ປະທານາທິບໍດີລູມານີກ່າວວ່າ, ຄວາມກ້າວໜ້າຂອງຈີນເປັນໜ້າງົດງໍ້
(GMT+08:00) 2008-08-21 09:51:06 cri
-----------------------------------------------------------------------------------------------------------------
-----------------------------------------------------------------------------------------------------------------
ທ່ານໄຕຼອັນ ເບເຊສກູ ປະທານາທິບໍດີລູມານີໄດ້ເດີນທາງໄປຮອດປັກກິ່ງໃນວັນທີ 7 ສິງຫາຕາມຄຳເຊື້ອເຊີນ, ແລະເຂົ້າຮ່ວມກິດຈະກຳທີ່ກ່ຽວຂ້ອງຂອງງານໂອລິມປິກປັກກິ່ງ. ໃນເວລາໃຫ້ສຳພາດຕໍ່ນັກຂ່າວຈີນໃນຫວ່າງບໍ່ດົນນີ້, ທ່ານໄດ້ສະແດງຄວາມໝັ້ນໃຈເຕັມປ່ຽມຕໍ່ປັກກິ່ງຈັດງານໂອລິມປິກທີ່ດີເດັ່ນຢ່າງສຳເລັດຜົນ, ແລະເຊື່ອໝັ້ນວ່າ, ການພົວພັນລູມານີກັບຈີນຈະມີອະນາຄົດທີ່ດີງາມ. ໃນລາຍການ"ສຳພາດບຸກຄົນສຳຄັນ"ມື້ນີ້, ເຊີນຟັງການສຳພາດຂອງນັກຂ່າວCRIທີ່ມີຕໍ່ປະທານາທິບໍດີເບເຊສກູ.
ທ່ານເບເຊສກູກ່າວວ່າ, ງານໂອລິມປິກປັກກິ່ງແມ່ນງານມະທະກຳດ້ານກິລາຂອງທົ່ວໂລກທີ່ຍິ່ງໃຫຍ່ທີ່ສຸດທີ່ຈັດຂຶ້ນໃນຫຼາຍປີມານີ້, ໃນເວລາສອງມື້ຫຼັງຈາກທ່ານເດີນທາງມາຮອດປັກກິ່ງ, ສິ່ງທີ່ໄດ້ຮູ້ໄດ້ເຫັນເຮັດໃຫ້ທ່ານມີຄວາມໝັ້ນໃຈເຕັມປ່ຽມຕໍ່ງານໂອລິມປິກປັກກິ່ງໄດ້ຮັບຜົນສຳເລັດ.ທ່ານເວົ້າວ່າ:
"ຂ້າພະເຈົ້າມີພາບປະທັບໃຈດີຫຼາຍຕໍ່ງານໂອລິມປິກປັກກິ່ງ. ສິ່ງທີ່ເຮັດໃຫ້ຄົນດີໃຈນັ້ນແມ່ນ, ພວກເຮົາໄດ້ຕ້ອນຮັບງານມະຫາກຳກິລາທີ່ຍິ່ງໃຫຍ່ກວ່າໝູ່ຂອງໂລກນີ້. ນັກກິລາ 1 ໝື່ນ 6 ພັນກວ່າຄົນໄດ້ເຂົ້າຮ່ວມການແຂ່ງຂັນ, ອາສາສະໝັກ 1 ລ້ານກວ່າຄົນໄດ້ໃຫ້ການບໍລິການແກ່ນັກກິລາທີ່ມາຮອດປັກກິ່ງ. ທັງໝົດເຫຼົ່ານີ້ໄດ້ສ້າງພາບປະທັບໃຈເລິກເຊິ່ງທີ່ສຸດໄວ້ໃຫ້ຂ້າພະເຈົ້າ. ຂ້າພະເຈົ້າຮູ້ສຶກວ່າ, ງານລ້ຽງອາຫານທ່ຽງທີ່ທ່ານປະທານຫູຈິນທ່າວຈັດເພື່ອຮັບຮອງພວກຂ້າພະເຈົ້າໃນວັນທີ 8 ສິງຫານັ້ນແມ່ນງານລ້ຽງທີ່ແຊບກວ່າໝູ່ແລະອຸດົມສົມບູນກວ່າໝູ່ທີ່ຂ້າພະເຈົ້າເຄີຍເຫັນມາຮອດປັດຈຸບັນ. ປັກກິ່ງໄດ້ຈັດວຽກງານຕ່າງໆໃຫ້ຮຽບຮ້ອຍດີ, ສະນັ້ນ, ຂ້າພະເຈົ້າເຊື່ອວ່າ, ພິທີໄຂຂອງງານໂອລິມປິກຄັ້ງນີ້ຈະຖືກທົ່ວໂລກຈາລຶກໄວ້."
ໃນເວລາໃຫ້ສຳພາດ, ທ່ານເບເຊສກູຍັງສະແດງຄວາມເຄົາລົບຕໍ່ວຽກງານກະກຽມທັງໝົດທີ່ປັກກິ່ງເຮັດເພື່ອງານໂອລິມປິກໃນຫຼາຍປີມານີ້. ທ່ານເວົ້າວ່າ:
"ຂ້າພະເຈົ້າສາມາດສຳນຶກຮູ້ເຖິງຄວາມພະຍາຍາມຂອງປັກກິ່ງເພື່ອກະກຽມງານໂອລິມປິກ, ບໍ່ພຽງແຕ່ຜ່ານການໄດ້ຮູ້ໄດ້ເຫັນຢູ່ປັກກິ່ງໃນສອງມື້ມານີ້, ທີ່ຈິງແລ້ວ, ໃນ 2 ປີມານີ້, ສື່ມວນຊົນຂອງທົ່ວໂລກລ້ວນແຕ່ໄດ້ແຈ້ງຂ່າວປັກກິ່ງ, ຂ້າພະເຈົ້າຈຶ່ງໄດ້ຮູ້ວ່າ, ປັກກິ່ງໄດ້ລົງທຶນຫຼວງຫຼາຍເພື່ອງານໂອລິມປິກ, ໄດ້ຮູ້ວ່າ, ຈາກມວນຊົນຮອດວິສະວະກອນແລະສິລະປິນທັງຫຼາຍຂອງຈີນລ້ວນແຕ່ໄດ້ອອກເຫື່ອເທແຮງເພື່ອສະແດງພິທີໄຂອັນດັບໜຶ່ງໃນໂລກ, ກ່ຽວກັບເລື່ອງນີ້, ຂ້າພະເຈົ້າຄວນສະແດງຄວາມຊົມເຊີຍຕໍ່ພວກທ່ານ, ພວກທ່ານໄດ້ເຮັດເຖິງຄາດໝາຍແລ້ວ."
ທ່ານເບເຊສກູເຄີຍຢ້ຽມຢາມຈີນທາງລັດຖະກິດໃນປີ 2006. ຈາກນັ້ນພຽງ 2 ປີ, ທ່ານກໍ່ໄດ້ມາຢ້ຽມຢາມຈີນອີກ, ທ່ານເຫັນວ່າ, ຈັງຫວະການປ່ຽນແປງທີ່ໄວທີ່ສຸດຂອງຈີນບໍ່ພຽງແຕ່ໄດ້ສ້າງພາບປະທັບໃຈເລິກເຊິ່ງໃຫ້ແກ່ທ່ານ, ຄວາມກ້າວໜ້າຂອງຈີນກໍ່ໄດ້ຮັບຄວາມຢືນຢັນຈາກທົ່ວໂລກ.ທ່ານເວົ້າວ່າ:
"ການພັດທະນາຂອງຈີນໄດ້ປ່ຽນໂສມໜ້າໃໝ່ຊູ່ມື້. ໂດຍສະເພາະໃນ 2 ປີມໍ່ໆມານີ້, ຜູ້ທີ່ອາໄສຢູ່ຈີນອາດຈະສັງເກດບໍ່ໄດ້, ແຕ່ແຂກທີ່ມາຈາກຕ່າງປະເທດຄືພວກຂ້າພະເຈົ້າພັດໄດ້ສຳນຶກຮູ້ເຖິງຄວາມກ້າວໜ້າຂອງຈີນທີ່ເຮັດໃຫ້ຄົນງົດງໍ້. ປັດຈຸບັນ, ທົ່ວໂລກລ້ວນແຕ່ໄດ້ເຫັນຢ່າງຄັກແນ່ວ່າ, ປະເທດຈີນໃໝ່ແມ່ນປະເທດທີ່ພວມພັດທະນາ, ແມ່ນປະເທດທີ່ສຸມກຳລັງຍົກສູງລະດັບຊີວິດການເປັນຢູ່ຂອງປະຊາຊົນຂອງຕົນ, ແມ່ນປະເທດທີ່ເຕັມໄປແຕ່ກຳລັງດຶງດູດການລົງທຶນຈາກຕ່າງປະເທດ, ຍິ່ງແມ່ນປະເທດທີ່ຍົກສູງຄຸນທາດແຮງງານຢ່າງຫຼວງຫຼາຍ. ທັງໝົດເຫຼົ່ານີ້ລ້ວນແຕ່ແມ່ນການປ່ຽນແປງທີ່ຄົນຕ່າງປະເທດທີ່ມາຢ້ຽມຢາມຈີນໃນສອງປີມານີ້ສຳນຶກຮູ້ຢ່າງເລິກເຊິ່ງ."
ລູມານີແລະຈີນມີມິດຕະພາບມູນເຊື້ອຍາວນານ. ໃນໄລຍະທ່ານເບເຊສກູຢ້ຽມຢາມຈີນເມື່ອປີ 2006, ທ່ານຫູຈິນທ່າວ ປະທານປະເທດຈີນຊີ້ອອກວ່າ, "ຈີນກັບລູມານີແມ່ນອ້າຍນ້ອງທີ່ດີ, ແລະເພື່ອນມິດທີ່ດີ". ສ່ວນທ່ານເບເຊສກູກໍ່ກ່າວເນັ້ນວ່າ, "ຈີນຢູ່ໃນຖະນະນຳໜ້າຂອງການພົວພັນການຕ່າງປະເທດທັງຫຼາຍຂອງລູມານີ". ປັດຈຸບັນ, ທ່ານເບເຊສກູຍັງເຫັນໄປໃສແງ່ດີຕໍ່ການພົວພັນລະຫວ່າງລູມານີຈີນ. ທ່ານເຫັນວ່າ, ໃນອະນາຄົດ, ລູມານີຈະເຂົ້າໃກ້ຈີນກວ່າເກົ່າ.ທ່ານເວົ້າວ່າ:
"ໃນການພົບປະກັບທ່ານປະທານຫູຈິນທ່າວ, ສອງຝ່າຍພວກເຮົາລ້ວນແຕ່ໄດ້ຢືນຢັນອີກເທື່ອໜຶ່ງຕໍ່ລັກສະນະພິເສດຂອງການພົວພັນລູມານີຈີນ, ລັກສະນະພິເສດດັ່ງກ່າວໄດ້ມາຈາກຄວາມຮັບຮູ້ຄືກັນແລະຄວາມພະຍາຍາມຂອງສອງຝ່າຍ. ຈີນຍຶດໝັ້ນເດີນຕາມເສັ້ນທາງພັດທະນາຂອງຕົນຢ່າງໝັ້ນໜຽວບໍ່ປ່ຽນແປງ, ສ່ວນລູມານີ ເຖິງຈະເປັນປະເທດສະມາຊິກຂອງກຸ່ມນາໂຕແລະສະຫະພາບເອີລົບ, ກໍ່ຍັງຮັກສາການພົວພັນກັບຈີນຢ່າງສະເໝີຕົ້ນສະເໝີປາຍ, ແລະໄດ້ສ້າງເງື່ອນໄຂທີ່ມີຜົນດີຢ່າງບໍ່ຢຸດຢັ້ງເພື່ອຂະຫຍາຍການພົວພັນດັ່ງກ່າວ. ການພົວພັນລູມານີຈີນແມ່ນສ້າງຂຶ້ນຢູ່ບົນພື້ນຖານທີ່ຕ່າງເຄົາລົບກັນ, ເຖິງວ່າລູມານີແມ່ນປະເທດທີ່ນ້ອຍກວ່າຈີນຢ່າງຫຼວງຫຼາຍ, ແຕ່ພວກຂ້າພະເຈົ້າຍັງສາມາດສຳນຶກຮູ້ເຖິງຄວາມເຄົາລົບຂອງຈີນທີ່ມີຕໍ່ພວກຂ້າພະເຈົ້າ, ສະນັ້ນ, ພວກຂ້າພະເຈົ້າກໍ່ເຄົາລົບຈີນເຊັ່ນດຽວກັນ. ການພົວພັນເສດຖະກິດລູມານີຈີນກໍ່ໄດ້ຮັກສາທ່ວງທ່າຂະຫຍາຍຕົວທີ່ດີງາມ, ໂດຍສະເພາະແມ່ນພາຍຫຼັງຂ້າພະເຈົ້າຢ້ຽມຢາມຈີນໃນສອງປີກ່ອນ, ຝ່າຍຈີນໄດ້ໃຊ້ມາດຕະການທີ່ບັງເກີດຜົນຈຳນວນໜຶ່ງມາເຮັດໃຫ້ການຄ້າສອງຝ່າຍດຸນດ່ຽງກັນ, ນີ້ເຮັດໃຫ້ພວກຂ້າພະເຈົ້າພໍໃຈຫຼາຍທີ່ສຸດ. ເວົ້າລວມແລ້ວ, ຂ້າພະເຈົ້າເຊື່ອໝັ້ນວ່າ, ການພົວພັນລູມານີຈີນຍ່ອມຈະມີອະນາຄົດທີ່ດີງາມ, ແລະຈະໄດ້ຮັບການປັບປຸງຕື່ມອີກ."
ປີ 2009 ຈະແມ່ນສອງປະເທດຈີນລູມານີສ້າງສາຍສຳພັນທາງການທູດຄົບຮອບ 60 ປີ. ໃນໄລຍະໃໝ່, ຈະສືບທອດມິດຕະພາບມູນເຊື້ອແນວໃດຢູ່ໃນຊາວໜຸ່ມລຸ້ນໃໝ່ຂອງຈີນລູມານີສອງປະເທດນີ້ແມ່ນບັນຫາທີ່ຜູ້ນຳສອງປະເທດເອົາໃຈໃສ່ທີ່ສຸດ. ທ່ານເບເຊສກູເຫັນວ່າ, ປີໜ້າແມ່ນໂອກາດດີທີ່ເພີ່ມຄວາມເຂົ້າໃຈກັນແລະມິດຕະພາບລະຫວ່າງຊາວໜຸ່ມສອງປະເທດລູມານີຈີນ.ທ່ານເວົ້າວ່າ:
"ໃນໃຈຂອງຄົນລູມານີທີ່ຢູ່ໃນລຸ້ນດຽວກັບຂ້າພະເຈົ້າ, ລ້ວນແຕ່ມີທັດສະນະມິດຕະພາບທຸກເຊັ່ນຄົນລະຫວ່າງລູມານີຈີນແລ້ວ, ເພາະວ່າ ລູມານີຈະບໍ່ລືມຄວາມຊ່ວຍເຫຼືອຂອງຈີນໃນເວລາພວກເຮົາຖືກຕ່າງປະເທດຮຸກຮານໃນປີ 1968 ນັ້ນຈົນເທົ່າໃດໆ. ເຊັ່ນດຽວກັນ, ຈີນກໍ່ບໍ່ໄດ້ຫຼົງລືມວ່າ ລູມານີແມ່ນປະເທດໜຶ່ງທີ່ຮັບຮອງຈີນງວດທຳອິດ. ຂ້າພະເຈົ້າຢາກເນັ້ນໜັກວ່າ, ປີໜ້າກໍ່ແມ່ນປີທີ່ລູມານີຈີນສ້າງສາຍສຳພັນທາງການທູດຄົບຮອບ 60 ປີແລ້ວ, ຂ້າພະເຈົ້າຄຶດວ່າ, ມີຄວາມຈຳເປັນຈັດກິດຈະກຳຕ່າງໆເພື່ອເພີ່ມຄວາມເຂົ້າໃຈກັນແລະມິດຕະພາບລະຫວ່າງຊາວໜຸ່ມຂອງລູມານີແລະຈີນ. ສິ່ງທີ່ເຮັດໃຫ້ຂ້າພະເຈົ້າດີໃຈທີ່ສຸດນັ້ນແມ່ນ, ໃນການເຈລະຈາກັບຂ້າພະເຈົ້າ, ທ່ານຫູຈີນທ່າວ ປະທານປະເທດຈີນກໍ່ໄດ້ເຫັນດີຈັດກິດຈະກຳຈຳນວນໜຶ່ງໃນປີໜ້າເພຶ່ອລະລຶກເວລາອັນສຳຄັນດັ່ງກ່າວນີ້. ຖ້າມີຄວາມອາດເປັນໄປໄດ້, ພວກຂ້າພະເຈົ້າຈະຄອຍຖ້າການຢ້ຽມຢາມຂອງທ່ານຫູຈີນທ່າວຢູ່ບູກາເລັສທ໌."
ທ່ານເບເຊສກູກ່າວວ່າ, ງານໂອລິມປິກປັກກິ່ງແມ່ນງານມະທະກຳດ້ານກິລາຂອງທົ່ວໂລກທີ່ຍິ່ງໃຫຍ່ທີ່ສຸດທີ່ຈັດຂຶ້ນໃນຫຼາຍປີມານີ້, ໃນເວລາສອງມື້ຫຼັງຈາກທ່ານເດີນທາງມາຮອດປັກກິ່ງ, ສິ່ງທີ່ໄດ້ຮູ້ໄດ້ເຫັນເຮັດໃຫ້ທ່ານມີຄວາມໝັ້ນໃຈເຕັມປ່ຽມຕໍ່ງານໂອລິມປິກປັກກິ່ງໄດ້ຮັບຜົນສຳເລັດ.ທ່ານເວົ້າວ່າ:
"ຂ້າພະເຈົ້າມີພາບປະທັບໃຈດີຫຼາຍຕໍ່ງານໂອລິມປິກປັກກິ່ງ. ສິ່ງທີ່ເຮັດໃຫ້ຄົນດີໃຈນັ້ນແມ່ນ, ພວກເຮົາໄດ້ຕ້ອນຮັບງານມະຫາກຳກິລາທີ່ຍິ່ງໃຫຍ່ກວ່າໝູ່ຂອງໂລກນີ້. ນັກກິລາ 1 ໝື່ນ 6 ພັນກວ່າຄົນໄດ້ເຂົ້າຮ່ວມການແຂ່ງຂັນ, ອາສາສະໝັກ 1 ລ້ານກວ່າຄົນໄດ້ໃຫ້ການບໍລິການແກ່ນັກກິລາທີ່ມາຮອດປັກກິ່ງ. ທັງໝົດເຫຼົ່ານີ້ໄດ້ສ້າງພາບປະທັບໃຈເລິກເຊິ່ງທີ່ສຸດໄວ້ໃຫ້ຂ້າພະເຈົ້າ. ຂ້າພະເຈົ້າຮູ້ສຶກວ່າ, ງານລ້ຽງອາຫານທ່ຽງທີ່ທ່ານປະທານຫູຈິນທ່າວຈັດເພື່ອຮັບຮອງພວກຂ້າພະເຈົ້າໃນວັນທີ 8 ສິງຫານັ້ນແມ່ນງານລ້ຽງທີ່ແຊບກວ່າໝູ່ແລະອຸດົມສົມບູນກວ່າໝູ່ທີ່ຂ້າພະເຈົ້າເຄີຍເຫັນມາຮອດປັດຈຸບັນ. ປັກກິ່ງໄດ້ຈັດວຽກງານຕ່າງໆໃຫ້ຮຽບຮ້ອຍດີ, ສະນັ້ນ, ຂ້າພະເຈົ້າເຊື່ອວ່າ, ພິທີໄຂຂອງງານໂອລິມປິກຄັ້ງນີ້ຈະຖືກທົ່ວໂລກຈາລຶກໄວ້."
ໃນເວລາໃຫ້ສຳພາດ, ທ່ານເບເຊສກູຍັງສະແດງຄວາມເຄົາລົບຕໍ່ວຽກງານກະກຽມທັງໝົດທີ່ປັກກິ່ງເຮັດເພື່ອງານໂອລິມປິກໃນຫຼາຍປີມານີ້. ທ່ານເວົ້າວ່າ:
"ຂ້າພະເຈົ້າສາມາດສຳນຶກຮູ້ເຖິງຄວາມພະຍາຍາມຂອງປັກກິ່ງເພື່ອກະກຽມງານໂອລິມປິກ, ບໍ່ພຽງແຕ່ຜ່ານການໄດ້ຮູ້ໄດ້ເຫັນຢູ່ປັກກິ່ງໃນສອງມື້ມານີ້, ທີ່ຈິງແລ້ວ, ໃນ 2 ປີມານີ້, ສື່ມວນຊົນຂອງທົ່ວໂລກລ້ວນແຕ່ໄດ້ແຈ້ງຂ່າວປັກກິ່ງ, ຂ້າພະເຈົ້າຈຶ່ງໄດ້ຮູ້ວ່າ, ປັກກິ່ງໄດ້ລົງທຶນຫຼວງຫຼາຍເພື່ອງານໂອລິມປິກ, ໄດ້ຮູ້ວ່າ, ຈາກມວນຊົນຮອດວິສະວະກອນແລະສິລະປິນທັງຫຼາຍຂອງຈີນລ້ວນແຕ່ໄດ້ອອກເຫື່ອເທແຮງເພື່ອສະແດງພິທີໄຂອັນດັບໜຶ່ງໃນໂລກ, ກ່ຽວກັບເລື່ອງນີ້, ຂ້າພະເຈົ້າຄວນສະແດງຄວາມຊົມເຊີຍຕໍ່ພວກທ່ານ, ພວກທ່ານໄດ້ເຮັດເຖິງຄາດໝາຍແລ້ວ."
ທ່ານເບເຊສກູເຄີຍຢ້ຽມຢາມຈີນທາງລັດຖະກິດໃນປີ 2006. ຈາກນັ້ນພຽງ 2 ປີ, ທ່ານກໍ່ໄດ້ມາຢ້ຽມຢາມຈີນອີກ, ທ່ານເຫັນວ່າ, ຈັງຫວະການປ່ຽນແປງທີ່ໄວທີ່ສຸດຂອງຈີນບໍ່ພຽງແຕ່ໄດ້ສ້າງພາບປະທັບໃຈເລິກເຊິ່ງໃຫ້ແກ່ທ່ານ, ຄວາມກ້າວໜ້າຂອງຈີນກໍ່ໄດ້ຮັບຄວາມຢືນຢັນຈາກທົ່ວໂລກ.ທ່ານເວົ້າວ່າ:
"ການພັດທະນາຂອງຈີນໄດ້ປ່ຽນໂສມໜ້າໃໝ່ຊູ່ມື້. ໂດຍສະເພາະໃນ 2 ປີມໍ່ໆມານີ້, ຜູ້ທີ່ອາໄສຢູ່ຈີນອາດຈະສັງເກດບໍ່ໄດ້, ແຕ່ແຂກທີ່ມາຈາກຕ່າງປະເທດຄືພວກຂ້າພະເຈົ້າພັດໄດ້ສຳນຶກຮູ້ເຖິງຄວາມກ້າວໜ້າຂອງຈີນທີ່ເຮັດໃຫ້ຄົນງົດງໍ້. ປັດຈຸບັນ, ທົ່ວໂລກລ້ວນແຕ່ໄດ້ເຫັນຢ່າງຄັກແນ່ວ່າ, ປະເທດຈີນໃໝ່ແມ່ນປະເທດທີ່ພວມພັດທະນາ, ແມ່ນປະເທດທີ່ສຸມກຳລັງຍົກສູງລະດັບຊີວິດການເປັນຢູ່ຂອງປະຊາຊົນຂອງຕົນ, ແມ່ນປະເທດທີ່ເຕັມໄປແຕ່ກຳລັງດຶງດູດການລົງທຶນຈາກຕ່າງປະເທດ, ຍິ່ງແມ່ນປະເທດທີ່ຍົກສູງຄຸນທາດແຮງງານຢ່າງຫຼວງຫຼາຍ. ທັງໝົດເຫຼົ່ານີ້ລ້ວນແຕ່ແມ່ນການປ່ຽນແປງທີ່ຄົນຕ່າງປະເທດທີ່ມາຢ້ຽມຢາມຈີນໃນສອງປີມານີ້ສຳນຶກຮູ້ຢ່າງເລິກເຊິ່ງ."
ລູມານີແລະຈີນມີມິດຕະພາບມູນເຊື້ອຍາວນານ. ໃນໄລຍະທ່ານເບເຊສກູຢ້ຽມຢາມຈີນເມື່ອປີ 2006, ທ່ານຫູຈິນທ່າວ ປະທານປະເທດຈີນຊີ້ອອກວ່າ, "ຈີນກັບລູມານີແມ່ນອ້າຍນ້ອງທີ່ດີ, ແລະເພື່ອນມິດທີ່ດີ". ສ່ວນທ່ານເບເຊສກູກໍ່ກ່າວເນັ້ນວ່າ, "ຈີນຢູ່ໃນຖະນະນຳໜ້າຂອງການພົວພັນການຕ່າງປະເທດທັງຫຼາຍຂອງລູມານີ". ປັດຈຸບັນ, ທ່ານເບເຊສກູຍັງເຫັນໄປໃສແງ່ດີຕໍ່ການພົວພັນລະຫວ່າງລູມານີຈີນ. ທ່ານເຫັນວ່າ, ໃນອະນາຄົດ, ລູມານີຈະເຂົ້າໃກ້ຈີນກວ່າເກົ່າ.ທ່ານເວົ້າວ່າ:
"ໃນການພົບປະກັບທ່ານປະທານຫູຈິນທ່າວ, ສອງຝ່າຍພວກເຮົາລ້ວນແຕ່ໄດ້ຢືນຢັນອີກເທື່ອໜຶ່ງຕໍ່ລັກສະນະພິເສດຂອງການພົວພັນລູມານີຈີນ, ລັກສະນະພິເສດດັ່ງກ່າວໄດ້ມາຈາກຄວາມຮັບຮູ້ຄືກັນແລະຄວາມພະຍາຍາມຂອງສອງຝ່າຍ. ຈີນຍຶດໝັ້ນເດີນຕາມເສັ້ນທາງພັດທະນາຂອງຕົນຢ່າງໝັ້ນໜຽວບໍ່ປ່ຽນແປງ, ສ່ວນລູມານີ ເຖິງຈະເປັນປະເທດສະມາຊິກຂອງກຸ່ມນາໂຕແລະສະຫະພາບເອີລົບ, ກໍ່ຍັງຮັກສາການພົວພັນກັບຈີນຢ່າງສະເໝີຕົ້ນສະເໝີປາຍ, ແລະໄດ້ສ້າງເງື່ອນໄຂທີ່ມີຜົນດີຢ່າງບໍ່ຢຸດຢັ້ງເພື່ອຂະຫຍາຍການພົວພັນດັ່ງກ່າວ. ການພົວພັນລູມານີຈີນແມ່ນສ້າງຂຶ້ນຢູ່ບົນພື້ນຖານທີ່ຕ່າງເຄົາລົບກັນ, ເຖິງວ່າລູມານີແມ່ນປະເທດທີ່ນ້ອຍກວ່າຈີນຢ່າງຫຼວງຫຼາຍ, ແຕ່ພວກຂ້າພະເຈົ້າຍັງສາມາດສຳນຶກຮູ້ເຖິງຄວາມເຄົາລົບຂອງຈີນທີ່ມີຕໍ່ພວກຂ້າພະເຈົ້າ, ສະນັ້ນ, ພວກຂ້າພະເຈົ້າກໍ່ເຄົາລົບຈີນເຊັ່ນດຽວກັນ. ການພົວພັນເສດຖະກິດລູມານີຈີນກໍ່ໄດ້ຮັກສາທ່ວງທ່າຂະຫຍາຍຕົວທີ່ດີງາມ, ໂດຍສະເພາະແມ່ນພາຍຫຼັງຂ້າພະເຈົ້າຢ້ຽມຢາມຈີນໃນສອງປີກ່ອນ, ຝ່າຍຈີນໄດ້ໃຊ້ມາດຕະການທີ່ບັງເກີດຜົນຈຳນວນໜຶ່ງມາເຮັດໃຫ້ການຄ້າສອງຝ່າຍດຸນດ່ຽງກັນ, ນີ້ເຮັດໃຫ້ພວກຂ້າພະເຈົ້າພໍໃຈຫຼາຍທີ່ສຸດ. ເວົ້າລວມແລ້ວ, ຂ້າພະເຈົ້າເຊື່ອໝັ້ນວ່າ, ການພົວພັນລູມານີຈີນຍ່ອມຈະມີອະນາຄົດທີ່ດີງາມ, ແລະຈະໄດ້ຮັບການປັບປຸງຕື່ມອີກ."
ປີ 2009 ຈະແມ່ນສອງປະເທດຈີນລູມານີສ້າງສາຍສຳພັນທາງການທູດຄົບຮອບ 60 ປີ. ໃນໄລຍະໃໝ່, ຈະສືບທອດມິດຕະພາບມູນເຊື້ອແນວໃດຢູ່ໃນຊາວໜຸ່ມລຸ້ນໃໝ່ຂອງຈີນລູມານີສອງປະເທດນີ້ແມ່ນບັນຫາທີ່ຜູ້ນຳສອງປະເທດເອົາໃຈໃສ່ທີ່ສຸດ. ທ່ານເບເຊສກູເຫັນວ່າ, ປີໜ້າແມ່ນໂອກາດດີທີ່ເພີ່ມຄວາມເຂົ້າໃຈກັນແລະມິດຕະພາບລະຫວ່າງຊາວໜຸ່ມສອງປະເທດລູມານີຈີນ.ທ່ານເວົ້າວ່າ:
"ໃນໃຈຂອງຄົນລູມານີທີ່ຢູ່ໃນລຸ້ນດຽວກັບຂ້າພະເຈົ້າ, ລ້ວນແຕ່ມີທັດສະນະມິດຕະພາບທຸກເຊັ່ນຄົນລະຫວ່າງລູມານີຈີນແລ້ວ, ເພາະວ່າ ລູມານີຈະບໍ່ລືມຄວາມຊ່ວຍເຫຼືອຂອງຈີນໃນເວລາພວກເຮົາຖືກຕ່າງປະເທດຮຸກຮານໃນປີ 1968 ນັ້ນຈົນເທົ່າໃດໆ. ເຊັ່ນດຽວກັນ, ຈີນກໍ່ບໍ່ໄດ້ຫຼົງລືມວ່າ ລູມານີແມ່ນປະເທດໜຶ່ງທີ່ຮັບຮອງຈີນງວດທຳອິດ. ຂ້າພະເຈົ້າຢາກເນັ້ນໜັກວ່າ, ປີໜ້າກໍ່ແມ່ນປີທີ່ລູມານີຈີນສ້າງສາຍສຳພັນທາງການທູດຄົບຮອບ 60 ປີແລ້ວ, ຂ້າພະເຈົ້າຄຶດວ່າ, ມີຄວາມຈຳເປັນຈັດກິດຈະກຳຕ່າງໆເພື່ອເພີ່ມຄວາມເຂົ້າໃຈກັນແລະມິດຕະພາບລະຫວ່າງຊາວໜຸ່ມຂອງລູມານີແລະຈີນ. ສິ່ງທີ່ເຮັດໃຫ້ຂ້າພະເຈົ້າດີໃຈທີ່ສຸດນັ້ນແມ່ນ, ໃນການເຈລະຈາກັບຂ້າພະເຈົ້າ, ທ່ານຫູຈີນທ່າວ ປະທານປະເທດຈີນກໍ່ໄດ້ເຫັນດີຈັດກິດຈະກຳຈຳນວນໜຶ່ງໃນປີໜ້າເພຶ່ອລະລຶກເວລາອັນສຳຄັນດັ່ງກ່າວນີ້. ຖ້າມີຄວາມອາດເປັນໄປໄດ້, ພວກຂ້າພະເຈົ້າຈະຄອຍຖ້າການຢ້ຽມຢາມຂອງທ່ານຫູຈີນທ່າວຢູ່ບູກາເລັສທ໌."
ຂ່າວ-ບົດທີ່ກ່ຽວຂ້ອງ
ຄຳເຫັນ
