ລັດຖະບານຈີນເອົາໃຈໃສ່ທີ່ສຸດນຳການປົກປ້ອງແລະຂະຫຍາຍ ວັດທະນະທຳຊົນເຜົ່າສ່ວນຫນ້ອຍໂດຍຕະຫຼອດ
-----------------------------------------------------------------------------------------------------------------
ຕາມຂ່າວຫນັງສືພິມເຢິມິນຢື້ປ້າວ: ວັນທີ 13 ສິງຫານີ້,ທ່ານເຈ່ຍຊິ້ນລິນ ກຳມະການກົມການເມືອງສູນກາງພັກກອມມູນິດຈີນ ປະທານສະພາປຶກສາການເມືອງແຫ່ງຊາດຈີນໄດ້ໄປຢ້ຽມຊົມງານວາງສະແດງຮູບພາບທາງຄາເກີຊາຣ໌ພັນແຜ່ນເພື່ອຕ້ອນຮັບໂອລິມປິກທີ່ພວມຈັດຢູ່ນະຄອນຫຼວງປັກກິ່ງ. ທ່ານເຈ່ຍຊິ້ນລິນກ່າວວ່າ, ລັດຖະບານກາງຈີນເອົາໃຈໃສ່ທີ່ສຸດນຳການປົກປ້ອງແລະຂະຫຍາຍ ວັດທະນະທຳຊົນເຜົ່າສ່ວນຫນ້ອຍຕະຫຼອດມາ. ຮູບທາງຄາເກີຊາຣ໌ພັນແຜ່ນທີ່ເຂດປົກຄອງຕົນເອງເຜົ່າຕິເບດກັ່ນຈີ່ຂອງແຂວງເສສວນໄດ້ຈັດການວາງສະແດງຄວາມສາມາດໃນດ້ານການປະດິດເພື່ອແຕ່ງນັ້ນບໍ່ພຽງແຕ່ແມ່ນການກະທຳທີ່ປະດິດສ້າງໃນການປົກປ້ອງແລະຂະຫຍາຍວັດທະນະທຳຕິເບດເທົ່ານັ້ນ, ແຕ່ຍັງແມ່ນການສະແດງອັນຊີວິດຊີວາຂອງນະໂຍບາຍຊົນເຜົ່າແລະວັດທະນະທຳຂອງຈີນ.
ທ້າວເກີຊາຣ໌ແມ່ນວິລະຊົນທີ່ເລົ່າລືກັນຢ່າງກວ້າງຂວາງຂອງປະຊາຊົນເຜົ່າຕິເບດ, ຮູບທາງຄາແມ່ນຮູບແຜ່ນທີ່ຕິດແຜ່ນຮູບແຕ້ມໃສ່ໄມ້ທ່ອນນ້ອຍໆຢູ່ສອງສົ້ນດ້ວຍຜ້າໄຫມສີທີ່ເຜີຍແຜ່ຢູ່ເຂດຕິເບດ. ການສະແດງເທື່ອນີ້ໄດ້ສະແດງຮູບທາງຄາເກີຊາຣ໌ 260 ແຜ່ນ, ຮູບຖ່າຍແລະແຜນພາບ80 ກວ່າແຜ່ນແລະເຄື່ອງວາງສະແດງ 50 ກວ່າອັນ.
ທ່ານເຈ່ຍຊິ້ນລິນກ່າວວ່າ, ການວາງສະແດງຮູບທາງຄາເກີຊາຣ໌ພັນແຜ່ນໄດ້ສະແດງໃຫ້ເຫັນເລື່ອງຈິງທີ່ການພັດທະນາເສດຖະກິດສັງຄົມແລະວັດທະ ນະທຳຊົນເຜົ່າຂອງເຂດຕິເບດໄດ້ຮັບການປົກປ້ອງຢ່າງດີກວ່າເກົ່າ.
