ທ່ານ​ສົມ​ສະ​ຫວາດ ​ເລັ່ງ​ສະ​ຫວັດ​ຕີ​ລາ​ຄາ​ສູງ​ຕໍ່​ງານ​ກິ​ລາ​ໂອ​ລິມ​ປິກ​ປັກ​ກິ່ງ

ຕາມ​ຂ່າວ​CRI：ວັນ​ທີ 9 ສິງຫານີ້, ທ່ານ​ວາງ​ຈຸ່ນ ຮອງ​ຫົວໜ້າ​ກົມ​ໃຫຍ່​ກິລາ​ແຫ່ງ​ຊາດ​ຈີນ​ໄດ້​ພົບ​ປະ​ທ່ານ​ສົມ​ສະຫວາດ ​ເລັ່ງສະຫວັດ ຮອງ​ນາຍົກລັດຖະມົນຕີ ທັງ​​ເປັນ​ປະທານ​ຄະນະ​ກຳມະການ​ຈັດ​ງານ​ກິລາ​ຊີ​ເກ​ມຄັ້ງທີ 25 ຂອງ​ລາວ. ​ໃນ​ການ​ພົບ​ປະ, ທ່ານ​ສົມ​ສະຫວາດ ​ເລັ່ງສະຫວັດ​ກ່າວ​ວ່າ, ພິທີ​ໄຂ​ງານ​ກິລາ​ໂອ​ລິມປິກ​ປັກ​ກິ່ງ​ສຳ​ເລັດ​ຜົນ​ທີ່​ສຸດ.

ທ່ານ​ສົມ​ສະຫວາດ​ກ່າວ​ວ່າ, ພິທີ​ໄຂ​ງານ​ກິລາ​ໂອ​ລິມປິກ​ປັກ​ກິ່ງ​​ມ່ວນຫຼາຍ, ການສະ​ແດງ​ສິລະ​ປະ​ແມ່ນ​ການສະ​ແດງ​ທີ່​ໃຫຍ່​ໂຕ​ມະ​ໂຫລານທີ່​ສຸດຂອງ​ງານ​ໂອ​ລິ​ມປິກ​ນັບ​ມາ​ຮອດ​ປັດຈຸບັນ, ຈະ​ລື່ນ​ກາຍ​ຍາກ. ​ໃນ​ນັ້ນ, ການສະ​ແດງ​ຕົວ​ໜັງ​ສຶຈີນ"​ເຫີ" ​ໄດ້​ສະ​ແດງ​ໃຫ້​ເຫັນ​ປະຊາຊົນ​ຈີນ​​ເປັນ​ຊົນ​ເຜົ່າ​ທີ່​ຮັກຫອມ​ສັນຕິພາບ​ແລະ​ສົ່ງ​ເສີມ​ການ​ຢູ່​ຮ່ວມ​ກັນ​ໂດຍ​ສັນຕິ​ໃນຫຼາຍພັນ​ປີ​ມາ​ນີ້. ພິທີ​ໄຂງານ​ໂອ​ລິ​ມປິກ​ເທື່ອ​ນີ້, ​ໄດ້​ມີ​ປະມຸກ​ລັດ​ແລະ​ຫົວໜ້າ​ລັດຖະບານ 80 ກວ່າ​ທ່ານ​ມາ​ເຂົ້າຮ່ວມ, ນີ້​ກໍ່​ບໍ່​ເຄີຍ​ມີ​​ມາກ່ອນ, ​ເຖີງ​ແມ່ນ​ວ່າກອງ​ປະຊຸມສະຫັດ​ສະຫວັດ​ຂອງ​ສະຫະ​ປະຊາ​ຊາດ​ທີ່​ໄຂ​ຂຶ້ນ​​ໃນ​​ເມື່ອ​ກ່ອນກໍ່​ບໍ່​ມີຫຼາຍປານ​ນີ້. ນີ້​ໄດ້​ສະ​ແດງ​ໃຫ້​ເຫັນ​ຢ່າງ​ເຕັມ​ສ່ວນວ່າ, ປັດຈຸບັນ, ປະ​ເທດ​ນັບ​ມື້​ນັບຫຼາຍ​ໄດ້​​ເລັງ​ສາຍຕາ​ໃສ່​ຈີນ, ​ນັບ​ມື້​ນັບ​ເຄົາລົບຈີນ, ​ເຮັດ​ໃຫ້​ຈີນ​ມີ​ຖານະສາກົນ​ສູງ​ຂຶ້ນຕື່ມ​ອີກ. ຜ່ານ​ການຈັດ​ງານ​ໂອ​ລິ​ມປິກ​ຄັ້ງນີ້, ​ເຊື່ອ​ວ່າ​ຈະ​ມີ​ຄົນ​ນັບ​ມື້​ນັບຫຼາຍ​ເຂົ້າ​ໃຈ​ຈີນ​ແລະ​ສະໜັບສະໜູນ​ຈີນ.

ສຸດ​ທ້າຍ, ທ່ານ​ສົມ​ສະຫວັດ ​ເລັ່ງສະຫວັດ​ຍັງ​ໄດ້​ອວຍພອນ​ໃຫ້​ງານ​ກິລາ​ໂອ​ລິມປິກຄັ້ງນີ້​ສຳ​ເລັດ​ຜົນ​ຢ່າງ​ຈົບງາມ, ອວຍພອນ​ໃຫ້​ຄະນະ​ນັກ​ກິລາ​ຈີນ​ໄດ້​ຮັບຫຼຽນຄຳຫຼາຍກວ່າ​ໝູ່.