ສິນຄ້າທີ່ລະລຶກໂອລິມປິກປັກກິ່ງຂາຍດີຫຼາຍ
-----------------------------------------------------------------------------------------------------------------
ຕາມຂ່າວສານຊິນຮວາ: ໃນເວລາຈັດງານໂອລິມປິກປັກກິ່ງ, ສິນຄ້າທີ່ລະລຶກທີ່ເປັນສິດສຳປະທານຂອງໂອລິມປິກທີ່ງາມປານີດໄດ້ຮັບຄວາມນິຍົມຫຼາຍຢູ່
ຈົນຮອດປະຈຸບັນ, ປະເພດສິນຄ້າທີ່ລະລຶກໂອລິມປິກມີຫຼາຍກວ່າ 8000 ກວ່າຊະນິດເຊິ່ງລວມມີຕຸກະຕາສັດນຳໂຊກ ເຄື່ອງວິຈິດຕະກຳ ເຄື່ອງປັ້ນດິນເຜົາແລະຫຼຽນທີ່ລະລຶກທີ່ມີສີສັນຊົນເຜົ່າ ມີຄຸນນະພາບດີແລະລາຄາສົມເຫດສົມຜົນ ໄດ້ສະແດງເຖິງປະເພດກິລາແລະຈຸດພິເສດຂອງສະຫນາມແຂ່ງຂັນຢ່າງພົ້ນເດັ່ນ. ຄວາມເດັ່ນສະຫງ່າຂອງສະຫນາມກິລາແຫ່ງຊາດປັກກິ່ງຫຼືຮັງນົກແລະຄວາມສວຍງາມຂອງສູນລອຍນ້ຳແຫ່ງຊາດຫຼືກ້ອນນ້ຳສີ່ຫຼ່ຽມກໍໄດ້ເຊື່ອມໂຍງເຂົ້າໃນການອອກແບບຂອງສິນຄ້າທີ່ລະລຶກ
ຢູ່ຖະຫນົນວາງຟູ້ຈິງທີ່ຄຶກຄື້ນຂອງປັກກິ່ງ, ຮ້ານຂາຍສິນຄ້າທີ່ລະລຶກຫ່າງກັນພຽງຖະຫນົນດຽວເທົ່ານັ້ນມີເຖິງ 14 ຮ້ານ,ໃນຖະ ຫນົນເສັ້ນນີ້ກໍ່ມີຕຶກວິຈິດສິນປັກກິ່ງ, ຜູ່ຂາຍເຄື່ອງເວົ້າວ່າ, ໃນມື້ທຳອິດທີ່ຮ້ານຄ້າໃຫຍ່ນີ້ເປີດບໍລິການ,ກໍຂາຍໄດ້ເຖິງ 8 ແສນຢວນ, ແຕ່ເຂົ້າສູ່ເດືອນສິງຫານີ້ເປັນຕົ້ນມາ, ຈຳນວນລູກຄ້າໃນແຕ່ລະມື້ຫຼາຍກວ່າຫຼາຍເດືອນກ່ອນ 1 ເທົ່າຂຶ້ນໄປ, ການຈຳຫນ່າຍໃນທ້າຍສັບປະດາຍິ່ງຟົດຟື້ນ
