ທ່ານຫູຈິນທາວສຳຫຼວດສະພາບຂອງຄະນະນັກກິລາຈີນທີ່ກຽມເຂົ້າຮ່ວມງານໂອລິມປິກຄົນພິການປັກກິ່ງ.
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ 20 ສິງຫານີ້, ທ່ານຫູຈິນທາວ ປະທານປະເທດຈີນໄດ້ໄປສຳຫຼວດສະພາບການກ່ຽວກັບຄະນະນັກກິລາຈີນກຽມເຂົ້າຮ່ວມງານໂອລິມປິກຄົນພິການປັກກິ່ງແລະການບໍລິການຄົນພິການໃນເຂດຊຸມຊົນຂອງນະຄອນປັກກິ່ງ.
ຄະນະນັກກິລາຈີນໄດ້ສົ່ງ 547 ຄົນເຂົ້າຮ່ວມງານໂອລິມປິກຄົນພິການປັກກິ່ງ,ແມ່ນຄະນະນັກກິລາທີ່ໃຫຍ່ກວ່າຫມູ່ໃນປະຫວັດສາດຈີນເຂົ້າ ຮ່ວມງານໂອລິມປິກຄົນພິການ . ທ່ານຫູຈິນທາວໄດ້ໄປຢາມນັກກິລາຄົນພິການຂອງລາຍການ:ແລ່ນແລະລານ ບານເຕະຂອງຄົນພິການທາງສະຫມອງ ລອຍນ້ຳແລະບານບ້ວງລໍ້ເຂັນເປັນຕົ້ນ, ທ່ານກ່າວວ່າ,ຫວັງໃຫ້ນັກກິລາຄົນພິການຖືການເຂົ້າຮ່ວມເປັນເລື່ອງທີ່ສຳຄັນກວ່າການຂະນະຫຼືເສຍໄຊ, ເຂົ້າຮ່ວມການແຂ່ງຂັນຢ່າງສະບາຍໃຈ, ສຳຜັດກັບຄວາມມ່ວນຊື່ນແລະສຸຂະພາບທີ່ແຂງແຮງທີ່ກິດຈະກຳກິລາມາໃຫ້.
ຫຼັງຈາກນັ້ນ, ທ່ານຫູຈິນທາວຍັງໄປເບິ່ງເຂດຊຸມຊົນແຫ່ງຫນຶ່ງຢູ່ເຂດຊີເສີງຂອງປັກກິ່ງ, ເພື່ອຮັບຮູ້ເຖິງສະພາບຕ່າງໆຂອງເຂດຊຸມຊົນທີ່ອຳນວຍການບໍລິການແກ່ຄົນພິການເຊັ່ນ: ຟື້ນຟູສຸຂະພາບ ການສຶກສາ ປະກອບອາຊີບແລະດຳເນີນກິດຈະກຳຫຼິ້ນມ່ວນຊື່ນແລະກິລາເປັນຕົ້ນ. ທ່ານຫູຈິນທາວກ່າວວ່າ,ຄົນພິການແມ່ນຫມູ່ຄົນທີ່ຕ້ອງການເບິ່ງແຍງຫຼາຍກວ່າຫມູ່ໃນມະຫາຄອບຄົວຂອງສັງຄົມ. ການຊ່ອຍເຫຼືອຄົນພິການແມ່ນຫນ້າທີ່ຮັບຜິດຊອບຂອງລັດຖະບານ,ຕ້ອງຊຸກຍູ້ການພັດທະນາຂອງວຽກງານຄົນພິການຕື່ມອີກ
