ຮ້ານ​ຊາ​ພາກ​ໃຕ້​ໄທ​ຖືກ​ຫຼອນ​ໂຈມ​ຕີ

ຕາມ​ຂ່າວສານ​ຊິ່ນ​ຮວາ: ວັນ​ທີ 5 ກໍລະກົດ​ນີ້, ຕຳຫຼວດ​ໄທ​ກ່າວ​ວ່າ, ມື້​ດຽວ​ກັນ, ຮ້ານ​ຊາ​ແຫ່ງ​ໜຶ່ງ​ຂອງ​ຈັງຫວັດ​ຍະ​ລາ ພາກ​ໃຕ້​ຂອງ​ໄທຖືກ​ພວກ​ປະກອບ​ອາວຸດ​ຫຼອນ​ໂຈມ​ຕີ, ​ເຮັດ​ໃຫ້ 3 ຄົນ​ຕາຍ, 5 ຄົນ​ບາດ​ເຈັບ. ຜູ້​ບາດ​ເຈັບ​​ແລະ​ຜູ້​ຕາຍ​ລ້ວນ​ແຕ່​​ແມ່ນ​ສາມັນຊົນ.

ສື່​ມວນ​ຊົນ​ຂອງ​ໄທ​ອ້າງ​ຕາມ​ຄຳ​ເວົ້າ​ຂອງ​ເຈົ້າ​ຂອງ​ຮ້ານ​ຊາມາ​ແຈ້ງ​ວ່າ, ລົດ​ກະ​ບະ​ສີຂາວ​ຄັນ​ໜຶ່ງ​ທີ່​ບັນທຸກ 4 ຄົນໄດ້​ແລ່ນ​ເຂົ້າ​ເດີ່ນ​ຈອດ​ລົດ​ຢູ່​ໜ້າ​ຮ້ານ​ຊາ, ມີສອງ​ຄົນ​ຢູ່​ໃນ​ລົດ​ໄດ້​ຍິງປືນ​ໃສ່​ຮ້ານ​ຊາ.