ຫນັງສືພິມເຢິມິນຢື້ປ້າວພິມບົດຄວາມລົງນາມທີ່ມີຫົວຂໍ້ວ່າ: ເພື່ອຄຳຫມັ້ນສັນຍາທີ່ຫນັກແຫນັ້ນ
-----------------------------------------------------------------------------------------------------------------
ຕາມຂ່າວCRI: ວັນທີ 13 ກໍລະກົດນີ້,ຫນັງສືພິມເຢິມິນຢື້ປ້າວຂອງຈີນໄດ້ພິມບົດຄວາມລົງນາມທີ່ມີຫົວຂໍ້ວ່າ:ເພື່ອຄຳຫມັ້ນສັນຍາທີ່ຫນັກແຫນັ້ນ ຂຽນໃນໂອກາດວັນລະເລຶກປັກກິ່ງຮ້ອງຂໍຈັດງານກິລາໂອລິມປິກຢ່າງສຳເລັດຜົນຄົບຮອບ 7 ປີ.
ບົດຄວາມຂຽນວ່າ,ວັນທີ 13 ກໍລະກົດປີ 2008ແມ່ນວັນລະລຶກປັກກິ່ງຮ້ອງຂໍຈັດງານກິລາໂອລິມປິກຄັ້ງທີ 29 ຢ່າງສຳເລັດຜົນຄົບຮອບ 7 ປີ. ບົດຄວາມຂຽນວ່າ,ເມື່ອໄດ້ຜ່ານວຽກງານທີ່ເຮັດແທ້ທຳຈິງແລະປະດິດສ້າງໃຫມ່ໃນ 7ປີມານີ້, ສະຫນາມກິລາລວມ 37 ແຫ່ງຢູ່ປັກກິ່ງທີ່ເປັນນະຄອນເຈົ້າພາບແລະຢູ່ນະຄອນທີ່ຮ່ວມຈັດງານກິລາໂອລິມປິກປັກກິ່ງ ໄດ້ເຮັດສຳເລັດແລ້ວ, ວຽກງານ ກະກຽມຕ່າງໆໃນການຮັບປະກັນການເດີນ ທາງຂອງນະຄອນປັກກິ່ງເຊັ່ນ: ຄົມມະນາຄົມ ສິ່ງແວດລ້ອມ ອາຫານການກິນ ສາທາລະນະສຸກ ການທ່ອງທ່ຽວແລະການຮັກສາຄວາມປອດໄພເປັນຕົ້ນໄດ້ກຽມພ້ອມເປັນຢ່າງດີແລ້ວ, ວຽກງານກະກຽມຈັດງານກິລາໂອລິມ ປິກຄັ້ງທີ 29 ໄດ້ສຳເລັດໃນຂັ້ນພື້ນຖານແລ້ວ.
ບົດຄວາມຂຽນວ່າ, ງານກິລາໂອລິມປິກທີ່ຈັດຂຶ້ນຢູ່ນະຄອນຫຼວງປັກກິ່ງຈະນຳເອົາໂອກາດການຄ້າໃຫ້ແກ່ວິສາຫະກິດຂອງປະເທດຕ່າງໆໃນໂລກ,ຊຸກຍູ້ໃຫ້ເສດຖະກິດໂລກພັດທະນາຢ່າງຫມັ້ນທ່ຽງ. ງານກິລາໂອລິມ ປິກປັກກິ່ງ 2008 ແມ່ນໂອກາດຂອງຈີນ ແລະກໍ່ແມ່ນໂອກາດຂອງໂລກ
