ນັກກິລາຍົກນ້ຳໜັກຫວຽດນາມເວົ້າວ່າ:ຂ້ອຍຈະນຳເອົາສິ່ງທີ່ໄດ້ຮຽນຢູ່ຈີນກັບຄືນເມືອປະເທດ
(GMT+08:00) 2008-08-22 15:48:25 cri
-----------------------------------------------------------------------------------------------------------------
-----------------------------------------------------------------------------------------------------------------
ການແຂ່ງຂັນຍົກນ້ຳໜັກໃນໂອລິມປິກປັກກິ່ງໄດ້ສຳເລັດລົງແລ້ວ, ນັກກິລາຍົກນ້ຳໜັກຈີນ ຊິງໄດ້ທັງໝົດ 8ຫຼຽນຄຳ ແລະ 1ຫຼຽນເງິນ.ແຕ່ບໍ່ຮູ້ວ່າ ທ່ານຜູ້ຟັງໄດ້ສັງເກດບໍ່ວ່າ ໃນຕາຕະລາງຫຼຽນ ລາງວັນຂອງກິລາປະເພດນີ້ ໄດ້ປະກົດມີຊື່ຂອງນັກກິລາຫວຽດນາມເປັນຄັ້ງ ທຳອິດໃນປະຫວັດສາດ, ລາວມີຊື່ວ່າ: ທ້າວ ຫວງ ອ່ານຕ໋ວນ. ໃນລາຍການ ຄະນະນັກກິລາອາຊີອາຄະເນຢູ່ປັກກິ່ງ ມື້ນີ້, ພວກເຮົານຳພາທ່ານມາຮູ້ຈັກກັບ ເລື່ອງລາວໂອລິມປິກຂອງ ທ້າວ ຫວງ ອ່ານຕ໋ວນ ນຳກັນ.
ກ່ອນອື່ນພວກເຮົາຫວນຄືນຫາການແຂ່ງຂັນໃນມື້ນັ້ນກ່ອນ, ໃນການແຂ່ງຂັນຍົກນ້ຳໜັກປະເພດຈັບຍົກຄັ້ງທຳອິດຂອງລາວແມ່ນ 126ກິໂລ, ຊຶ່ງເປັນນ້ຳໜັກທີ່ໜັກທີ່ສຸດໃນຈຳນວນນັກກິລາທີ່ຈະຍົກຄັ້ງທຳອິດ, ແຕ່ລາວກໍ່ສາມາດເຮັດໄດ້ສຳເລັດ. ຫວງ ອ່ານຕ໋ວນ ມີຄວາມໝັ້ນໃຈສູງຫຼາຍ, ລາວຢາກບອກຜູ້ຊົມທົ່ວໂລກໃຫ້ຮູ້ວ່າໃນໂລກນີ້ຍັງມີລາວຜູ້ໜຶ່ງ. ສຸດທ້າຍ ລາວໄດ້ແຕ່ຫຼຽນເງິນ, ເພາະຄະແນນລວມຂອງລາວຍັງຂາດພຽງແຕ່ 2ກິໂລເທົ່ານັ້ນ, ແຕ່ຫຼຽນເງິນຫຼຽນນີ້ ມີຄ່າເທົ່າກັບຫຼຽນຄຳ, ເພາະເປັນຫຼຽນທີ່ຄະນະນັກກິລາຫວຽດນາມໄດ້ຮັບຫຼຽນທຳອິດ ໃນງານກິລາໂອລິມປິກຄັ້ງນີ້ ແລະກໍ່ແມ່ນຫຼຽນໂອລິມປິກຫຼຽນທີ 2 ໃນປະຫວັດສາດຂອງຫວຽດນາມ. ຫວງ ອ່ານຕ໋ວນ ພໍໃຈຫຼາຍຕໍ່ຜົນງານຂອງຕົນ.
" ເທື່ອນີ້ມາເຂົ້າຮ່ວມງານກິລາໂອລິມປິກປັກກິ່ງ ແລະໄດ້ຮັບຫຼຽນເງິນ 1 ຫຼຽນ ເປັນສິ່ງທີ່ຂ້ອຍຄອງຄອຍມາດົນແລ້ວ "
ຫວງ ອ່ານຕ໋ວນ, ປີນີ້ອາຍຸ 24ປີ, ລາວເຄີຍມາຝຶກຊ້ອມຢູ່ຈີນເປັນໄລຍະ ຍາວ, ຄູຝຶກຈີນໄດ້ເອົາໃຈໃສ່ໃນການຝຶກສອນ ຈຶ່ງເຮັດໃຫ້ລາວມີຜົນງານທີ່ດີ ຂື້ນ ແລະກໍ່ເປັນພື້ນຖານທີ່ດີ ທີ່ເຮັດໃຫ້ລາວໄດ້ຮັບຫຼຽນໃນງານໂອລິມປິກ. ຫຼັງຈາກການແຂ່ງຂັນສິ້ນສຸດລົງ ທ່ານ ຫວງ ວິນກຽງ, ຫົວໜ້າຄະນະນັກກິລາຫວຽດນາມ ເອີ້ນຫຼຽນທີ່ ຫວງ ອ່ານຕ໋ວນ ຊິງມາໄດ້ນີ້ ເປັນຜົນຜະລິດແຫ່ງມິດຕະພາບລະຫວ່າງຫວຽດນາມກັບຈີນ. ຫຼັງຈາກໄດ້ຮັບຫຼຽນແລ້ວ, ຫວງ ອ່ານຕ໋ວນ ໄດ້ຍ້ອງຍໍຄວາມສາມາດຂອງຄູຝຶກຈີນໃນການຝຶກສອນຢ່າງບໍ່ຂາດປາກ. ຫວງ ອ່ານຕ໋ວນ ເວົ້າວ່າ:
ທຸກຢ່າງຢູ່ຈີນ ບໍ່ວ່າຈະເປັນພະນັກງານ, ການຝຶກຊ້ອມ ແລະອື່ນໆແມ່ນດີຫຼາຍ. ຂ້ອຍເປັນຄົນທີ່ເອົາໃຈໃສ່ໃນການບຳລຸງຮ່າງກາຍ, ຄູຝຶກຈີນໄດ້ວາງແຜນເປັນຢ່າງດີ ໃນການດູແລເບິ່ງແຍງການກິນດື່ມຂອງນັກກິລາ, ແຜນການໃນການຝຶກຊ້ອມຂອງເຂົາເຈົ້າລະອຽດຫຼາຍ, ນັກກິລາຈີນເກັ່ງໃນການຮັບມືກັບທຸກສະພາບການ, ແລະປຶກສາຫາລືກັບຄູຝຶກຢ່າງກົງໄປກົງມາ ກ່ຽວກັບນ້ຳໜັກທີ່ຈະຍົກກ່ອນຈະເຂົ້າສູ່ການແຂ່ງຂັນ.
ຫວງ ອ່ານຕ໋ວນ ເວົ້າວ່າ: ທາງດ້ານການສ້າງເຕັກນິກໃໝ່ ຄູຝຶກຈີນໄດ້ໃຫ້ ແຮງບັນດານໃຈແກ່ລາວຢ່າງຫຼວງຫຼາຍ. ຄູຝຶກເອີຣົບ ຖືປະລິມານການຝຶກຊ້ອມເປັນສຳຄັນ, ແຕ່ຄູຝຶກຈີນ ພັດຖືທ່າແຮງບົ່ມຊ້ອນຂອງນັກກິລາເປັນສຳຄັນເພື່ອຊອກຫາຄວາມສາມາດໃນໂຕຂອງນັກກິລາເອງ. ສະນັ້ນ ໃນໄລຍະກະກຽມເຂົ້າຮ່ວມງານໂອລິມປິກປັກກິ່ງ, ຫວງ ອ່ານຕ໋ວນ ໄດ້ໃຫ້ຄວາມສຳຄັນໃນການປະດິດສ້າງໃໝ່ທີ່ສຸດ, ຫຼັງຈາກຝຶກຊ້ອມແລ້ວ ລາວຈະບັນທຶກຈຸດອ່ອນຂອງຕົນລົງໃນປຶ້ມບັນທຶກທຸກເທື່ອ, ການແຂ່ງຂັນໃນແຕ່ລະເທື່ອ ລາວກໍ່ຈະລອງເຕັກນິກຂອງການແຂ່ງຂັນທີ່ແຕກຕ່າງກັນ, ຄ່ອຍໆເຮັດໃຫ້ເຕັກນິກຂອງຕົນໃຫ້ສົມບູນ.
ກ່ອນພິທີໄຂງານໂອລິມປິກປັກກິ່ງ 7 ມື້, ຫວງ ອ່ານຕ໋ວນໄດ້ສຳເລັດການຝຶກຊ້ອມຢູ່ເອີຣົບ ແລະມາຮອດປັກກິ່ງຄົນດຽວແບບງຽບໆ ເພື່ອກະກຽມເຂົ້າຮ່ວມໂອລິມປິກເປັນຄັ້ງທຳອິດ. ແຕ່ລະມື້ ຫວງ ອ່ານຕ໋ວນ ໄປໄປມາມາ ລະຫວ່າງບ້ານໂອລິມປິກ ແລະບ່ອນຝຶກຊ້ອມດ້ວຍຄົນດຽວເປັນປົກກະຕິ ເພື່ອຝຶກ ຊ້ອມກ່ອນການແຂ່ງຂັນ. ສຽງກະດິ່ງທີ່ຄຸ້ນຫູໃນສະຖານທີ່ຝຶກຊ້ອມ ໄດ້ເຮັດໃຫ້ ຫວງ ອ່ານຕ໋ວນ ຮູ້ສຶກເຖິງການແຂ່ງຂັນ, ການຝຶກຊ້ອມຂອງລາວ ໄດ້ເຮັດໃຫ້ນັກກິລາຄົນອື່ນໆຮູ້ສຶກຢ້ານກົວ. ຫວງ ອ່ານຕ໋ວນ ເວົ້າວ່າ: ນີ້ກໍ່ແມ່ນການຂົ່ມຂູ່ດ້ານຈິດຕະສາດແນວໜຶ່ງ.
" ໃນການຝຶກຊ້ອມແຕ່ລະມື້ ບໍ່ຈຳເປັນຕ້ອງຝຶກໃຫ້ດີ ພຽງແຕ່ລໍຖ້າໂອກາດເທົ່ານັ້ນ. ໄກ້ຈະຮອດມື້ແຂ່ງຂັນ ຂ້ອຍໄດ້ສະແດງຄວາມແຂງແຮງຂອງຕົນ ຕໍ່ໜ້ານັກກິລາຄົນອື່ນໆ ໂດຍໄດ້ຍົກນ້ຳໜັກຫຼາຍກວ່າເຂົາເຈົ້າ ສອງສາມກິໂລ ເພື່ອເປັນການຂູ່ຂວັນ ເຮັດໃຫ້ເຂົາເຈົ້າຫວັ່ນໄຫວ, ນີ້ກໍ່ແມ່ນການຂົ່ມຂູ່ດ້ານຈິດຕະສາດແນວໜຶ່ງ. "
ຫວງ ອ່ານຕ໋ວນ ສຳເລັດການແຂ່ງຂັນໃນງານໂອລິມປິກແລ້ວ, ເຖິງວ່າບໍ່ໄດ້ຫຼຽນຄຳ, ແຕ່ ຫວງ ອ່ານຕ໋ວນ ເວົ້າວ່າ: ເຂົ້າຮ່ວມງານໂອລິມປິກປັກກິ່ງ ເຮັດໃຫ້ລາວໄດ້ຮັບບົດຮຽນຢ່າງຫຼວງຫຼາຍ, ລາວຍິນດີຮວບຮວມປະສົບການຂອງຕົນອອກມາ ເພື່ອເປັນບົດຮຽນໃຫ້ແກ່ນັກກິລາຫວຽດນາມຄົນອື່ນໆ ໄດ້ມີໂອກາດ ຂື້ນໄປຢືນຢູ່ແທ່ນຮັບລາງວັນໃນງານໂອລິມປິກ.
" ຈີນມີຫຼາຍສິ່ງຫຼາຍຢ່າງທີ່ພວກເຮົາຄວນຮ່ຳຮຽນນຳ, ແລະຈີນກໍ່ມີຜູ້ທີ່ມີຄວາມສາມາດຢ່າງຫຼວງຫຼາຍ, ຖ້າໃນອະນາຄົດຂ້ອຍມີໂອກາດໄດ້ຝຶກແອບນັກກິລາ, ຂ້ອຍຈະນຳເອົາບົດຮຽນຂອງນັກກິລາຈີນໄປສອນໃຫ້ເຂົາເຈົ້າ"
ກ່ອນອື່ນພວກເຮົາຫວນຄືນຫາການແຂ່ງຂັນໃນມື້ນັ້ນກ່ອນ, ໃນການແຂ່ງຂັນຍົກນ້ຳໜັກປະເພດຈັບຍົກຄັ້ງທຳອິດຂອງລາວແມ່ນ 126ກິໂລ, ຊຶ່ງເປັນນ້ຳໜັກທີ່ໜັກທີ່ສຸດໃນຈຳນວນນັກກິລາທີ່ຈະຍົກຄັ້ງທຳອິດ, ແຕ່ລາວກໍ່ສາມາດເຮັດໄດ້ສຳເລັດ. ຫວງ ອ່ານຕ໋ວນ ມີຄວາມໝັ້ນໃຈສູງຫຼາຍ, ລາວຢາກບອກຜູ້ຊົມທົ່ວໂລກໃຫ້ຮູ້ວ່າໃນໂລກນີ້ຍັງມີລາວຜູ້ໜຶ່ງ. ສຸດທ້າຍ ລາວໄດ້ແຕ່ຫຼຽນເງິນ, ເພາະຄະແນນລວມຂອງລາວຍັງຂາດພຽງແຕ່ 2ກິໂລເທົ່ານັ້ນ, ແຕ່ຫຼຽນເງິນຫຼຽນນີ້ ມີຄ່າເທົ່າກັບຫຼຽນຄຳ, ເພາະເປັນຫຼຽນທີ່ຄະນະນັກກິລາຫວຽດນາມໄດ້ຮັບຫຼຽນທຳອິດ ໃນງານກິລາໂອລິມປິກຄັ້ງນີ້ ແລະກໍ່ແມ່ນຫຼຽນໂອລິມປິກຫຼຽນທີ 2 ໃນປະຫວັດສາດຂອງຫວຽດນາມ. ຫວງ ອ່ານຕ໋ວນ ພໍໃຈຫຼາຍຕໍ່ຜົນງານຂອງຕົນ.
" ເທື່ອນີ້ມາເຂົ້າຮ່ວມງານກິລາໂອລິມປິກປັກກິ່ງ ແລະໄດ້ຮັບຫຼຽນເງິນ 1 ຫຼຽນ ເປັນສິ່ງທີ່ຂ້ອຍຄອງຄອຍມາດົນແລ້ວ "
ຫວງ ອ່ານຕ໋ວນ, ປີນີ້ອາຍຸ 24ປີ, ລາວເຄີຍມາຝຶກຊ້ອມຢູ່ຈີນເປັນໄລຍະ ຍາວ, ຄູຝຶກຈີນໄດ້ເອົາໃຈໃສ່ໃນການຝຶກສອນ ຈຶ່ງເຮັດໃຫ້ລາວມີຜົນງານທີ່ດີ ຂື້ນ ແລະກໍ່ເປັນພື້ນຖານທີ່ດີ ທີ່ເຮັດໃຫ້ລາວໄດ້ຮັບຫຼຽນໃນງານໂອລິມປິກ. ຫຼັງຈາກການແຂ່ງຂັນສິ້ນສຸດລົງ ທ່ານ ຫວງ ວິນກຽງ, ຫົວໜ້າຄະນະນັກກິລາຫວຽດນາມ ເອີ້ນຫຼຽນທີ່ ຫວງ ອ່ານຕ໋ວນ ຊິງມາໄດ້ນີ້ ເປັນຜົນຜະລິດແຫ່ງມິດຕະພາບລະຫວ່າງຫວຽດນາມກັບຈີນ. ຫຼັງຈາກໄດ້ຮັບຫຼຽນແລ້ວ, ຫວງ ອ່ານຕ໋ວນ ໄດ້ຍ້ອງຍໍຄວາມສາມາດຂອງຄູຝຶກຈີນໃນການຝຶກສອນຢ່າງບໍ່ຂາດປາກ. ຫວງ ອ່ານຕ໋ວນ ເວົ້າວ່າ:
ທຸກຢ່າງຢູ່ຈີນ ບໍ່ວ່າຈະເປັນພະນັກງານ, ການຝຶກຊ້ອມ ແລະອື່ນໆແມ່ນດີຫຼາຍ. ຂ້ອຍເປັນຄົນທີ່ເອົາໃຈໃສ່ໃນການບຳລຸງຮ່າງກາຍ, ຄູຝຶກຈີນໄດ້ວາງແຜນເປັນຢ່າງດີ ໃນການດູແລເບິ່ງແຍງການກິນດື່ມຂອງນັກກິລາ, ແຜນການໃນການຝຶກຊ້ອມຂອງເຂົາເຈົ້າລະອຽດຫຼາຍ, ນັກກິລາຈີນເກັ່ງໃນການຮັບມືກັບທຸກສະພາບການ, ແລະປຶກສາຫາລືກັບຄູຝຶກຢ່າງກົງໄປກົງມາ ກ່ຽວກັບນ້ຳໜັກທີ່ຈະຍົກກ່ອນຈະເຂົ້າສູ່ການແຂ່ງຂັນ.
ຫວງ ອ່ານຕ໋ວນ ເວົ້າວ່າ: ທາງດ້ານການສ້າງເຕັກນິກໃໝ່ ຄູຝຶກຈີນໄດ້ໃຫ້ ແຮງບັນດານໃຈແກ່ລາວຢ່າງຫຼວງຫຼາຍ. ຄູຝຶກເອີຣົບ ຖືປະລິມານການຝຶກຊ້ອມເປັນສຳຄັນ, ແຕ່ຄູຝຶກຈີນ ພັດຖືທ່າແຮງບົ່ມຊ້ອນຂອງນັກກິລາເປັນສຳຄັນເພື່ອຊອກຫາຄວາມສາມາດໃນໂຕຂອງນັກກິລາເອງ. ສະນັ້ນ ໃນໄລຍະກະກຽມເຂົ້າຮ່ວມງານໂອລິມປິກປັກກິ່ງ, ຫວງ ອ່ານຕ໋ວນ ໄດ້ໃຫ້ຄວາມສຳຄັນໃນການປະດິດສ້າງໃໝ່ທີ່ສຸດ, ຫຼັງຈາກຝຶກຊ້ອມແລ້ວ ລາວຈະບັນທຶກຈຸດອ່ອນຂອງຕົນລົງໃນປຶ້ມບັນທຶກທຸກເທື່ອ, ການແຂ່ງຂັນໃນແຕ່ລະເທື່ອ ລາວກໍ່ຈະລອງເຕັກນິກຂອງການແຂ່ງຂັນທີ່ແຕກຕ່າງກັນ, ຄ່ອຍໆເຮັດໃຫ້ເຕັກນິກຂອງຕົນໃຫ້ສົມບູນ.
ກ່ອນພິທີໄຂງານໂອລິມປິກປັກກິ່ງ 7 ມື້, ຫວງ ອ່ານຕ໋ວນໄດ້ສຳເລັດການຝຶກຊ້ອມຢູ່ເອີຣົບ ແລະມາຮອດປັກກິ່ງຄົນດຽວແບບງຽບໆ ເພື່ອກະກຽມເຂົ້າຮ່ວມໂອລິມປິກເປັນຄັ້ງທຳອິດ. ແຕ່ລະມື້ ຫວງ ອ່ານຕ໋ວນ ໄປໄປມາມາ ລະຫວ່າງບ້ານໂອລິມປິກ ແລະບ່ອນຝຶກຊ້ອມດ້ວຍຄົນດຽວເປັນປົກກະຕິ ເພື່ອຝຶກ ຊ້ອມກ່ອນການແຂ່ງຂັນ. ສຽງກະດິ່ງທີ່ຄຸ້ນຫູໃນສະຖານທີ່ຝຶກຊ້ອມ ໄດ້ເຮັດໃຫ້ ຫວງ ອ່ານຕ໋ວນ ຮູ້ສຶກເຖິງການແຂ່ງຂັນ, ການຝຶກຊ້ອມຂອງລາວ ໄດ້ເຮັດໃຫ້ນັກກິລາຄົນອື່ນໆຮູ້ສຶກຢ້ານກົວ. ຫວງ ອ່ານຕ໋ວນ ເວົ້າວ່າ: ນີ້ກໍ່ແມ່ນການຂົ່ມຂູ່ດ້ານຈິດຕະສາດແນວໜຶ່ງ.
" ໃນການຝຶກຊ້ອມແຕ່ລະມື້ ບໍ່ຈຳເປັນຕ້ອງຝຶກໃຫ້ດີ ພຽງແຕ່ລໍຖ້າໂອກາດເທົ່ານັ້ນ. ໄກ້ຈະຮອດມື້ແຂ່ງຂັນ ຂ້ອຍໄດ້ສະແດງຄວາມແຂງແຮງຂອງຕົນ ຕໍ່ໜ້ານັກກິລາຄົນອື່ນໆ ໂດຍໄດ້ຍົກນ້ຳໜັກຫຼາຍກວ່າເຂົາເຈົ້າ ສອງສາມກິໂລ ເພື່ອເປັນການຂູ່ຂວັນ ເຮັດໃຫ້ເຂົາເຈົ້າຫວັ່ນໄຫວ, ນີ້ກໍ່ແມ່ນການຂົ່ມຂູ່ດ້ານຈິດຕະສາດແນວໜຶ່ງ. "
ຫວງ ອ່ານຕ໋ວນ ສຳເລັດການແຂ່ງຂັນໃນງານໂອລິມປິກແລ້ວ, ເຖິງວ່າບໍ່ໄດ້ຫຼຽນຄຳ, ແຕ່ ຫວງ ອ່ານຕ໋ວນ ເວົ້າວ່າ: ເຂົ້າຮ່ວມງານໂອລິມປິກປັກກິ່ງ ເຮັດໃຫ້ລາວໄດ້ຮັບບົດຮຽນຢ່າງຫຼວງຫຼາຍ, ລາວຍິນດີຮວບຮວມປະສົບການຂອງຕົນອອກມາ ເພື່ອເປັນບົດຮຽນໃຫ້ແກ່ນັກກິລາຫວຽດນາມຄົນອື່ນໆ ໄດ້ມີໂອກາດ ຂື້ນໄປຢືນຢູ່ແທ່ນຮັບລາງວັນໃນງານໂອລິມປິກ.
" ຈີນມີຫຼາຍສິ່ງຫຼາຍຢ່າງທີ່ພວກເຮົາຄວນຮ່ຳຮຽນນຳ, ແລະຈີນກໍ່ມີຜູ້ທີ່ມີຄວາມສາມາດຢ່າງຫຼວງຫຼາຍ, ຖ້າໃນອະນາຄົດຂ້ອຍມີໂອກາດໄດ້ຝຶກແອບນັກກິລາ, ຂ້ອຍຈະນຳເອົາບົດຮຽນຂອງນັກກິລາຈີນໄປສອນໃຫ້ເຂົາເຈົ້າ"
ຂ່າວ-ບົດທີ່ກ່ຽວຂ້ອງ
ຄຳເຫັນ
