ພາສາຈີນໂອລິມປິກ 080812
-----------------------------------------------------------------------------------------------------------------
ສຳຄັນແມ່ນເຂົ້າຮ່ວມ
ວັນນີ:ສະບາຍດີທ່ານຜູ່ຟັງທີ່ຮັກແພງທຸກທ່ານ,ສັງຂານແລະວັນນີມາພົບກັບທ່ານອີກແລ້ວໃນລາຍການພາສາຈີນໂອລິມປິກທີ່ຈັດເປັນພິເສດໃນໄລຍະງານໂອລິມປິກປັກກິ່ງ.
ສັງຂານ:ສະບາຍດີມິດລາຍການທີ່ຄິດຮອດຄິດເຖິງ, ຜູ່ຈັດລາຍການທັງສອງຫວັງຜ່ານລາຍການນີ້,ທ່ານຈະໄດ້ຮູ້ໄດ້ເວົ້າພາສາຈີນກ່ຽວກັບກິລາໂອ ລິມປິກຫລາຍຂຶ້ນຕື່ມເນາະ.ນີ້ວັນນີ,ວັນນີຮູ້ບໍ່ວ່າໃນໄລຍະງານໂອລິມປິກ, ມື້ໃດຈະມີການຊິງຫລຽນຄຳຫລາຍກວ່າຫມູ່?
ວັນນີ:ວັນນີເບິ່ງໃນຕາຕະລາງແຂ່ງຂັນຮູ້ແລ້ວວ່າ, ວັນທີ 17 ສິງຫານີ້ຄື ວັນອາທິດທີ່ຈະມາເຖິງນີ້ແມ່ນມື້ທີ່ຈະມີການຊິງຫລຽນຄຳຫລາຍກວ່າຫມູ່, ຄືຈະມີ 29 ຫລຽນພຸ້ນໄດ໋.ຄິດວ່າຮອດມື້ນັ້ນ, ພວກເຮົາຄືຊິເບິ່ງການແຂ່ງຂັນບໍ່ຈົນທັນພຸ້ນລະ.
ສັງຂານ:ເຈົ້າແມ່ນແລ້ວ, ການ ໄດ້ຫລຽນຄຳແມ່ນເລື່ອງທີ່ຫນ້າພາກພູມໃຈ,ແຕ່ວ່າສັງຂານກໍ່ຄິດວ່າ, ນັກກິລາທຸກຄົນທີ່ເຂົ້າຮ່ວມການແຂ່ງຂັນນັ້ນບໍ່ວ່າຈະໄດ້ຫລຽນຫລືບໍ່ກໍ່ລ້ວນແຕ່ແມ່ນຜູ່ທີ່ມີນ້ຳໃຈອັນປະເສີດ.ເພາະວ່າເຂົາເຈົ້າໄດ້ສະແດງໃຫ້ເຫັນນ້ຳໃຈໂອລິມປິກທີ່ວ່າ ສຳຄັນແມ່ນເຂົ້າຮ່ວມ.
ວັນນີ:ເຈົ້າແມ່ນແລ້ວ, ສະນັ້ນ ໃນລາຍການມື້ນີ້ ພວກເຮົາກໍ່ຈະມາຮຽນຄຳວ່າ ສຳຄັນແມ່ນເຂົ້າຮ່ວມ, ພາສາຈີນວ່າແນວໃດ?
ສັງຂານ:ດີຫລາຍ.
ວັນນີ:ສຳຄັນແມ່ນເຂົ້າຮ່ວມ ພາສາຈີນເອີ້ນວ່າ 重在参与
ສັງຂານ:ຈົ້ງ ຈ້າຍ ຊານ ອີ
ວັນນີ:ເຈົ້າ, ຄຳວ່າ 重 ແປວ່າ ສຳຄັນ 在 ຢູ່ທີ່ນີ້ແປວ່າ ແມ່ນ ຫລືວ່າຍ້ອນ 参与ແປວ່າ ເຂົ້າຮ່ວມ
ສັງຂານ:ອ່ານຕາມ. ເວົ້າເຖິງການເຂົ້າຮ່ວມນີ້, ສັງຂານຄິດວ່າບໍ່ພຽງແຕ່ແມ່ນງານໂອລິມປິກຕ້ອງການມີຄົນເຂົ້າຮ່ວມຢ່າງຫລວງຫລາຍ, ລາຍການຂອງ cri ພວກເຮົາກໍ່ລໍຖ້າທ່ານມີສ່ວນຮ່ວມນັບມື້ນັບຫລາຍຂຶ້ນຄືກັນ.
ວັນນີ:ເຈົ້າແມ່ນແລ້ວ, ເວົ້າເຖິງການເຂົ້າຮ່ວມ, ວັນນີກໍ່ໄດ້ຄິດເຫັນຄຳຂວັນຂອງງານໂອລິມປິກປັກກິ່ງຄັ້ງນີ້.
ສັງຂານ: one world one dream ໂລກດຽວກັນ ຄວາມຝັນດຽວກັນ ແມ່ນບໍ່ວັນນີ.
ວັນນີ:ເຈົ້າແມ່ນແລ້ວ, ຄຳຂວັນນີ້ ພາສາຈີນວ່າ: 同一个世界 同一个梦想
ຫນຸ່ມໃຫຍ່: ຖົງອີເກີ້ຊື້ເຈ້ ຖົງອີເກີ້ເມິ້ງສ້ຽງ
ວັນນີ: 同一ແປວ່າ ດຽວກັນ个ແມ່ນອັນ世界ແປວ່າໂລກ 梦想 ແປວ່າຄວາມຝັນ
ສັງຂານ:ອ່ານຕາມ.
ວັນນີ: 同一个世界 同一个梦想
ສັງຂານ: ອ່ານຕາມ.
ວັນນີ:ນີ້ສັງຂານ, ຫວ່າງກ່ອນນີ້ບໍ່ດົນ, ນັກຂ່າວຂອງພະແນກພາສາລາວພວກເຮົາໄດ້ສຳພາດນາງພິໄລລັກ ສັກປະເສີດ ທີ່ເປັນນັກກິລາແລ່ນແລະລານຂອງລາວທີ່ມາຮ່ວມງານໂອລິມປິກ.ນາງໄດ້ເວົ້າເຖິງສະຖິຕິໂອລິມປິກຂອງນາງເອງ.ຫມາຍຄວາມວ່າ: ໄປເຂົ້າຮ່ວມການແຂ່ງຂັນເທື່ອໃດ,ລາວກໍ່ພະຍາຍາມສ້າງສະຖິຕິໃຫມ່ທີ່ດີທີ່ສຸດຂອງຕົນເອງ.
ສັງຂານ:ເຈົ້າແມ່ນແລ້ວ, ບໍ່ແມ່ນວ່ານັກກິລາທຸກຄົນຈະໄດ້ຫລຽນໃນການແຂ່ງຂັນຫມົດທຸກຄົນ, ແຕ່ຍ້ອນມີສ່ວນຮ່ວມ, ເຂົາເຈົ້າຈິ່ງໄດ້ຢືນຢັນນ້ຳໃຈໂອລິມປິກທີ່ວ່າ ສຳຄັນແມ່ນການເຂົ້າຮ່ວມ, ຍິ່ງສູງ ຍິ່ງໄວແລະຍິ່ງເຂັ້ມແຂງ.
ວັນນີ:ເຈົ້າ, ສຳຄັນແມ່ນເຂົ້າຮ່ວມ ພວກເຮົາໄດ້ຮຽນມາແລ້ວແມ່ນ 中在参与 (ອ່ານຕາມ) ບັດນີ້ພວກເຮົາມາຮຽນວ່າ ຍິ່ງສູງ ຍິ່ງໄວ ຍິ່ງເຂັ້ມແຂງ ພາສາຈີນວ່າແນວໃດ
ສັງຂານ:ດີຄືກັນ!
ວັນນີ:ຍິ່ງສູງແມ່ນ 更高 (ອ່ານຕາມ)
ຍິ່ງໄວ 更快
ຍິ່ງເຂັ້ມ更强
ວັນນີ: 更高更快更强
ວັນນີ:ມາຮອດນີ້ ລາຍການສອນພາສາຈີນໂອລິມປິກມື້ນີ້ກໍ່ໃກ້ຈະສິ້ນສຸດລົງແລ້ວ, ຕອນທ້າຍນີ້ ວັນນີຂໍມອບເພງ 飞得更高 ບິນສູງກວ່າເກົ່າ.
ສັງຂານ:ຫວັງວ່ານັກກິລາທີ່ເຂົ້າຮ່ວມງານໂອລິມປິກນັ້ນໄດ້ສ້າງຜົນງານທີ່ດີເລີດດ້ວຍຄວາມກ້າຫານ.ສະບາຍດີ.
