ຊາມາຣັນສ:ທຸກສິ່ງທັງຫມົດໃນງານໂອລິມປິກປັກກິ່ງລ້ວນແຕ່ສອດຄ່ອງກັບຄວາມຄອງຄອຍຂອງຂ້າພະເຈົ້າ
-----------------------------------------------------------------------------------------------------------------
ນະຄອນທີ່ໄດ້ຮັບເລືອກຕັ້ງເປັນເຈົ້າພາບຈັດງານກິລາໂອລິມປິກ 2008 ແມ່ນນະຄອນປັກກິ່ງ. ເມື່ອ 7 ປີກ່ອນ, ຄວາມເວົ້າຄວາມນີ້ຂອງທ່ານຮວນ ແອນໂຕນີໂອ ຊາ ມາຣັນສ໌ ປະທານຄະນະກຳມະການໂອລິມປິກສາກົນຊຸດນັ້ນໄດ້ເຮັດໃຫ້ທົ່ວປະເທດຈີນໄຊໂຍໂຮຮ້ອງ. ກ່ອນຈັດງານໂອລິມປິກປັກກິ່ງ, ນັກຂ່າວຂອງວິທະຍຸCRI ໄດ້ເຂົ້າສຳພາດເພື່ອນເກົ່ານີ້ທີ່ເຮັດໃຫ້ຄົນຈີນບໍ່ລືມຈັກເທື່ອຜູ່ນີ້, ທ່ານຊຳມາຣັນສ໌ກ່າວວ່າ, ທຸກສິ່ງທຸກຢ່າງຂອງງານໂອລິມປິກປັກກິ່ງລ້ວນແຕ່ສອດຄ່ອງກັບຄວາມຄອງຄອຍຂອງຂ້າພະເຈົ້າເມື່ອ 7 ປີກ່ອນ.
ໃນເວລາສຳພາດ, ທ່ານຊາມາຣັນສ໌ໄດ້ກ່າວດ້ວຍຄວາມສະດຸດໃຈວ່າ, ບໍ່ມີຜູ່ໃດເຂົ້າໃຈຫຼາຍກວ່າທ່ານວ່າ, ເພື່ອຈັດງານໂອລິມປິກເທື່ອຫນຶ່ງໃຫ້ຢ່າງດີ, ຄົນຈີນໄດ້ທຳຄວາມພະຍາຍາມປານໃດ.
ຂ້າພະເຈົ້າດີໃຈທີ່ໄດ້ເຂົ້າຮ່ວມພິທີໄຂງານໂອລິມປິກປັກກິ່ງ 2008. ຂ້າພະເຈົ້າຮູ້ດີທີ່ສຸດວ່າ,ເພື່ອຈັດງານໂອລິມປິກເທື່ອນີ້ໃຫ້ດີ ຄົນຈີນໄດ້ທຳຄວາມພະຍາຍາມຫຼາຍປານໃດເພື່ອຈັດງານໂອລິມປິກຄັ້ງນີ້. ຂ້າພະເຈົ້າເຊື່ອຫມັ້ນວ່າ, ງານໂອລິມປິກຄັ້ງນີ້ຈະຕ້ອງຫນ້າຊົມແລະສຳເລັດຜົນທີ່ສຸດ, ຍັງອາດຈະເປັນງານໂອລິມປິກທີ່ດີກວ່າຫມູ່ໃນປະ ຫວັດ ສາດ. ບໍ່ວ່າເປັນປະທານຄະນະກຳມະການໂອລິມປິກສາກົນຫຼືວ່າເປັນປະ ທານກິຕິມະສັກຫຼັງຈາກບຳນານແລ້ວ, ທ່ານຊາມາຣັນສ໌ກໍ່ມີຄວາມຫມັ້ນໃຈເຕັມປ່ຽມຕໍ່ຈີນແລະຕໍ່ນະຄອນປັກກິ່ງໂດຍຕະຫຼອດ. ໃນໄລຍະເວລາກຽມຈັດງານໂອລິມປິກ, ປັກກິ່ງໄດ້ປະສົບຄວາມຫຍຸ້ງຍາກແລະຄວາມຄົດລ້ຽວຫຼາຍເທື່ອ. ໃນເວລານີ້, ທ່ານຊາມາຣັນສ໌ກໍໄດ້ໃຫ້ການສະຫນັບສະຫນູນແລະໃຫ້ກຳລັງໃຈແກ່ ນະຄອນປັກກິ່ງ. ຕົວຢ່າງຄື: ກ່ຽວກັບບັນຫາມົນລະພິດໃນອາກາດຂອງປັກກິ່ງ, ໃນກອງປະຊຸມຄົບຄະນະກວາເຕມາລາຂອງຄະນະກຳມະການໂອລິມປິກສາກົນເມື່ອ 1 ປີກ່ອນ, ທ່ານຊາມາຣັນສ໌ເວົ້າຕໍ່ນັກຂ່າວວ່າ:
ຂ້າພະເຈົ້າບໍ່ເຫັນວ່າມັນຈະກີດຂວາງການຈັດງານໂອລິມປິກ, ຂ້າພະເຈົ້າເຊື່ອຄວາມສາມາດຂອງຄະນະຈັດຕັ້ງງານກິລາໂອລິມປິກຈີນຮ້ອຍສ່ວນຮ້ອຍ. ບໍ່ພຽງແຕ່ແມ່ນບັນຫານີ້ເທົ່ານັ້ນ,ລວມທັງບັນຫາທັງຫມົດລ້ວນແຕ່ຈະແກ້ໄຂໃຫ້ຕົກໄດ້ຢ່າງເຫມາະສົມ.
ຄວາມຫມັ້ນໃຈອັນເດັດດ່ຽວປານນີ້ແນ່ນອນແມ່ນມາຈາກຄວາມເອົາໃຈໃສ່ແລະຄວາມເຂົ້າໃຈຢ່າງເລິກເຊິ່ງ. ໃນເວລາ ທ່ານຊາມາຣັນສ໌ດຳລົງຕຳແຫນ່ງເປັນປະທານຄະນະກຳມະການໂອລິມປິກສາກົນໃນ 21 ປີມານີ້, ນັບແຕ່ປະເທດຈີນໃຫມ່ກັບຄືນສູ່ມະຫາຄອບຄົວໂອລິມປິກ,ຮອດປັກກິ່ງໄດ້ ຈັດງານກິລາອາຊີປີ 1990 ຢ່າງສຳເລັດຜົນ, ນັບແຕ່ຈີນໄດ້ຮັບຫຼຽນຄຳໂອລິມປິກຫຼຽນທຳອິດຮອດມີແຊມປຽນໂອລິມປິກ 100 ກວ່າຄົນໃນປະຈຸບັນ,ທ່ານຊາມາລັສ໌ໄດ້ເຫັນກິລາຂອງຈີນໄດ້ພັດທະນາໄວປານບິນ,ສະນັ້ນ ທ່ານເຊື່ອຫມັ້ນວ່າດຖ້າຈີນສາມາດຈັດງານໂອລິມປິກເທື່ອຫນຶ່ງ,ກິລາໂອລິມປິກກໍຈະພັດທະນາແບບກ້າວກະໂດດ. ຫຼັງຈາກປັກກິ່ງໄດ້ເສຍໃຫ້ຊິດນີດ້ວຍບັດຄະແນນ 2 ບັດໃນເວລາຮ້ອງຂໍຈັດງານກິລາໂອລິມປິກປີ 2000 ແລ້ວ, ທ່ານຊາມາຣັນສ໌ຮູ້ສຶກເສຍໃຈຫຼາຍ, ແຕ່ວ່າ, ໃນເວລາປະກາດປັກກິ່ງເປັນນະຄອນທີ່ເປັນເຈົ້າພາບຈັດງານກິລາໂອລິມປິກກິ່ງ 2008 ແລ້ວ, ທ່ານຊຳມາຣັນສ໌ ຮູ້ສຶກດີອົກດີໃຈບໍ່ດ້ອຍກວ່າຄົນຈີນ . ນັບມາຮອດປະຈຸບັນ, ເລື່ອງຫວນຄືນຫຼັງເຫຼົ່ານີ້ຍັງເຮັດໃຫ້ຜູ່ອາວຸໂສອາຍຸ 88 ປີ ຜູ່ນີ້ຕື້ນເຕັ້ນຢູ່ບໍ່ເຊົາ.
ໃນເວລາຮ້ອງຂໍຈັດງານໂອລິມປິກປີ 2000,ປັກກິ່ງໄດ້ເສຍໄຊ ແຕ່ ບໍ່ໄດ້ຄິດເລີຍວ່າໃນເວລາຮ້ອງຂໍຈັດງານໂອລິມປິກປີ 2008, ປັກກິ່ງພັດເອົາຊະນະຢ່າງງ່າຍດາຍ. ເທື່ອນັ້ນ, ປັກກິ່ງໄດ້ເວົ້າໃຫ້ກຳມະການທັງຫມົດຂອງຄະນະກຳມະການໂອລິມປິກສາກົນຍອມເຊື່ອ. ຄົນທັງຫຼາຍເຊື່ອຫມັ້ນຢ່າງສົມບູນວ່າ, ປັກກິ່ງແມ່ນການເລືອກທີ່ດີກວ່າຫມູ່ໃນການຈັດງານໂອລິມປິກຄັ້ງນີ້.
ສາມາດເວົ້າໄດ້ວ່າ, ການປະພິດຂອງປັກກິ່ງໃນຊູ່ມື້ນີ້ບໍ່ໄດ້ເຮັດໃຫ້ບັນດາກຳມະການຜິດຫວັງ. ທົ່ວໂລກໃຜກໍຄອງຄອຍງານໂອລິມປິກທີ່ດີເລີດ. ແຕ່ທ່ານຊາມາຣັນສ໌ທີ່ໄດ້ກ້າວເຂົ້າສູ່ປັດສິນມະໄວແລ້ວ, ເວົ້າວ່າຄວາມຝັນດຽວກັນທີ່ທ່ານກັບຄົນຈີນຮ່ວມກັນປາຖະຫນານັ້ນໃຫ້ຈະບັນລຸຜົນເປັນຈິງແລ້ວ.ໄດ້ເຫັນປັກກິ່ງຈັດງານໂອລິມປິກກັບຕາຕົນເອງ,ນີ້ບໍ່ພຽງແຕ່ແມ່ນຄວາມຝັນຂອງປະຊາຊົນຈີນທຸກຖ້ວນຫນ້າເທົ່ານັ້ນ, ພ້ອມກັນນັ້ນກໍ່ແມ່ນຄວາມຝັນຂອງຂ້າພະເຈົ້າເອງ
