ພາສາຈີນໂອລິມປິກ 080816
(GMT+08:00) 2008-08-15 13:41:09 cri
-----------------------------------------------------------------------------------------------------------------
-----------------------------------------------------------------------------------------------------------------
ວັນນີ:ສະບາຍດີທ່ານຜູ່ຟັງທີ່ຮັກແພງ,ສັງຂານກັບວັນນີຢູ່ປັກກິ່ງມາທັກທາຍສະບາຍດີນຳທ່ານທີ່ຢູ່ວຽງຈັນພີ້ອີກແລ້ວ.
ສັງຂານ:ເຈົ້າ ສະບາຍດີມິດລາຍການທຸກທ່ານ,ໃນລາຍການມື້ນີ້ ພວກເຮົາຈະສືບຕໍ່ສອນພາສາຈີນກ່ຽວກັບໂອລິມປິກໃຫ້ທ່ານ.
ວັນນີ:ເຈົ້າແມ່ນແລ້ວ, ນີ້ສັງຂານ, ກ່ອນເລີ່ມສອນມື້ນີ້,ວັນນີຢາກຖາມສັງຂານວ່າ, ຖ້າວ່າສັງຂານໄດ້ໄປບ່ອນບ່ອນໃດບ່ອນຫນຶ່ງທີ່ໃຫມ່ສຳລັບສັງຂານ, ເຮັດແນວໃດຈິ່ງສາມາດຊອກຮູ້ຮີດຄອງປະເພນີວັດທະນະທຳຂອງບ່ອນນັ້ນໄດ້ຢ່າງວ່ອງໄວ?
ສັງຂານ:ອື່, ສັງຂານຄິດວ່າການເຂົ້າກິ້ງເກືອກລີເລືອກັບໄປຄອບຄົວຂອງປະຊາຊົນທຳມະດາຢູ່ແຫ່ງນັ້ນ,ແລະດຳລົງຊີວິດກັບເຂົາເຈົ້າໄລຍະຫນຶ່ງ, ກໍ່ຄົງຮູ້ດີກ່ຽວກັບຮີດຄອງປະເພນີຢູ່ແຫ່ງນັ້ນດີກວ່າການອ່ານປື້ມອີກ,ແມ່ນບໍ່ວັນນີ
ວັນນີ:ແມ່ນແລ້ວ,ສະນັ້ນ ເນື່ອງໃນໂອກາດຈັດງານໂອລິມປິກປັກກິ່ງ, ເພື່ອໃຫ້ນັກທ່ອງທ່ຽວຕ່າງປະເທດໄດ້ຮູ້ກັບປັກກິ່ງຫລາຍກວ່າເກົ່າ, ພາກ ສ່ວນທີ່ກ່ຽວຂ້ອງໄດ້ຈັດກິດຈະກຳບໍລິການທີ່ໃຫ້ຊື່ວ່າຄອບຄົວໂອລິມປິກຫລືພາສາອັງກິດເວົ້າວ່າ Olympic home stay.
ສັງຂານ: ຄອບຄົວໂອລິມປິກ?ອື່,ສັງຂານຄືຊິໄດ້ຍິນແລ້ວ, ແມ່ນແລ້ວໃນລາຍການຂອງພວກເຮົາຜ່ານມານນີ້,ກໍ່ໄດ້ແນະນຳແລ້ວ, ປັກກິ່ງແມ່ນໄດ້ເລືອກເອົາຄອບຄົວຊາວປັກກິ່ງທຳມະດາທີ່ມີຈຸດພິເສດແລະມີລັກສະນະຕົວແທນຕັ້ງເປັນຄອບຄົວໂອລິມປິກ, ເພື່ອຕ້ອນຮັບຜູ່ຊົມແລະນັກທ່ອງທ່ຽວຕ່າງປະເທດທີ່ມາທ່ຽວປັກກິ່ງໃນໄລຍະງານໂອລິມປິກ.
ວັນນີ:ເຈົ້າແມ່ນແລ້ວ, ສ່ວນຢູ່ປັກກິ່ງ,ດຽວນີ້ມີຄອບຄົວໂອລິມປິກເກືອບ 600 ຄອຍຄົວ, ເຮືອນຢູ່ຂອງຄອບຄົວເຫລົ່ານີ້ສ່ວນຫລາຍກໍ່ແມ່ນເຮືອນ 四合院
ສັງຂານ:ຊື້ ເຫີ ຢ້ວນ? ແມ່ນເຮືອນແບບໃດ?
ວັນນີ:四合院 ແມ່ນເຮືອນpk;ອ້ອມ 4 ດ້ານມີເດີ່ນທາງກາງ.ເພາະວ່າມັນມີຮູບສີ່ຫລ່ຽມຄືກັບຮັບກັບໄຟອັນຫນຶ່ງນີ້ແຫລະ. ສ່ວນຫລາຍແບ່ງເປັນສອງພາກສ່ວນ,ສວນນອກແລະສວນໃນ,ສວນໃນແມ່ນບ່ອນພັກເຊົາຂອງເຈົ້າຂອງເຮືອນ, ສວນໃນອກແມ່ນມີຫ້ອງຮັບແຂກ,ແລະຫ້ອງນອນສຳລັບໃຫ້ແຂກທີ່ມາຢາມ. ສັງຂານອາດຈະເຄີຍໄປທ່ຽວວັງກູ້ກົ່ງ,ຖ້າວ່າໄດ້ສັງເກດເບິ່ງຢ່າງລະອຽດແລ້ວ, ສັງຂານກໍ່ຈະຮູ້ວ່າທີ່ຈິງແລ້ວວັງກູ້ກົງແມ່ນເຮືອນ 四合院 ທີ່ຂະຫຍາຍໃຫ້ກວ້າງໃຫຍ່ອອກ, ງາມຫລູຫລາຫລາຍທີ່ເປັນບ່ອນພັກຂອງເຈົ້າຊີວິດ.
ສັງຂານ:ໂອ,ເຂົ້າໃຈແລ້ວ, ຊື້ເຫີຢ້ວນ, ກູ້ກົ່ງ, ສັງຂານຈະຈື່ໄວ້.ສັງຂານຮູ້ວ່າ, ຊື້ເຫີຢ້ວນທີ່ຍັງເຫລືອຢູ່ປັກກິ່ງໃນປັດຈຸບັນສ່ວນຫລາຍແມ່ນເຮືອນທີ່ປຸກໃນສະໄຫມລາດຊະວົງມິງແລະລາດຊະວົງຊິ່ງ,ມີປະຫວັດຮ້ອຍກວ່າປີແລ້ວ,ແມ່ນບໍ່ວັນນີ
ວັນນີ:ເຈົ້າແມ່ນແລ້ວ, ເມືອງປັກກິ່ງເກົ່າກໍ່ແມ່ນປະກອບດ້ວຍເຮືອນ 四合院 ຕັ້ງລຽນຕິດກັນເປັນພັນເປັນຫມື່ນ,ເພື່ອໃຫ້ຄວາມສະດວກໃຫ້ແກ່ປະຊາຊົນອອກເດີນທາງ, ຢູ່ລະຫວ່າງເຮືອນ 四合院 ສອງແຖວ, ຕ້ອງມີທາງນ້ອຍໆ,ນີ້ກໍ່ແມ່ນ 胡同
ສັງຂານ: ຫູຖົງ ສັງຂານຮູ້ແລ້ວ, ຫູຖົງກໍ່ແມ່ນທາງທີ່ຕິດຕໍ່ລະຫວ່າງເຮືອນ ຊື້ເຫີຢ້ວນແມ່ນບໍ່ຫລະ?
ວັນນີ:ແມ່ນແທ້, ສ່ວນປັກກິ່ງມີ 胡同 ເທົ່າໃດສາຍແທ້? ມີການບັນທຶກວ່າ, ໃນສະໄຫມລາດຊະວົງມິງທີ່ຫລາຍຮ້ອຍປີກ່ອນ, ປັກກິ່ງມີ 胡同 ຫລາຍພັນສາຍ.ຕັ້ງແຕ່ປະຕິຮູບແລະໄຂປະຕູສູ່ພາຍນອກມາ, ຄຽງຄູ່ກັບການພັດທະນາຂອງເສດຖະກິດແລະການກໍ່ສ້າງຕົວເມືອງ, ນະຄອນປັກກິ່ງໄດ້ມ້າງແລະດັດສ້າງ 胡同 ຈຳນວນຫນຶ່ງ, ມາຮອດດຽວນີ້ ຍັງມີ 胡同 4000 ກວ່າສາຍ.
ສັງຂານ:ໂອ່ຫລາຍເຕີບເນາະ!.
ວັນນີ:ອື່, ນັກທ່ອງທ່ຽວບໍ່ຫນ້ອຍໂດຍສະເພາະແມ່ນຄົນຕ່າງປະເທດທີ່ມາທ່ຽວປັກກິ່ງນັ້ນ, ສ່ວນຫລາຍສົນໃຈນຳ 胡同 ທີ່ແຄບໆແລະຄົດໆລ້ຽວໆແລະເຮືອນ 四合院 ຫລາຍ.
ສັງຂານ:ສົມພໍສັງຂານກໍ່ເຄີຍໄດ້ຍິນເຂົາເຈົ້າວ່າວັດທະນະທຳດັ້ງເດີມຂອງປັກກິ່ງກໍ່ເອີ້ນວ່າວັດທະນະທຳຫູຖົງແລະວັດທະນະທຳຊື້ເຫີຢ້ວນໄດ້ເນາະ.
ວັນນີ:ເຈົ້າແມ່ນແລ້ວ, ບັດນີ້ພວກເຮົາມາແອບເວົ້າຄືນອີກ 四合院 (ອ່ານຕາມ) 胡同(ອ່ານຕາມ)
ວັນນີ:ມາຮອດນີ້,ລາຍການມື້ນີ້ກໍ່ໃກ້ຈະສິ້ນສຸດລົງແລ້ວ, ຕອນທ້າຍລາຍການ, ຈະໃຫ້ຟັງເພງຫນຶ່ງທີ່ຊື່ວ່າ 故乡是北京 ບ້ານເກີດຢູ່ປັກກິ່ງສູ່ຟັງ.
ສັງຂານ:ສະບາຍດີ.
ຂ່າວ-ບົດທີ່ກ່ຽວຂ້ອງ
ຄຳເຫັນ
