ການແຂ່ງຂັນໂອລິມປິກປັກກິ່ງໃນມື້ນີ້ຈະໄດ້ຊິງຫຼຽນຄຳ18ຫຼຽນ
-----------------------------------------------------------------------------------------------------------------
ຕາມຂ່າວCRI: ວັນທີ 18 ສິງຫານີ້, ການແຂ່ງຂັນໂອລິມປິກປັກກິ່ງໄດ້ເຂົ້າສູ່ມື້ທີ 10, ຈະໄດ້ຊິງຫຼຽນຄຳ 18 ຫຼຽນ. ໃນການແຂ່ງຂັນວັນທີ 17 ສິງຫານີ້, ທິມຈີນໄດ້ຮັບຫຼຽນຄຳ 8 ຫຼຽນ, ແລ້ວຊິງໄດ້ຫຼຽນຄຳທັງຫມົດ 35 ຫຼຽນ ,ສ້າງສະຖິຕິສູງສຸດໃນປະຫວັດສາດ. ນອກນີ້,ທິມຈີນຍັງຊິງໄດ້ຫຼຽນເງິນ 13 ຫຼຽນ ຫຼຽນທອງ 13 ຫຼຽນ, ເປັນອັນດັບທີຫນຶ່ງໃນຕາຕະລາງຫຼຽນ. ທິມອາເມລິກາເປັນທີສອງດ້ວຍຫຼຽນຄຳ 19 ຫຼຽນ ຫຼຽນເງິນ 21 ຫຼຽນແລະຫຼຽນທອງ 25 ຫຼຽນ. ທິມອັງກິດເປັນທີສາມດ້ວຍຫຼຽນຄຳ 11 ຫຼຽນ ຫຼຽນເງິນ 6 ຫຼຽນແລະຫຼຽນທອງ 8 ຫຼຽນ.
ນອກນີ້, ໃນການແຂ່ງຂັນປິງປ໋ອງຫມູ່ຄະນະເພດຍິງໃນວັນທີ 17 ສິງຫານີ້, ທິມສິງກະໂປບໍ່ໄດ້ໄຊຊະນະທິມຈີນດ້ວຍ 0 ຕໍ່ 3, ແຕ່ກໍ່ຊິງໄດ້ຫຼຽນເງິນ 1 ຫຼຽນອັນລ້ຳຄ່າສິ້ນສຸດປະຫວັດສິງກະໂປທີ່ບໍ່ໄດ້ຈັກຫຼຽນໃນໂອລິມປິກໃນ 48 ປີມານີ້, ແລ້ວເຂົ້າສູ່ຕາຕະລາງຫຼຽນໂອລິມປິກປັກກິ່ງ, ຮ່ວມກັບມະເລເຊຍແລະຫວຽດນາມເປັນທີ 54.
ສິ່ງທີ່ເວົ້າເຖິງຫຼາຍກວ່າເກົ່າແມ່ນ: ຫຼັງຈາກທ້າວຢູເຊນ ໂປເທີໄດ້ແຊມປຽນດ້ວຍເວລາ 9 ວິນາທີ 69 ລິບດາ,ແລະທຳລາຍສະຖິຕິສູງສຸດໃນໂລກແລ້ວ, ໃນການແຂ່ງຂັນແລ່ນ 100 ແມັດເພດຍິງງານກິລາໂອລິມປິກປັກກິ່ງໃນຕອນຄ່ຳວັນທີ 17 ສິງຫານີ້, ນັກກິລາຢາມາຍກາ 3 ຄົນ ຊິງໄດ້ຫຼຽນທັງຫມົດໃນລາຍການດັ່ງກ່າວ. ໃນນັ້ນ ນາງຟຼາເຊີ ເຊລີ ອັນຊິງໄດ້ຫຼຽນຄຳດ້ວຍເວລາ 10 ວິນາທີ 78 ລິບດາ
