ນັກ​ທ່ອງ​ທ່ຽວ​ທີ່​ໄປ​ທ່ຽວ​ຢູ່​ຕິ​ເບດ​ໃນ​ເດືອນ​ກໍ​ລະ​ກົດ​ປີ​ນີ້​ມີ​ເຖິງ 3 ​ແສນ 5 ຫມື່ນ​ກວ່າ​ເທື່ອ​ຄົນ

ຕາມ​ຂ່າວສານ​ຊິນ​ຮວາ: ວັນ​ທີ 5 ສິງຫານີ້, ຢູ່​ທີ່​ນະຄອນຫຼວງ​ປັກ​ກິ່ງ, ທ່ານ​ຕູ້​ຈ່ຽງ ຮອງ​ຫົວຫນ້າ​ກົມ​ທ່ອງ​ທ່ຽວ​ແຫ່ງ​ຊາດ​ຈີນ​ໄດ້​ກ່າວ​ຕໍ່​ນັກ​ຂ່າວ​ຈີນ​ແລະ​ຕ່າງປະ​ເທດ​ວ່າ, ​ໃນ​ເດືອນ​ກໍລະກົດ​ປີນີ້, ນັກ​ທ່ອງ​ທ່ຽວ​ທີ່​ໄປ​ທ່ຽວ​ຢູ່​ເຂດຕິ​ເບ​ດມີ​ເຖິງ 3 ​ແສນ 5 ຫມື່ນ​ກວ່າ​​ເທື່ອ​ຄົນ.

 ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ຢູ່​ສູນຖະ​ແຫຼ​ງ​ຂ່າວ​ສາກົນ​ປັກ​ກິ່ງ 2008 ,ທ່ານ​ຕູ້​ຈ່ຽງກ່າວ​ວ່າ, ຫຼັງ​ຈາກ​​ເກີດ​ເຫດການ​ຈະລາ ຈົນຢູ່ນະຄອນ​ລາຊາ​ຕິ​ເບ​ດ​ໃນ​ວັນ​ທີ 14 ມີນາ​​ປີນີ້​ແລ້ວ, ​ເພື່ອ​ຮັບປະກັນ​ຄວາມ​ປອດ​ໄພ​ຂອງ​ນັກ​ທ່ອງ​ທ່ຽວ​ທີ່​ມາ​ຈາກ​ແຫ່ງ​ຕ່າງໆ​ໃນ​ໂລກ, ການທ່ອງທ່ຽວ​ຂອງ​ເຂດ​ຕິ​ເບ​ດ​ໄດ້​ຢຸດຕິ​ຊົ່ວຄາວໃນ​​ໄລຍະ​ຫນຶ່ງ.  ຫຼັງ​ຈາກ​ນັ້ນ, ນອກຈາກ​ເພີ່ມ​ມາດ​ຕະການ​ຄວາມ​ປອດ​ໄພ​ຂອງ​ບ່ອນ​ທ່ອງ​ທ່ຽວ, ລັດຖະບານ​ກາງ​ແລະ​ອົງການ​ປົກຄອງ​ເຂດ​ຕິ​ເບ​ດກໍ​ໄດ້​ເພີ່ມ​ການ​ປັບປຸງ​ບູລະນະ​ແຫຼ່ງທ່ອງ​ທ່ຽວ​ຕ່າງໆ​ອີກ.  ປະຈຸ​ບັນ, ຂະ​ແຫນງ​ການທ່ອງທ່ຽວ​ຂອງ​ຕິ​ເບ​ດພວມຮັບ​ການຟື້ນ​ຟູ​ຢ່າງ​ວ່ອງ​ໄວ.