ການແຂ່ງຂັນໂອລິມປິກປັກກິ່ງໃນມື້ນີ້ຈະຊິງເອົາຫຼຽນຄຳ 21 ຫຼຽນ
-----------------------------------------------------------------------------------------------------------------
ຕາມຂ່າວCRI: ວັນທີ 22 ສິງຫານີ້, ການແຂ່ງຂັນໂອລິມປິກປັກກິ່ງໄດ້ເຂົ້າສູ່ມື້ທີ 14 ແລ້ວ, ຈະຊິງເອົາຫຼຽນຄຳທັງຫມົດ 21 ຫຼຽນ.
ມື້ວານນີ້, ຍ້ອນອາກາດບໍ່ດີ, ການແຂ່ງຂັນຂີ່ລົດຖີບວິບາກໄດ້ເລື່ອນເວລາ 1 ມື້, ກະວ່າ, ຕາມຕາຕະລາງການແຂ່ງຂັນໃນມື້ນີ້ຊິງເອົາຫຼຽນຄຳ 21 ຫຼຽນ.
ໃນສະຫນາມກິລາແລ່ນແລະລານ, ທ້າວດາໂຢນ ໂຣເບັສ໌ ຜູ່ຮັກສາສະຖິຕິໂລກ ນັກກິລາກູບາຊິງໄດ້ຫຼຽນຄຳດ້ວຍຄະແນນຫຼາຍຖ້ວມທົ້ນຄື 12 ວິນາທີ 93 ລິບດາໃນລາຍການແລ່ນຂ້າມຮົ້ວ 110 ແມັດ. ທ້າວເນວເຊີນ ເອໂວຣາຊິງໄດ້ຫຼຽນຄຳຫຼຽນທຳອິດຂອງປອກຕຸຍການໃນງານໂອລິມປິກຄັ້ງນີ້ໃນລາຍການເຕັ້ນຍາວ 3 ກ້າວເພດຊາຍ.
ທິມຈີນໄດ້ເຂົ້າສູ່ການແຂ່ງຂັນຮອບຊິງຊະນະເລີດເປັນເທື່ອທຳອິດໃນປະຫວັດສາດດ້ວຍຄະແນນເປັນທີ 4 ໃນກຸ່ມໃນລາຍການແລ່ນຕໍ່ແຮງ 4 x 100 ແມັດເພດຊາຍ.
ໃນລາຍການປະເພດບານ, ອາເມລິກາໄດ້ແຊມປຽນໃນລາຍການບານເຕະເພດຍິງ. ທິມໂຣນລັງໄດ້ແຊມປຽນໃນລາຍການບານນ້ຳ, ທິມຍີ່ປຸ່ນຊິງໄດ້ຫຼຽນຄຳໃນລາຍການຊອບບານ.
ນອກນີ້, ສະຫະພັນຂີ່ມ້າສາກົນໄດ້ປະກາດວ່າ, ມ້າຂອງ 4 ຫນ່ວຍຄື:ເບຼຊິນ ເຢຍລະມັນ ອຽກລັງແລະນອກແວໄດ້ຖືກກວດພົບສົງໃສໃຊ້ຢາທີ່ຖືກຫ້າມ,ຖືກຢຸດສິດເຂົ້າຮ່ວມ
