ງານ​ວາງ​ສະ​ແດງ​ວັດ​ທະ​ນະ​ທຳ​ກິ​ລາ​ຈັດ​ຂຶ້ນ​ຢູ່​ສະ​ຫນາມ​ກິ​ລາ​ໂອ​ລິມ​ປິກ​ທຸກ​ແຫ່ງ​ຂອງ​ປັກ​ກິ່ງ

ຕາມ​ຂ່າວ cri:​ໃນ​ໄລຍະ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ, ​ໃນ​ຂະນະ​ທີ່​ໄດ້​ຊົມ​ການ​ແຂ່ງຂັນ​ຕ່າງໆ,ຜູ່​ຊົມ​ຍັງ​ສາມາດ​ຊົມ​ການສະ​ແດງ​ແລະ​ງານ​ວາງສະ​ແດງ​ວັດ​ນະ​ທະ​ທຳ​ຕ່າງໆ​ໄປ​ພ້ອມ.

ວັນ​ທີ 28 ກໍລະກົດ​ນີ້, ທ່ານ​ຈ້າວ​ຕົ່ງ​ມິ​ງ ຫົວນຫ້າ​ອະນຸ​ກຳມະການກິດຈະກຳ​ວັດທະນະທຳ​ຂອງ​ຄະນະ​ຈັດຕັ້ງງານ​ກິລາ​ໂອ​ລິ​ມປິກ​ປັກ​ກິ່ງ​ກ່າວ​ວ່າ, ​ໃນ​ໄລ​ຍະ​ຈັດ​ງານ​ກິລາ​ໂອ​ລິ​ມປິກ​ປັກ​ກິ່ງ, ຢູ່​ສະຫນາມກິລາ​ທຸກ​ແຫ່ງຈະ​ມີ​ການສະ​ແດງ​ກັງ​ຟູ ກາຍຍະສິນ​ແລະ​ການ​ຟ້ອນ,​ເພື່ອ​ສ້າງ​ບັນຍາກາດ​ໂອ​ ລິມປິກ​ທີ່​ດີ.

ນອກ​ນີ້, ຢູ່​ປັກ​ກິ່ງ​ແລະ​ຕົວ​ເມືອງ​ທີ່​ຊ່ວຍ​ຈັດ​ງານ​ກິລາ​ໂອ​ລິ​ມປິກ, ຍັງ​ມີ​ງານ​ວາງສະ​ແດງ​ສາກົນ 400 ​ກວ່າ​ເທື່ອ, ລວມທັງ​ງານ​ວາງສະ​ແດງ​ໂອ​ລິ​ມ ປິກ​ທີ່​ຄະນະ​ກຳມະການ​ໂອ​ລິ​ມປິກ​ສາກົນ​ລິ​ເລີ່​ມຈັດ​ເປັນຄັ້ງທຳ​ອິດ.ນອກ​ນີ້, ​ຊາວ​ຫນຸ່ມ​ທີ່​ມາ​ຈາກ 205 ປະ​ເທດ​ແລະ​ເຂດ​​ແຄວ້ນ​ກໍ່​ຈະ​ເຕົ້າ​ໂຮມ​ກັນ​ຢູ່​ປັກ​ກິ່ງ, ​ເພື່ອຈັດ​ກິດຈະກຳ​ຄ້າຍ​ຊາວ​ຫນຸ່ມ​ໂອ​ລິ​ມປິກ.