ນາງຖົງເວິນ ນັກກິລາຢູໂດຂອງຈີນ:"ຄວາມເປັນຜູ້ຍິງທີ່ທ່ານຍັງບໍ່ເຄີຍຮູ້"
-----------------------------------------------------------------------------------------------------------------
ໃນການແຂ່ງຂັນຄູ່ຊິງຊະນະເລີດຢູໂດລຸ້ນ78ກິໂລຂຶ້ນໄປເພດຍິງຂອງໂອລິມປິກປັກກິ່ງທີ່ສິ້ນສຸດລົງໃນຕອນຄ່ຳວັນທີ15 ສິງຫານີ້,ນາງຖົງເວິນ ນັກກິລາຈີນຫຼຽນຄຳໂດຍເອົາຊະນະນາງຊູຄາດາ ມາຄີ ນັກກິລາຍີ່ປຸ່ນເຊິ່ງເປັນແຊັມເກົ່າໃນໂອລິມປິກ2004ແລະສາມາດບັນລຸຄຳໝັ້ນສັນຍາທີ່ວ່າ"ຮັກສາກຽດສັກສີຂອງຢູໂດຈີນລຸ້ນໃຫຍ່ໃນໂລກ".
ໃນເວລານັ້ນ,ນາງຖາເວິນຮ້ອງໄຫ້ດ້ອຍຄວາມພູມໃຈ.ນາງທ່ອງເວິນ ສາວທ່ຽນສິນທີ່ສູງ1,80ແມັດ,ໜັກ130ກິໂລກອດຄູເຝິກຂອງລາວຄືເດັກນ້ອຍ.
ນາງບອກນັກຂ່າວວ່າ,"ກ່ອນການແຂ່ງຂັນ,ຂ້ອຍເຄີຍບອກຄູເຝິກວ່າ,ປີ2004,ຂ້ອຍບໍ່ຢູ່,ປ່ອຍໃຫ້ຜູ່ອື່ນເອົາຫຼຽນຄຳໄປ;ແຕ່ປີ2008,ຂ້ອຍມາແລ້ວ,ຂ້ອຍຕ້ອງທວງເອົາຫຼຽນນີ້ຄືນ."
ທ່ານອາດຈະຄຶດບໍ່ເຖິງເລີຍວ່າ,ໜາງຖົງເວິນແຂງແຮງບຶກບຶນຜູ້ນີ້ມີເລື່ອງໜຶ່ງທີ່ໜ້ອຍຄົນຮູ້.
ນາງຖົງເວິນທີ່ມີອາຍຸ25ປີແມ່ນຜູ່ທີ່ມີຊື່ສຽງຂອງທີມຢູໂດເພດຍິງທຽນສິງ,ຍັງແມ່ນຫົວໜ້າທີມທີ່ມີນິດໃສອ່ອນແກ່ທີ່ສຸດໃນສາຍຕາຂອງສະມາຊິກທີມ.ນັກກິລາລຸ້ນນ້ອງຂອງທີມຢູໂດຕ້ອງຄວບຄຸມນ້ຳໜັກຮ່າງກາຍກ່ອນການແຂ່ງຂັນ,ສະພາບຮ່າງກາຍແມ່ນບໍ່ຄ່ອຍປົກກະຕິ.ໃນໄລຍະນີ້,ນາງຖົງເວິນຈະຊ່ອຍເຫຼືອສະມາຊິກໃນທີມຊັກເຄື່ອງນຸ່ງຢາງເປັນເຈົ້າການ.ນາງຖົງເວິນຍັງແຕ່ງກິນເກັ່ງຫຼາຍ,ໝູ່ເພື່ອນມັກກິນປາທີ່ນາງປຸງແຕ່ງທີ່ສຸດ.ໃນຄວາມເຫັນຂອງນາງເພ່ນຢູ້ຊ້ຽງ ຜູ່ທີ່ພັກຫ້ອງດຽວກັນກັບນາງຖົງເວິນ,ການທຳຄວາມສະອາດຫ້ອງນອນທີ່ນາງຖົງເວິນເຮັດແມ່ນລະອຽດທີ່ສຸດ.ນາງເພ່ນຢູ້ຊ້ຽງບອກວ່າ,ມີເທື່ອໜຶ່ງກິນເຂົ້າແລງແລ້ວ,ນາງຖົງເວິນຈະອະນາໄມຫ້ອງຜູ່ດຽວ,ນາງເພ່ນຢູ້ຊ້ຽງຢາກຊ່ອຍເຫຼືອ,ແຕ່ນາງຖົງເວິນເຫັນວ່າສອງຄົນປັດກວາດບໍ່ສະດວກ,ນາງເພ່ນຢູ້ຊ້ຽງຈຳເປັນຕ້ອງຊອກລົມກັບໝູ່ຜູ້ອື່ນເພື່ອຂ້າເວລາ.ພາຍຫຼັງ3ຊົ່ວໂມງ,ນາງເພ່ນຢູ້ຊ້ຽງເຫັນຫ້ອງນອນທີ່"ປ່ຽນໂສມໜ້າໃໝ່ໝົດ",ເກືອບບໍ່ເຊື່ອສາຍຕາຂອງຕົນເອງເລີຍ.
ກໍ່ຄືກັບຜູ້ສາວທົ່ວໄປ,ນາງຖົງເວິນມັກເວົ້າມັກລົມ,ມັກຮ້ອງເພງ,ມັກຟ້ອນມັກເຕັ້ນ,ໃນເວລາມີວານມ່ວນຊື່ນ,ນາງຖົງເວິນທັງເປັນໂຄສົກເວທີ,ທັງຮ້ອງທັງຟ້ອນມັກມ່ວນຫຼາຍ.ພາບປະທັບໃຈຂອງສະມາຊິກໃນທີມ,ເພງທີ່ນາງທອງເວິນມັກຮ້ອງທີ່ສຸດແມ່ນ"ຟ້າຫຼັງຝົນ".ໃນງານມ່ວນຊື່ນນຳກັນຄ່ຳຄືນຕ້ອນຮັບປີໃໝ່ຂອງທີມຢູໂດທຽນສິງປີ2007,ການສະແດງເຕັ້ນລາຕິນທີ່ນາງຖົງເວິນສະແດງຮ່ວມກັບໝູ່,ຍັງເປັນພາບປະທັບໃຈມາຈົນຮອດປັດຈຸບັນ.
ວຽກໃນຍາມຫວ່າງທີ່ນາງມັກທີ່ສຸດແມ່ນການແສ່ວໄຂວ່.ກ່ອນງານກິລາເອຊຽນເກມ,ນາງຮີບຟ້າວແສ່ວໄຂວ່ຕົວໜັງສື"福ຝູ"(ໃຫ້ສຳເລັດທີ່ແປວ່າ"ຄວາມສຸກແລະຍັງເຮັດຂອບໃຫ້ຕົວໜັງສືນີ້ງາມໆອີກ).ແມ່ຂອງນາງບໍ່ເຂົ້າໃຈວ່າ:"ເປັນນັກກິລາຢູໂດແລ້ວ,ເປັນຫຍັງຈຶ່ງມັກຖັກແສ່ວແນວນີ້?"ນາງຖົງເວິນຕອບແມ່ວ່າ:"ແຕ່ລະມື້ກໍ່ມີແຕ່ເຝິກຊ້ອມແລະແຂ່ງຂັນ,ຖ້າບໍ່ຮຽນເຮັດວຽກຂອງຜູ່ຍິງແນວນີ້,ກໍ່ຈະບໍ່ມີຄວາມເປັນຜູ່ຍິງໃນຕົວເລີຍ."
ນາງຖົງເວິນທີ່ມັກຫຫຼິ້ນຕຸກກະຕາທີ່ມີຂົນອ່ອນໆນຸ້ມໆມາແຕ່ຕອນເປັນເດັກນ້ອຍ,ດຽວນີ້ມັກຕຸກກະຕາອູດຂົນນຸ້ມແລະຕຸກະຕາສະນຸບປີທີ່ໃສ່ມວກນ້າຮັກ.ອາດຈະແມ່ນຍ້ອນຄວາມອົດທົນສູງຂອງອູດນາງຖົງເວິນຈຶ່ງສາມາດອົດທົນຜ່ານຜ່າຄວາມຫຍຸ້ງຍາກທີ່ຄົນທົ່ວໄປຄຶດບໍ່ເຖິງ,ສາມາດຕໍ່ສູ້ກັບແຮງກົດດັນຈົນສຳເລັດວຽກງານ,ສົມທົບກັບບຸກຄະລິກທີ່ເປີດເຜີຍໜ້າຮັກຂອງຕຸກກະຕາສະນຸບປີ,ນາງຖົງເວິນຈຶ່ງໄດ້ຮັບຜົນສຳເລັດໃນການແຂ່ງຂັນແລະຄວາມເບີກບານມ່ວນຊື່ນໃນຊີວິດຂອງນາງ.