ຫົວໜ້າພະແນກອາສາສະໝັກຂອງຄະນະຈັດຕັ້ງງານກິລາໂອລິມປິກປັກກິ່ງກ່າວວ່າ,ການບໍລິການຂອງອາສາສະໝັກເຮັດໃຫ້ຄົນເພີ່ງພໍໃຈ

(GMT+08:00) 2008-08-18 16:20:03 cri
-----------------------------------------------------------------------------------------------------------------

ຕາມຂ່າວCRI:ວັນທີ18ສິງຫານີ້,ທ່ານລິວຈ້ຽນ ຫົວໜ້າພະແນກອາສາສະໝັກຂອງຄະນະຈັດຕັ້ງງານກິລາໂອລິມປິກປັກກິ່ງກ່າວວ່າ,ນັບມາຮອດປະຈຸບັນນີ້,ການບໍລິການຂອງອາ ສາສະໝັກງານກິລາໂອລິມປິກປັກກິ່ງເຮັດໃຫ້ຄົນທັງຫຼາຍເພີ່ງພໍໃຈ.

ທ່ານລິວຈ້ຽນແມ່ນໃຫ້ທັດສະນະດັ່ງກ່າວໃນກອງປະຊຸມຂ່າວທີ່ຈັດຂຶ້ນຢູ່ສູນຖະແຫຼງຂ່າວສາກົນປັກກິ່ງທີ່ຈັດຂຶ້ນໃນມື້ນີ້.ທ່ານກ່າວວ່າ,ການບໍລິການຂອງອາສາສະໝັກງານກິລາໂອລິມປິກປັກກິ່ງໄດ້ຮັບການຕີລາຄາສູງຈາກທ່ານລິວຊີ ປະທານຄະນະຈັດຕັ້ງງານກິລາໂອ ລິມປິກປັກກິ່ງ ທ່ານຊາກໂຣເກີ ປະທານຄະນະກຳມະການໂອລິມປິກສາກົນແລະທ່ານຟິ ລິບ ເຄຼເວີນ ປະທານຄະນະກຳມະການໂອລິມປິກຄົນພິການສາvກົນ.

ນອກນີ້,ທ່ານເສິນຊ່ຽນຟັ່ນ ຮອງເລຂາຄະນະຊາວໜຸ່ມນະຄອນປັກກິ່ງທີ່ເຂົ້າຮ່ວມກອງປະຊຸມຂ່າວກ່າວວ່າ,ພາຍຫຼັງງານກິລາໂອລິມປິກປັກກິ່ງສິ້ນສຸດລົງແລ້ວ,ຈະມີອາສາສະໝັກ3ໝື່ນກວ່າຄົນທີ່ໄດ້ຮັບການອົບຮົມໂດຍຈຳເພາະຈະສືບຕໍ່ຮັບໃຊ້ງານກິລາໂອລິມປິກຄົນພິການປັກກິ່ງ,ພ້ອມກັນນັ້ນ,ອາສາສະໝັກໃນຕົວເມືອງ4ແສນຄົນແລະອາສາສະໝັກສັງຄົມຫຼາຍກວ່າ1ລ້ານຄົນທີ່ໄດ້ຮັບໃຊ້ງານກິລາໂອລິມປິກປັກກິ່ງນັ້ນກໍ່ຈະຮັບໃຊ້ງານກິ ລາໂອລິມປິກຄົນພິການປັກກິ່ງຕໍ່ໄປ.

ຂ່າວ-ບົດທີ່ກ່ຽວຂ້ອງ

ຄຳເຫັນ