ທ່ານຊີຈິ້ນພິງພົບປະບັນດາລາດຊະວົງຂອງຕ່າງປະເທດທີ່ມາເຂົ້າຮ່ວມພິທີໄຂງານໂອລິມປິກປັກກິ່ງ
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ 9 ສິງຫານີ້, ຢູ່ທີ່ນະຄອນຫຼວງປັກກິ່ງ,ທ່ານຊີຈິ້ນພິງ ຮອງປະທານປະເທດຈີນໄດ້ພົບປະບັນດາລາດຊະວົງຂອງຕ່າງປະເທດທີ່ມາເຂົ້າຮ່ວມພິທີໄຂງານໂອລິມປິກປັກກິ່ງເຊັ່ນ: ແບນຊິກ ດານມາກ ໂຮນລັງ ກາຕາ ແອສປາຍ ໄທແລະຕົງກາເປັນຕົ້ນ,ແລະສະແດງຄວາມຊົມເຊີຍຕໍ່ບັນດາລາດຊະວົງທີ່ມາເຂົ້າຮ່ວມງານເທື່ອນີ້
ທ່ານຊີຈິ້ນພິງກ່າວວ່າ,ການຈັດງານໂອລິມປິກແມ່ນຄວາມຄອງຄອຍຮ້ອຍປີຂອງປະຊາຊາດຈີນ,ຫວັງໃຫ້ງານໂອລິມປິກປັກກິ່ງສາມາດເຮັດໃຫ້ໂລກຮູ້ຈີນແລະຈີນຮູ້ໂລກດີກວ່າເກົ່າ.
ທ່ານຊີຈິ້ນພິງໄດ້ຕີລາຄາຢ່າງຕັ້ງຫນ້າຕໍ່ການພົວພັນມິດຕະພາບລະຫວ່າງຈີນກັບປະເທດຕ່າງໆ, ຫວັງວ່າບັນດາລາດຊະວົງຂອງຕ່າງປະເທດສືບຕໍ່ສົນໃຈນຳຈີນ, ປະກອບສ່ວນຢ່າງຫຼາຍກວ່າເກົ່າເຂົ້າໃນການຂະຫຍາຍການພົວພັນລະ ຫວ່າງສອງຝ່າຍ.
ບັນດາລາດຊະວົງອວຍພອນໃຫ້ພິທີໄຂງານໂອລິມປິກປັກກິ່ງຈົ່ງໄດ້ຮັບຜົນສຳເລັດຢ່າງເຕັມເມັດເຕັມຫນ່ວຍ, ຕີລາຄາຢ່າງຕັ້ງຫນ້າຕໍ່ການພັດ ທະນາຂອງເສດຖະກິດສັງຄົມຈີນແລະກ່າວວ່າຈະສືບຕໍ່ເພີ່ມການພັດທະນາການແລກປ່ຽນແລະຮ່ວມມືມິດ ຕະ ພາບກັບຈີນ.
