ກອງ​ປະ​ຊຸມ​ສຳ​ມະ​ນາ​ບົດ​ຮຽນ​ສາ​ກົນ​ສ້າງ​ສາ​ຄືນ​ໃໝ່​ຫຼັງ​ໄພ​ແຜ່ນ​ດິນ​ໄຫວ​ຈັດ​ຂຶ້ນ

ຕາມ​ຂ່າວ CRI: ​​ແຕ່​ວັນ​ທີ 14 ກໍລະກົດ​ນີ້​ເປັນ​ຕົ້ນ​ໄປ, ກະຊວງ​ການ​ຄ້າ​ຈີນ​ກັບ​ສຳນັກງານ​ຜູ້​ແທນ​ສະ​ຫະ​ປະຊາ​ຊາດ​ປະຈຳ​ຈີນຈະຮ່ວມ​ກັນ​ຈັດ​ກອງ​ປະຊຸມ​ສຳ​ມະ​ນາ​ບົດຮຽນ​ສາກົນ​ສ້າງສາ​ຄືນ​ໃໝ່ຫຼັງ​ໄພ​ແຜ່​ນດິນ​ໄຫວ​ຈັດ​ຂຶ້ນ​ຢູ່​ປັກ​ກິ່ງ​ເປັນ​ເວລາ 2 ມື້.

ທ່ານ​ຄາ​ລິດ ມາ​ລິກ ຜູ້​ປະສານ​ງານ​ສະຫະ​ປະຊາ​ຊາດ​ປະຈຳ​ຈີນ​ກ່າວ​ວ່າ, ລັດຖະບານ​ຈີນ​ໄດ້​ສະ​ແດງ​ຄວາມຮັບຜິດຊອບ​ແລະ​ຄວາມ​ສາມາດ​ອັນ​ແຂງ​ແຮງ​ໃນ​ວຽກ​ງານ​ກູ້​ໄພ​ແຜ່ນດິນ​ໄຫວ, ​ເຂດ​ປະສົບ​ໄພ​ແຜ່ນດິນ​ໄຫວ​ໄດ້ຮັບ​ຄວາມ​ກ້າວໜ້າ​ໃຫຍ່ຫຼວງ​ໃນ​ດ້ານ​ການ​ສ້າງສາ​ຄືນ​ໃໝ່. ນອກ​ນັ້ນ, ປະຊາ​ຄົມ​ໂລກ, ອົງການ​ທີ່​ບໍ່​ຂຶ້ນ​ກັບ​ລັດຖະບານ​ແລະ​​ເອກະ​ຊົນ​ຈຳນວນ​ຫຼວງຫຼາຍ​ກໍ່​ໄດ້​ໃຫ້ການ​ຊ່ອຍ​ເຫຼືອ​ແກ່​ການ​ກູ້​ໄພ​ແຜ່ນດິນ​ໄຫວ​ຈີນ. ກອງ​ປະຊຸມສຳ​ມະ​ນາ​ເທື່ອ​ນີ້​ດຳ​ເນີນ​ການ​ແລກ​ປ່ຽນ​ກ່ຽວ​ກັບ​ບົດຮຽນ​ສາກົນ​ໃນ​ດ້ານ​ການ​ສ້າງສາ​ຄືນ​ໃໝ່ຫຼັງ​ໄພ, ຈະ​ມີ​ບົດບາດສຳຄັນ​ຕໍ່​ການວາງ​ແຜນ​ສ້າງສາ​ຄືນ​ໃໝ່ຫຼັງ​ໄພ​ຂອງ​ຈີນ.