ກອງປະຊຸມຈັດຂຶ້ນຢູ່ຫໍຮັບແຂກຕ້ຽວຢູໄທທີ່ປັກກິ່ງ
ວັນທີ 10 ກໍລະກົດນີ້,ກອງປະຊຸມຫົວໜ້າຄະນະຜູ້ແທນເທື່ອທີ 2 ຂອງການເຈລະຈາ 6 ຝ່າຍຮອບ 6 ກ່ຽວກັບບັນຫານີວເຄຼຍແຫຼມເກົາຫຼີໄດ້ໄຂຂຶ້ນຢູ່ປັກກິ່ງ.ໃນກອງປະຊຸມທີ່ດຳເນີນເປັນເວລາ 3 ວັນ,ຜູ້ເຂົ້າຮ່ວມຈະລົງເລິກຫາລືມາດຕະການແລະຂັ້ນຕອນຂອງການປະຕິບັດການເຄື່ອນໄຫວໄລຍະ 2 ຢ່າງຮອບດ້ານແລະສະເໝີພາບຕື່ມອີກ.
ຫົວໜ້າຂອງຄະນະຜູ້ແທນ6ປະເທດຈັບມືກັນ
ຕອນບ່າຍວັນທີ 10 ກໍລະກົດນີ້,ພາຍຫຼັງການເຈລະຈາເທື່ອແລ້ວນີ້ 9 ເດືອນ,ຫົວໜ້າຂອງຄະນະຜູ້ແທນຈີນ ສ.ປ.ປ.ເກົາຫຼີ ຍີ່ປຸ່ນ ສ.ເກົາຫຼີ ຣັດເຊຍແລະອາເມລິກາໄດ້ນັ່ງອ້ອມໂຕະເຈລະຈາ 6 ຫຼ່ຽມອີກ.ໃນເວລາກ່າວຄຳປາໄສໃນພິທີໄຂປະຊຸມ,ທ່ານອູຕ້າເຫວີຍ ປະທານກອງປະຊຸມ ຫົວໜ້າຄະນະຜູ້ແທນຈີນ ລັດຖະມົນຕີຊ່ວຍວ່າການກະຊວງການຕ່າງປະເທດຈີນກ່າວວ່າ:
ຄະນະຜູ້ແທນສປປເກົາຫຼີ
"ກອງປະຊຸມຫົວໜ້າຄະນະເທື່ອນີ້ແມ່ນສະຖານີຕື່ມນ້ຳມັນຂອງການປະຕິບັດການເຄື່ອນໄຫວໄລຍະ 2 ຢ່າງຮອບດ້ານ,ແມ່ນຫົວລ້ຽວຫົວຕໍ່ທີ່ຊຸກຍູ້ການເຈລະຈາ 6 ຝ່າຍກ້າວສູ່ໄລຍະໃໝ່,ເປົ້າໝາຍຂອງພວກເຮົາຄວນແມ່ນໂຮມຄວາມຄອງຄອຍໃໝ່ຂອງຝ່າຍຕ່າງໆໃຫ້ເປັນຄວາມຮັບຮູ້ທີ່ເປັນເອກະພາບກັນໃໝ່,ໂຮມຄວາມຮຽກຮ້ອງໃໝ່ຂອງຝ່າຍຕ່າງໆໃຫ້ເປັນພະລັງໃໝ່,ຮ່ວມກັນຊຸກຍູ້ການປະຕິບັດການເຄື່ອນໄຫວໄລຍະ 2 ຢ່າງຮອບດ້ານ,ພ້ອມກັນຊຸກຍູ້ການເຈລະຈາ 6 ຝ່າຍກ້າວສູ່ໄລຍະໃໝ່."
ຄະນະຜູ້ແທນສ.ເກົາຫຼີ
ທ່ານອູຕ້າເຫວີຍກ່າວວ່າ,ຝ່າຍຈີນໃນນາມເປັນປະທານກອງປະຊຸມ,ຍິນດີເພີ່ມທະວີການແລກປ່ຽນແລະປະສານງານກັບຝ່າຍອື່ນ,ເສີມຂະຫຍາຍບົດບາດທີ່ມີລັກສະນະສ້າງສັນເພື່ອໃຫ້ກອງປະຊຸມໄດ້ຮັບຜົນສຳເລັດ.
1 2 
