ແຂວງ​ເສ​ສວນ​ຈີນ​ພະ​ຍາ​ຍາມ​ຟື້ນ​ຟູ​ການ​ທ່ອງ​ທ່ຽວ

ຕາມ​ຂ່າວCRI:  ວັນ​ທີ 19 ສິງຫາ​ນີ້, ຢູ່​ທີ່​ນະຄອນຫຼວງ​ປັກ​ກິ່ງ, ທ່ານ​ຈັ່ງ​ກູ ຫົວຫນ້າ​ພະ​ແນ​ກທ່ອງທ່ຽວ​ຂອງ​​ແຂວງ​​ເສ​ສວນ​ຈີນ​ໄດ້​​​ແຈ້ງສະພາບ​ການ​ຟື້ນ​ຟູ​ທ່ອງທ່ຽວ​ຫຼັງຈາກ​ແຜ່ນດິນ​ໄຫວ​ທີ່​ເກີດ​ຂຶ້ນ​ຢູ່​ແຂວງ​ດັ່ງກ່າວ​ຕໍ່​ສື່​ມວນ​ຊົນ.  ທ່ານ​ກ່າວ​ວ່າ, ຂະ​ແຫນງ​ການ​ຂອງ​ພາຍ​ໃນ​ແຂວງ​ເສ​ສວນ​ໄດ້​ຟື້ນ​ຟູ​​ເຂົ້າ​ສູ່ລະດັບ​ກ່ອນ​ແຜ່ນດິນ​ໄຫວ​ໃນຂັ້ນ​ພື້ນຖານ , ການ​ຕ້ອນຮັບການທ່ອງທ່ຽວ​ຂອງ​ແຂກ​ຕ່າງປະ​ເທດ​ເລີ່​ມ​ດຳ​ເນີນຕໍ່​ໄປ.

ໃນ​ງານ​ຖະ​ແຫຼ​ງຂ່າວ​ທີ່​ຈັດ​ຂຶ້ນ​ໃນ​ມື້​ດຽວ​ກັນ,  ທ່ານ​ຈັ່ງ​ກູ​ກ່າວ​ວ່າ, ​ໄພ​ແຜ່ນດິນ​ໄຫວ​ໄດ້​ສ້າງ​ຄວາມ​ເສຍ​ຫາຍ​ທີ່ມີມູນ​ຄ່າ​ຫຼາຍ ເຖິງ 50 ຕື້​ຢວນ​ແກ່​ແຂວງ​ເສ​ສວນ, ​ໃນ​ເວລາ​ຟື້ນ​ຟູ​ແລະ​ສ້າງສາ​ຄືນ​ໃຫມ່​ຫຼັງ​ແຜ່ນ​ດິນ​ໄຫວ,  ​ແຂວງ​ເສ​ສວນ​ໄດ້​ສຳ​ເລັດວາງ​ແຜນ​ສ້າງສາ​ຄືນ​ໃຫມ່ ​ຂອງ300 ກວ່າ​ລາຍການ​ໃນ​ຂະ​ແຫນງ​ການທ່ອງທ່ຽວ, ຈະ​ລົງ​ທືນ 80 ຕື້​ກວ່າ​ຢວນ, ຕົ້ນຕໍ​ຈະ​ໃຊ້​ເຂົ້າ​ໃນ​ການ​ຟື້ນ​ຟູ​​ແຫຼ່ງທ່ອງ​ທ່ຽວ ບ່ອນ​ທິວ​ທັດ ​ໂຮງ​ແຮມ ພື້ນຖານ​ໂຄງ​ລ່າງ​ແລະ​ເສັ້ນທາງ​ເປັນ​ຕົ້ນ.

ມື້​ດຽວ​ກັນ,  ທ່ານນາງ​ຮວງ​ຢັນ​ຢົງ  ຮອງ​​ເຈົ້າ​​​ແຂວງ​ເສ​ສວນ​ກ່າວ​ວ່າ, ການ​ສ້າງສາ​ຄືນ​ໃຫມ່​ຫຼັງ​ໄພພິບັດ​ຢ່າງ​ຂະຫນາດ​ໃຫຍ່​ຈະ​ສ້າງໂອກາດ​ລົງ​ທຶນ​ຢ່າງ​ຫຼວງ​ຫຼາຍ, ນາງ​​ເຊີນຊວນ​ວິ​ສາ​ຫະກິດ​ຈີນແລະ​ຕ່າງປະ​ເທດມາ​ລົງ​ທຶນ​ຢູ່​ແຂວງ​ເສ​ສວນ