຂອງນັກກິລາແນວໃດເແລະອື່ນໆ. ທ່ານກ່າວວ່າ:
ການເຝິກຊ້ອມຊາງເສີງເລກ 5 ເທື່ອນີ້ແມ່ນການເຝິກຊ້ອມທີ່ມີຂະຫນາດໃຫຍ່ກວ່າຫມູ່ເທື່ອສຸດທ້າຍກ່ອນງານກິລາໂອລິມປິກຕາມຄວາມຮຽກຮ້ອງຕ້ອງການລວມໃນການຮັກສາຄວາມສະຫງົບໂອລິມປິກ.
ຂ່າວແຈ້ງວ່າ,ເພື່ອຍົກສູງຄວາມສາມາດສູ້ຣົບຕົວຈິງ, ນອກຈາກການເຝິກຊ້ອມອັນນາລ໋ອກຈຳນວນຫນຶ່ງ, ການເຝິກຊ້ອມເທື່ອນີ້ຍັງມີການເຝິກຊ້ອມຕ່າງໆເຊັ່ນ: ຈຳນວນທີ່ຕ້ອງການຈັດສົ່ງຈາກຖັນແຖວສຸກເສີນ ສະຖານທີ່ທີ່ເລີ່ມເຕົ້າໂຮມກຳລັງພະລາທິການ ຈຳນວນປະເພດທີ່ພາອຸປະກອນພ້ອມດ້ວຍລະບຽບການຈັດການຕໍ່ຢູ່ພື້ນໂຈມຕີແບບກໍ່ການຮ້າຍເປັນຕົ້ນ.ທັງຫມົດເຫຼົ່ານນີ້ຈະເຝິກຊ້ອມຕາມສະພາບການຕົວຈິງ.
ການເຝິກຊ້ອມທີ່ດຳເນີນໃນຕອນບ່າຍວັນທີ 11 ມິຖຸນານີ້ຕົ້ນຕໍແມ່ນເພື່ອກວດກາຄວາມໄວຂອງກອງຮັກສາຄວາມສະຫງົບຢູ່ສະຫນາມກິລາແລະຄວາມສາມາດທີ່ວັກແທກຢາພິດດ້ວຍເຄມີ ຄວາມສາມາດບັນຊາການແລະປະສານງານຂອງກອງບັນຊາການຮັກສາຄວາມສະຫງົບທຸກຂັ້ນ ຄວາມສາມາດຮັບມືຂອງກຳລັງດັບເພີງ ຄວາມສາມາດຄວບຄຸມແລະຍົກ ຍ້າຍຂອງກອງບັນຊາການຢູ່ພື້ນການລະເບີດໃນການຈັດການຕໍ່ເຫດການໂຈມຕີກໍ່ການຮ້າຍດ້ວຍເຄມີພ້ອມດ້ວຍກົນໄກສົມທົບຂອງພາກສ່ວນກວດກາອະນາໄມແລະຄວາມສາມາດຮັບປິ່ນປົວຂອງໂຮງຫມໍແລະການນຳໃຊ້ຈັດສົ່ງຂອງກຳລັງຈັດການຕໍ່ວິຊາສະເພາະລະດັບຊາດເປັນຕົ້ນຫຼັງຈາກເຂດສະ ຫນາມກິລາໂອລິມປິກເກີດການລະເບີດດ້ວຍເຄມີ. ເຈົ້າຫນ້າທີ່ທີ່ກ່ຽວຂ້ອງຂອງກອງບັນຊາການເຝິກຊ້ອມກ່າວວ່າ:
ການເຝິກຊ້ອມທີ່ລະເບີດດ້ວຍເຄມີໃນມື້ນີ້ຕົ້ນຕໍສະແດງເນື້ອໃນໃນສອງດ້ານດັ່ງກ່າວ,ຫນຶ່ງແມ່ນຍົກຍ້າຍປະຊາຊົນໄປບ່ອນອື່ນ,ປະຈຸບັນ,ຢູ່ສະ ຫນາມກິລາມີປະຊາຊົນທີ່ລອກແບບເປັນຜູ່ຊົມ 400 ກວ່າຄົນ,ຫຼັງຈາກເກີດການໂຈມຕີດ້ວຍການກໍ່ການຮ້າຍອັນນາລ໋ອກແລ້ວ, ຢູ່ແຫ່ງນີ້,ປະຊາຊົນຕ້ອງຫນີຈາກແຫ່ງນີ້ຢ່າງມີລະບຽບການໃຕ້ການນຳພາຂອງຕຳຫຼວດແລະທະຫານ, ການຍົກຍ້າຍໃນໄລຍະທີຫນຶ່ງໄດ້ສິ້ນສຸດລົງແລ້ວ,ຈະດຳເນີນຈັດການຕໍ່ຢ່າງບັງເກີດຜົນຢູ່ພື້ນທີ່ໂຈມຕີດ້ວຍການກໍ່ການຮ້າຍອັນນາລ໋ອກໃນທັນທີ,ຕ້ອງເຕົ້າໂຮມກຳລັງວິຊາສະເພາະຕ່າງໆເຊັ່ນ:ດັບເພີງ ສາທາ ລະນະສຸກ ອະນຸລັກສິ່ງແວດລ້ອມແລະກອງທັບ.
ຢູ່ທິດຕາເວັນຕົກສຽງໃຕ້ຂອງສະຫນາມກິລາບານສົ່ງຢູ່ຫາດຊາຍຂອງສວນອຸທິຍານເສົາຢາງ,ຍັງມີໂຮງຮຽນປະຖົມຫຼັງຫນຶ່ງກໍເຂົ້າຮ່ວມການເຝິກຊ້ອມເທື່ອນີ້,ຫຼັງຈາກການລະເບີດດ້ວຍເຄມີອັນນາລ໋ອກເກີດຂຶ້ນແລ້ວ,ໂຮງຮຽນດັ່ງກ່າວໄດ້ຍົກຍ້າຍອາຈານແລະນັກຮຽນໄປບ່ອນອື່ນຕາມການຈັດວາງທີ່ກ່ຽວຂ້ອງ. ສິ່ງທີ່ເຮັດໃຫ້ຄົນສົນໃຈນຳແມ່ນຍົນເອຣິກົບແຕໃຫມ່ລຳຫນຶ່ງທີ່ກອງການບິນຕຳຫຼວດປັກກິ່ງຈັດສັນເພື່ອການຮັກສາຄວາມສະຫງົບໃນງານກິລາໂອລິມປິກເຈົ້າຫນ້າທີ່ທີ່ກ່ຽວຂ້ອງຂອງກອງບັນຊາການເຝິກຊ້ອມກ່າວວ່າ:
ນີ້ແມ່ນລຳຫນຶ່ງຂອງຍົນເອຣິກົບແຕ 4 ລຳທີ່ອົງການຮັກສາຄວາມສະຫງົບປັກກິ່ງຈັດສັນເພື່ອການຮັກສາຄວາມສະຫງົບໂອລິມປິກ, ບົດບາດຂອງມັນໃນການສູ້ຣົບແມ່ນການຂົ່ມຂູ່ນຳພວກລັດທິກໍ່ການຮ້າຍແລະພວກລັດທິອາຊະຍາກຳ,ບົດບາດອີກແມ່ນການຕິດຕາມຄຸ້ມຄອງແລະຊ່ອຍເຫຼືອເຂົາເຈົ້າຈາກທາງອາກາດ.
ການເຝິກຊ້ອມຕ້ານການກໍ່ການຮ້າຍຊາງເສີງເລກ 5 ທີ່ດຳເນີນເປັນເວລາ 1 ອາທິດໄດ້ມີເນື້ອໃນຕ່າງໆເຊັ່ນ: ຈັດການຕໍ່ການໂຈມຕີລະເບີດດ້ວຍເຄມີແລະຈີ້ລັດເມຂອງນັກກິລາເປັນຕົ້ນ,ການເຝິກຊ້ອມອັນນາລ໋ອກແມ່ນການເຝິກຊ້ອມທີ່ມີກອງທັບແລະອຸປະກອນແທ້.
ທ່ານຜູ່ຟັງທີ່ໂຄລົບ,ທີ່ຟັງມານັ້ນແມ່ນລາຍການປັກກິ່ງ 2008 ລາຍການປັກກິ່ງ 2008 ພາກນີ້ ຂໍຈົບລົງພຽງເທົ່ານີ້ ພົບກັນໃຫມ່ລາຍການຫນ້າ ສະບາຍດີ.
