ທະຫານຈີນເລີ່ມຖອນອອກຈາກເຂດປະສົບໄພແຜ່ນດິນໄຫວ
(GMT+08:00) 2008-07-21 19:20:28 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຊິນຮວາ: ເວລາ 9 ໂມງ45 ນາທີຂອງວັນທີ 21 ກໍລະກົດນີ້, ນາຍແລະພົນທະຫານທີ່ໄປກູ້ໄພແຜ່ນດິນໄຫວໄດ້ເລີ່ມຖອນອອກຈາກນະຄອນເສີນຕູເປັນຊຸດທຳອິດ
ຫຼັງຈາກເມືອງເວີ້ນຊ່ວນແຂວງເສສວນໄດ້ເກີດແຜ່ນດິນໄຫວຢ່າງຮ້າຍແຮງໃນວັນທີ 12 ພຶດສະພາປີນີ້, ກອງທັບຈີນໄດ້ສົ່ງນາຍແລະພົນທະຫານຂອງກອງທັບປົດປ່ອຍປະຊາຊົນແລະກອງຕຳຫຼວດປະ ກອບອາວຸດ 1 ແສນ 3 ຫມື່ນ 8 ພັນຄົນເພື່ອກູ້ໄພແຜ່ນດິນໄຫວ. ຮອດ ວັນທີ 17 ກໍລະກົດນີ້, ທະຫານກູ້ໄພໄດ້ຊ່ອຍເຫຼືອຜູ່ລອດຊີວິດ3 ພັນ 336 ຄົນ,ຍົກຍ້າຍປະຊາຊົນອອກຈາກເຂດອັນຕະລາຍ 1 ລ້ານ 4 ແສນກວ່າຄົນ, ຊ່ອຍເຫຼືອປິ່ນປົວຜູ່ບາດເຈັບ 1 ລ້ານ 1 ແສນ 9 ຫມື່ນກວ່າຄົນ,ແລະເຮັດວຽກງານຕ່າງໆເຊັ່ນ: ຊຳລະອະນາໄມເຂດປະສົບໄພ ປ້ອງກັນພະຍາດດັບເຊື້ອແລະຂົນສົ່ງເຄື່ອງຊ່ອຍເຫຼືອເປັນ ຕົ້ນ.
ປະຈຸບັນ,ວຽກງານກູ້ໄພແຜ່ນດິນໄຫວຈີນໄດ້ກ້າວເຂົ້າສູ່ໄລຍະທີ່ຈັດວາງປະຊາຊົນຜູ່ປະສົບໄພແລະຟື້ນຟູການສ້າງສາຄືນໃຫມ່ແລ້ວ, ຫນ້າທີ່ຕົ້ນຕໍຂອງທະຫານກູ້ໄພໄດ້ເຮັດສຳເລັດສ່ວນຫຼາຍແລ້ວ. ຫຼັງຈາກທະຫານກອງທຳອິດຖອນກັບຄືນ, ຍັງຈະມີນາຍແລະພົນທະຫານຂອງກອງທັບປົດປ່ອຍປະຊາຊົນແລະກອງຕຳຫຼວດປະກອບອາວຸດ 8 ຫມື່ນກວ່າຄົນຖອນກັບຄືນຫຼັງຈາກສຳເລັດຫນ້າທີ່ແລ້ວເປັນໄລຍະ
ຂ່າວ-ບົດທີ່ກ່ຽວຂ້ອງ
ຄຳເຫັນ
