ສູນເຮືອໃບໂອລິມປິກຊິ່ງຕາວ
-----------------------------------------------------------------------------------------------------------------
ທີ່ນີ້ວິທະຍຸສາກົນແຫ່ງປະເທດຈີນ,ທ່ານຜູ່ຟັງທີ່ໂຄລົບ, ໃນຖານະເປັນຕົວເມືອງ1ໃນ6ຕົວເມືອງທີ່ຮ່ວມຈັດງານກິລາໂອລິມປິກ2008,ຊິ່ງຕາວ ເມືອງພາກຕາເວັນອອກຂອງຈີນຈະຮັບຜິດຊອບຈັດການແຂ່ງຂັນເຮືອໃບ.ສູນເຮືອໃບໂອລິມປິກຊິ່ງຕາວເລີ່ມກໍ່ສ້າງໃນວັນທີ25 ພຶດສະພາປີ2004,ແລະສຳເລັດໃນທ້າຍປີ2007.ນັບຈາກການອອກແບບແລະການກໍ່ສ້າງ,ທຸກຈຸດນອງສູນເຮືອໃບໂອລິມປິກຊິ່ງຕາວກໍ່ສະແດງອອກເຖິງທັດສະນະຄະຕິຂອງ"ງານກິລາໂອລິມປິກສີຂຽວ".
ສູນເຮືອໃບໂອລິມປິກຊິ່ງຕາວຕັ້ງຢູ່ແຄມອ່າວຟູຊ່ານເຂດໃໝ່ທາງພາກຕາເວັນອອກຂອງເມືອງຊິ່ງຕາວ,ມີເນື້ອທີ່ປະມານ45ເຮັກຕາ.ນອກຈາກສະຖານທີ່ຈັດການແຂ່ງຂັນເຮືອໃບ,ສິ່ງກໍ່ສ້າງສົມທົບອື່ນໆກໍ່ລ້ວນແຕ່ຕັ້ງຢູ່ໃນສູນແຫ່ງນີ້,ໃນນັ້ນລວມທັງສິ່ງກໍ່ສ້າງຕ່າງໆຄືສາຂາບ້ານໂອລິມປິກ,ສູນນັກກິລາ,ສູນຄຸ້ມຄອງ ບໍລິຫານ,ສູນສື່ມວນຊົນແລະສູນພະລາທິການເປັນຕົ້ນ.ຍ່າງທ່ຽວຊົມຢູ່ສູນເຮືອໃບໂອລິມປິກຢ່າງສະບາຍສະບາຍ,ກໍ່ຈະພົບເຫັນວ່າທັດສະນະຄະຕິຂອງ"ງານກິລາໂອລິມປິກສີຂຽວ"ໄດ້ຊຶມເລິກເຂົ້າທຸກຈອກທຸກແຈຂອງສູນເຮືອໃບໂອລິມປິກ.ຢູ່ສອງຂ້າງຂອງຄັນຄູກັນຟອງທະເລທີ່ຈະໃຊ້ເປັນບ່ອນນັ່ງຊົມການແຂ່ງຂັນນັ້ນ,ໄດ້ຕິດຕັ້ງດອກໄຟທີ່ໃຊ້ພະລັງງານລົມໄວ2ຟາກທາງ,ໃບພັດທີ່ຜະລິດໄຟຟ້າດ້ວຍພະລັງລົມທີ່ໃຫ້ແສງສະຫວ່າງຢູ່2ຟາກທາງປິ່ນຢ່າງເປັນລະບົບແລະສະໝໍ່າສະເໝີກັນ,ສ່ວນແປ້ນທີ່ເກັບພະລັງແສງຕາເວັນໄດອອກແບໃຫ້ຕິດກັນຫຼັງຄ່າຂອງສະໜາມກິລາແຫ່ງນີ້ເລີຍ,ເບິ່ງແລ້ວສວຍງາມຫຼາຍ.
ວິທະຍາສາດເຕັກນິກອະນຸລັກສິ່ງແວດລ້ອມສີຂຽວໄດ້ຮັບການນຳໃຊ້ຢ່າງກວ້າງຂວາງຢູ່ສູນເຮືອໃບໂອລິມປິກຊິ່ງຕາວ,ຕົ້ນຕໍລວມທັງເຕັກນິກພະລັງງານແສງຕາເວັນ,ເຕັກນິກເຄື່ອງຈັກສູບຄວາມຮ້ອນຈາກນ້ຳທະເລແລະເຕັກນິກຜະລິດໄຟຟ້າດ້ວຍພະລັງລົມເປັນຕົ້ນ.ສູນນັກກິລາແລະສູນພະລາທິການລ້ວນແຕ່ນຳໃຊ້ລະບົບພະລັງແສງຕາເວັນ,ລະບົບນີ້ສາມາດສະໜອງຄວາມຮ້ອນໃຫ້ສະລອຍນ້ຳແລະສະໜອງພະລັງງານສະອາດໃຫ້ສູ້ແອເຢັນ,ເຮັດໃຫ້ສູນເຮືອໃບໂອລິມປິກຢ່າງໜ້ອຍສາມາດປະຢັດໄຟຟ້າປະມານ9ແສນກິໂລວັດໂມງ,ພ້ອມກັນນັ້ນຍັງພິຈາລະນາເຖິງການປະສົມປະສານກັນຢ່າງສວຍງາມຂອງແປ້ນພະລັງງານແສງຕາເວັນແລະສິ່ງກໍ່ສ້າງ,ມັກອອກແບບໄດ້ໃຊ້ແບບແປ້ນຂອງເຄື່ອງເກັບຄວາມຮອນທີ່ທັນສະໄໝໃນສາກົນ,ເພື່ອໃຫ້ມັນຕ່າງກັບກະເບື້ອງຫຼັງຄາທີ່ໂຄງມົນ,ປະສົມປະສານກັບຫຼັງຄາທີ່ຮາບພຽງ,ເຮັດໃຫ້ສິ່ງກໍ່ສ້າງສະໜາມກິລາຍິ່ງງົດງາມຂຶ້ນອີກ.ສ່ວນລະບົບແອເຢັນຂອງສູນສື່ມວນຊົນແມ່ນໃຊ້ເຄື່ອງຈັກສູບຄວາມຮ້ອນຈາກນ້ຳທະເລ,ເຄື່ອງສູບຊະນິດນີ້ໃຊ້ເງື່ອນໄຂທຳມະຊາດທີ່ຕິດແຄມທະເລຂອງສູນເຮືອໃບໂອລິມປິກຈາກອຸນຫະພູມທີ່ແຕກຕ່າງກັນຂອງນ້ຳທະເລ,ຈະສາມາດສະໜອງຄວາມຮ້ອນແລະຜະລິດຄວາມເຢັນ,ແລະບໍ່ສ້າງມົນລະພິດໃດ.ນອກນີ້,ດອກໄຟພະລັງງານລົມແລະພະລັງແສງຕາເວັນກໍ່ໃຊ້ຈຳນວນຫຼວງຫຼາຍໃນສູນເຮືອໃບໂອລິມປິກ.
ເດືອນສິງຫາປີ2006ຫາເດືອນສິງຫາປີ2007,ສູນເຮືອໃບໂອລິມປິກຊິ່ງຕາວໄດ້ຈັດການແຂ່ງຂັນເຮືອໃບສາກົນຊິ່ງຕາວ"ຮາວຢຸ້ນປັກກິ່ງ"ສອງຄັ້ງຢ່າງສຳເລັດຜົນ,ນີ້ແມ່ນການແຂ່ງຂັນເພື່ອທົດສອບແລະກວດກາຄຸນນະພາບຂອງສິ່ງກໍ່ສ້າງສະໜາມກິລາ,ຄວາມສາມາດຈັດການແຂ່ງຂັນເຮືອໃບງານກິລາໂອລິມປິກປັກກິ່ງ,ສະນັ້ນໄດ້ດຶງດູດຄວາມສົນໃຈຢ່າງສູງຈາກຊາວຈີນແລະຕ່າງປະເທດ.ໂດຍຜ່ານໝູນເດີນໃນເບື້ອງຕົ້ນ,ສູນເຮືອໃບຊິ່ງຕາວໄດ້ຮັບຄວາມຍ້ອງຍໍຊົມເຊີຍຢ່າງເປັນເອກະພາບກັນຈາກຄະນະກຳມະການໂອລິມປິກສາກົນ,ສະຫະພັນເຮືອໃບສາກົນແລະຈາກບັນດານັກກິລາ,ແລະຄູເຝິກ,ເຂົາເຈົ້າເຫັນວ່າ,ສູນເຮືອໃບຊິ່ງຕາວແມ່ນສະໜາມຈັດການແຂ່ງຂັນທີ່ດີທີ່ສຸດໃນໂລກ,ໃນການກໍ່ສ້າງໄດ້ສະແດງເຖິງຫົວຂໍ້ຕົ້ນຕໍຂອງ"ງານກິລາໂອລິມປິກສີຂຽວ",ແລະໄດ້ນຳໃຊ້ອຸປະກອນກໍ່ສ້າງທີ່ອະນຸລັກສິ່ງແວດລ້ອມລວມທັງການນນຳໃຊ້ພະລັງງານແສງຕາເວັນແລະພະລັງງານລົມ.
ທ່ານຈ່າງໄອ້ມິນ ຮອງເຈົ້າຄອງນະຄອນຊິ່ງຕາວ,ຮອງປະທານຄະນະກຳມະການຈັດການແຂ່ງຂັນງານກິລາໂອລິມປິກກ່າວວ່າ,ສູນເຮືບໃລໂອລິມປິກຊິ່ງຕາວຈະບໍ່ປະໄວ້ລ້າໆພາຍຫຼັງງານກິລາໂອລິມປິກປັກກິ່ງສິ້ນສຸດລົງ. ສະໜາມກິລາແຫ່ງນີ້ຈະພັດທະນາເປັນແຫຼ່ງທ່ອງທ່ຽວແຫ່ງໜຶ່ງ,ຍັງຈະກາຍເປັນບ່ອນສຳຄັນໃນການພັດທະນາກິລາເຮືອໃບຂອງຊິ່ງຕາວ.ອີງຕາມແຜນການ,ພາຍຫຼັງການແຂ່ງຂັນສິ້ນສຸດລົງແລ້ວ,ແຕ່ລະພາກສ່ວນຂອງສູນເຮືອໃບໂອລິມປິກຊິ່ງຕາວລ້ວນແຕ່ຈະໄດ້ນຳໃຊ້ຢ່າງເຕັມທີ່,ເຊັ່ນວ່າ,ບ້ານໂອລິມປິກຈະກາຍເປັນໂຮງແຮມ5ດາວ,ສູນຄຸ້ມຄອງບໍລິຫານຈະກາຍເປັນໂຮງຮຽນກິລາການເດີນເຮືອທາງທະເລແລະເປັນສະຖານທີ່ຝຶກອົບຮົມກິລາທາງທະເລຂອງຈີນ,ສູນນັກກິລາຈະກາຍເປັນຫໍພິພິທະພັນການແຂ່ງຂັນເຮືອໃບງານກິລາໂອລິມປິກ,ສູນສື່ມວນຊົນຈະກາຍເປັນສູນບໍລິການຄຼັບເຮືອທ່ອງທ່ຽວຂະໜາດໃຫຍ່,ສູນອຳນວຍຄວາມສະດວກ,ທ່າເຮືອທີ່ຢູ່ໃກ້ຫ້ອງວັດແທກຈະກາຍເປັນທ່າເຮືອທ່ອງທ່ຽວຫຼູຫຼາສາກົນ.
ປັດຈຸບັນ,ບໍ່ເຖິງ1ເດືອນງານກິລາໂອລິມປິກປັກກິ່ງກໍ່ຈະໄຂຂຶ້ນ,ຄົນທັງຫຼາຍ ເຊື່ອວ່າສະໜາມກິລາແຫ່ງນີ້ທີ່ປະຕິບັດທັດສະນະຄະຕິ"ງານກິລາໂອລິມປິກສີຂຽວ"ຈະຈັດການແຂ່ງຂັນເຮືອໃບໃນງານກິລາໂອລິມປິກໄດ້ຢ່າງມີສີສັນພິເສດແລະສຳເລັດຜົນຢ່າງສວຍງາມ.
