ຮອງນາຍົກລັດຖະມົນຕີກຳປູເຈຍຕີລາຄາສູງຕໍ່ການພົວພັນຮ່ວມມືມິດຕະພາບລະຫວ່າງກຳປູເຈຍຈີນທີ່ນັບມື້ນັບໜັກແໜ້ນ

(GMT+08:00) 2008-07-17 17:34:13 cri
-----------------------------------------------------------------------------------------------------------------

ຕາມຂ່າວສານຊີນຮວາ:ເນື່ອງໃນໂອກາດວັນສ້າງສາຍພົວພັນທາງການທູດຈີນກຳປູເຈຍຄົບຮອບ 50 ປີໃກ້ຈະມາເຖິງນີ້,ທ່ານຮໍນາມຮົງ ຮອງນາຍົກລັດຖະມົນຕີທັງເປັນລັດຖະມົນຕີການຕ່າງປະເທດກຳປູເຈຍໄດ້ໃຫ້ສຳພາດຕໍ່ນັກຂ່າວ,ທ່ານຕີລາຄາສູງຕໍ່ການພົວພັນຮ່ວມມືມິດຕະພາບລະຫວ່າງກຳປູເຈຍຈີນທີ່ນັບມື້ນັບໜັກແໜ້ນ,ແລະເຫັນໄປໃນແງ່ດີຕໍ່ອະນາຄົດຂອງການພົວພັນລະຫວ່າງສອງປະເທດ.

ທ່ານຮໍນາມຮົງກ່າວວ່າ,ໃນ 50 ປີມານີ້,ລັດຖະບານແລະປະຊາຊົນຈີນໄດ້ໃຫ້ການສະໜັບສະໜູນຢ່າງບໍ່ຢຸດຢັ້ງແກ່ກຳປູເຈຍໃນຂົງເຂດຕ່າງໆ.ຈີນແມ່ນປະເທດລົງທຶນທີ່ສຳຄັນຂອງກຳປູເຈຍ.ຈີນໄດ້ສະໜອງຄວາມຊ່ວຍເຫຼືອອັນໃຫຍ່ຫຼວງຕໍ່ການສ້າງສາພື້ນຖານໂຄງລ່າງຂອງກຳປູເຈຍດ້ວຍຮູບການຊ່ວຍເຫຼືອລ້າແລະໃຫ້ເງິນກູ້ດອກເບ້ຍຕ່ຳ.ໂດຍສະເພາະແມ່ນໃນດ້ານການສ້າງເຂື່ອນໄຟຟ້ານ້ຳຕົກ,ການລົງທຶນຂອງຈີນຈະຊ່ວຍກຳປູເຈຍຕອບສະໜອງຄວາມຕ້ອງການດ້ານພະລັງງານດ້ວຍລາຄາທີ່ສົມເຫດສົມຜົນໃນອີກບໍ່ດົນນີ້.ທ່ານຮໍນາມຮົງໄດ້ກ່າວເປັນພິເສດວ່າ,ຈີນໄດ້ໃຫ້ຄວາມຊ່ວຍເຫຼືອແກ່ກຳປູເຈຍຢ່າງຫຼວງຫຼາຍ,ແຕ່ບໍ່ເຄີຍແຊກແຊງວຽກງານພາຍໃນຂອງກຳປູເຈຍຈັກເທື່ອ,ເຄົາລົບອະທິປະໄຕຂອງກຳປູເຈຍຢ່າງເຕັມທີ່.

ຂ່າວ-ບົດທີ່ກ່ຽວຂ້ອງ

ຄຳເຫັນ