ງານໂອລິມປິກປັກກິ່ງແມ່ນແຫຼ່ງສ້າງເລື່ອງມະຫັດສະຈັນ
(GMT+08:00) 2008-08-23 13:19:06 cri
-----------------------------------------------------------------------------------------------------------------
-----------------------------------------------------------------------------------------------------------------
ໃນໂລກນີ້, ແຕ່ລະຊົນເຜົ່າກໍ່ມີເລື່ອງມະຫັດສະຈັນຂອງໃຜລາວ, ຈາກວິລະກຳທີ່ໜ້າສັນລະເສີນຂອງເກຼັກບູຮານຮອດກາມມະເທບຍິງລູກສອນຂອງໂຣມບູຮານ, ຮອດເທບນິຍາຍບູຮານຂອງຈີນ, ວິລະຊົນໃນເທບນິຍາຍເຫຼົ່ານີ້ລ້ວນແຕ່ມີອະພິນິຫານເໜືອມະນຸດເຮົາ,ເຂົາເຈົ້າແລ່ນໄວປານລົມກົດ, ສາມາດເຫາະເຫີນເດີນອາກາດມຸດນ້ຳດຳດິນ, ໄດ້ຮັບຄວາມຍ້ອງຍໍສັນລະເສີນຈາກທຸກເຊັ່ນຄົນ. ເລື່ອງມະຫັດສະຈັນທີ່ຫ່າງຈາກຄົນເຮົາໄກແສນໄກເຫຼົ່ານີ້, ໄດ້ເຮັດໃຫ້ຫຼາຍຄົນປາຖະໜາມາເປັນເວລາດົນນານ. ມື້ນີ້, ເລື່ອງມະຫັດສະຈັນເທື່ອແລ້ວເທື່ອເລົ່າກໍ່ໄດ້ກຳເນີດຂຶ້ນຢູ່ຕໍ່ໜ້າພວກເຮົາ, ນີ້ກໍ່ແມ່ນໂອລິມປິກປັກກິ່ງນຳມາໃຫ້. ໃນລາຍການບົດບັນທຶກປະຈຳວັນຂອງແສງທອງມື້ນີ້, ພວກເຮົາມາລົມເລື່ອງມະຫັດສະຈັນຂອງໂອລິມປິກປັກກິ່ງ.
20 ໂມງຂອງວັນທີ 8 ເດືອນ 8, ຢູ່ສະໜາມກິລາ"ຮັງນົກ"ປັກກິ່ງ, ການສະແດງທີ່ເຕັມໄປດ້ວຍຄວາມໄຝ່ຝັນແລະງາມວິໄລຂອງພິທີໄຂງານໂອລິມປິກໄດ້ເປີດສາກເລື່ອງເທບນິຍາຍໃນຍຸກປັດຈຸບັນ. ໃນພິທີໄຂດັ່ງກ່າວ, ພາບປະຫວັດສາດຫຼາຍແຜ່ນໄດ້ເປີດຢູ່ຕໍ່ໜ້າພວກເຮົາ, ຮ່ອງຮອຍອະລິຍະທຳໄດ້ສະແດງອອກມາ, ເນື້ອໃນວັດທະນະທຳດັ້ງເດີມຂອງປະຊາຊາດຈີນໄດ້ເຮັດໃຫ້ໂລກສະເທືອນໃຈ. ວິວັດທະນາການຂອງປະເທດເກົ່າແກ່ບູຮານທີ່ມີອາລິຍະທຳ 5 ພັນປີໄດ້ຫຍໍ້ເຂົ້າມາເປັນຄວາມໄຝ່ຝັນແບບເທບນິຍາຍ. ແຕ່ວ່າ, ນີ້ພຽງແຕ່ແມ່ນການເລີ່ມຕົ້ນເທົ່ານັ້ນ.
ຕອນຄ່ຳວັນທີ 16 ສິງຫານີ້, ໃນການແຂ່ງຂັນແລ່ນ 100 ແມັດເພດຊາຍຮອບຊິງຊະນະເລີດ, ທ້າວບອບທ໌ ຢູເຊນ "ມະນຸດບິນ"ຈາໄມກາໄດ້ແລ່ນດ້ວຍຜົນງານ 9 ວິນາທີ 69 ລິບດາຢ່າງໜ້າອັດສະຈັນ, ເວລາດັ່ງກ່າວເຮັດໃຫ້ຄົນງຶດງໍ້, ໄວກວ່າສະຖິຕິໂລກ 9 ວິນາທີ 72 ລິບດາທີ່ເອີ້ນວ່າເປັນ"ຄວາມໄວສູງສຸດ"ນັ້ນ 0,03 ວິນາທີ. ຄົນທັງຫຼາຍອ້າປາກຕາຄ້າງຢ່າງຕື່ນຕົກໃຈວ່າ, ມະນຸດສາມາດແລ່ນໄວຊໍ່ານີ້ພຸ້ນຫວະ? ເມື່ອໄດ້ເຫັນ"ມະນຸດບິນ"ທີ່ສູງ 1ແມັດ96 ຊັງຕີແມັດ ກ່ອນຈະຮອດເສັ້ນໄຊ, ກໍ່ອ້າແຂນ ຕົບເອິກຂອງຕົນ, ແລະແລ່ນຂ້າມເສັ້ນໄຊດ້ວຍຄວາມທະນົງໃຈ, ເຮັດໃຫ້ພວກເຮົາອຸທານວ່າ, ເວົ້າສຳລັບມະນຸດເຮົາແລ້ວ, ການແລ່ນໄວປານລົມກົດບໍ່ແມ່ນຄວາມໄຝ່ຝັນອີກຕໍ່ໄປແລ້ວ, ມະນຸດໃນເທບນິຍາຍກໍ່ຢູ່ຕໍ່ໜ້າພວກເຮົານີ້ລະ.
ວັນທີ 17 ສິງຫານີ້, ທ້າວໄມໂຄ ເຟວສ໌ ຊິງໄດ້ຫຼຽນຄຳຫຼຽນທີ 8 ຂອງງານໂອລິມປິກປັກກິ່ງ, ໄດ້ທຳລາຍສະຖິຕິຂອງທ້າວມາກ ສະບິສ໌ທີ່ໄດ້ຫຼຽນຄຳ 7 ຫຼຽນໃນງານໂອລິມປິກມິວນິກເມື່ອປີ 1972, ພ້ອມກັນນັ້ນ, ລາວຍັງໄດ້ສ້າງສະຖິຕິທີ່ຄົນໜຶ່ງໄດ້ຮັບຫຼຽນຄຳໂອລິມປິກ 14 ຫຼຽນ. ມີຄົນເວົ້າວ່າ, ຄືຊິມີແຕ່"ມະນຸດຕ່າງດາວ"ເທົ່ານັ້ນລະຈຶ່ງສາມາດທຳລາຍສະຖິຕິຂອງທ້າວມາກ ສະບິສ໌ໄດ້ແຕ່ຖ້າມີຜູ້ອື່ນສາມາດເຮັດໄດ້, ຜູ້ນັ້ນກໍ່ຄົງຈະແມ່ນທ້າວໄມໂຄ ເຟວສ໌ເທົ່ານັ້ນລະທີ່ເຮັດໄດ້." ແສງທອງເຫັນວ່າ, ໃນຖານະເປັນຜູ້ສືບທອດຂອງເທບນິຍາຍ, ມະນຸດເຮົາບໍ່ເຄີຍຢຸດຄວາມໄຝ່ຝັນ, ແລະກໍ່ບໍ່ຂາດຄວາມປະດິດສ້າງ, ຄວາມມະຫັດສະຈັນດັ່ງກ່າວກໍ່ແມ່ນເທບນິຍາຍໃໝ່ທີ່ຄົນຍຸກປັດຈຸບັນສ້າງຂຶ້ນ.
"ຮັງນົກ""ກ້ອນນ້ຳ 4 ຫຼ່ຽມ"ທີ່ເຕັມໄປແຕ່ສິ່ງອັດສະຈັນແລະຄວາມໄຝ່ຝັນ; ຍິງຈະຫຼວດເພື່ອໄລ່ຝົນ; "ນັກກິລາຍົກນ້ຳໜັກ"ທີ່ສາມາດຍົກນ້ຳໜັກທີ່ຫຼາຍກວ່ານ້ຳໜັກຂອງຕົນ 2 ເທົ່າ; ນັກກິລາກາຍຍະກຳແລະນັກກິລາໂດດນ້ຳ ທີ່ສາມາດເຕັ້ນລຳຢູ່ເທິງອາກາດ …… ເຖິງວ່າງານກິລາໂອລິມປິກຫາກໍ່ກາຍເຄິ່ງ, ແຕ່ມັນໄດ້ນຳເອົາຄວາມສະເທືອນໃຈຫຼາຍທີ່ສຸດ, ແລະສິ່ງມະຫັດສະຈັນຫຼາຍທີ່ສຸດມາໃຫ້ພວກເຮົາແລ້ວ, ໃນຖານະເປັນພິຍານຂອງສິ່ງມະຫັດສະຈັນດັ່ງກ່າວນີ້, ພວກເຮົາໄດ້ມີຄວາມພາກພຸມໃຈຫຼາຍຕໍ່ຕົນເອງທີ່ໄດ້ຢູ່ໃນຍຸກສະໄໝນີ້, ທັງພູມໃຈນຳພະລັງແຮງບົ່ມຊ້ອນແລະຄວາມໄຝ່ຝັນຂອງມະນຸດ.
ງານໂອລິມປິກປັກກິ່ງ, ງານມະຫະກຳທີ່ປະຈັກຕາໂລກຄັ້ງນີ້, ເໝືອນດັ່ງແຫຼ່ງທີ່ກຳເນີດສິ່ງມະຫັດສະຈັນ, ໄດ້ສະເທືອນຕາແລະໃຈຂອງທຸກຄົນ. ໃນເວລານີ້, ບໍ່ມີການຈຳແນກເຊື້ອຊາດຜິວພັນ, ໄດ້ຫຼຸດພົ້ນອອກຈາກຄວາມຂັດແຍ່ງກັນດ້ານການເມືອງ ແລະຄວາມແຕກຕ່າງກັນດ້ານວັດທະນະທຳ, ໃນຖານະເປັນອົງກອນດຽວກັນ, ມະນຸດໄດ້ສາມັກຄີກັນຢ່າງແໜ້ນແຟ້ນ, "ໂລກດຽວກັນ, ຄວາມຝັນດຽວກັນ"ຍິ່ງໄດ້ຊຶມເລິກສູ່ດວງໃຈໝົດທຸກຄົນ. ແສງທອງເຊື່ອວ່າ, ໃນໄລຍະການແຂ່ງຂັນຕໍ່ໄປ, ໃນພິທີອັດງານໂອລິມປິກ, ພວກເຮົາຈະໄດ້ເປັນພິຍານໃຫ້ແກ່ສິ່ງມະຫັດສະຈັນຫຼາຍກວ່າເກົ່າ, ງານໂອລິມປິກປັກກິ່ງ--ເວທີທີທີ່ປະດິດສ້າງສິ່ງມະຫັດສະຈັນກໍ່ຈະຖືກຈາລຶກໃນດວງໃຈຂອງປະຊາຊົນໃນໂລກ.%
20 ໂມງຂອງວັນທີ 8 ເດືອນ 8, ຢູ່ສະໜາມກິລາ"ຮັງນົກ"ປັກກິ່ງ, ການສະແດງທີ່ເຕັມໄປດ້ວຍຄວາມໄຝ່ຝັນແລະງາມວິໄລຂອງພິທີໄຂງານໂອລິມປິກໄດ້ເປີດສາກເລື່ອງເທບນິຍາຍໃນຍຸກປັດຈຸບັນ. ໃນພິທີໄຂດັ່ງກ່າວ, ພາບປະຫວັດສາດຫຼາຍແຜ່ນໄດ້ເປີດຢູ່ຕໍ່ໜ້າພວກເຮົາ, ຮ່ອງຮອຍອະລິຍະທຳໄດ້ສະແດງອອກມາ, ເນື້ອໃນວັດທະນະທຳດັ້ງເດີມຂອງປະຊາຊາດຈີນໄດ້ເຮັດໃຫ້ໂລກສະເທືອນໃຈ. ວິວັດທະນາການຂອງປະເທດເກົ່າແກ່ບູຮານທີ່ມີອາລິຍະທຳ 5 ພັນປີໄດ້ຫຍໍ້ເຂົ້າມາເປັນຄວາມໄຝ່ຝັນແບບເທບນິຍາຍ. ແຕ່ວ່າ, ນີ້ພຽງແຕ່ແມ່ນການເລີ່ມຕົ້ນເທົ່ານັ້ນ.
ຕອນຄ່ຳວັນທີ 16 ສິງຫານີ້, ໃນການແຂ່ງຂັນແລ່ນ 100 ແມັດເພດຊາຍຮອບຊິງຊະນະເລີດ, ທ້າວບອບທ໌ ຢູເຊນ "ມະນຸດບິນ"ຈາໄມກາໄດ້ແລ່ນດ້ວຍຜົນງານ 9 ວິນາທີ 69 ລິບດາຢ່າງໜ້າອັດສະຈັນ, ເວລາດັ່ງກ່າວເຮັດໃຫ້ຄົນງຶດງໍ້, ໄວກວ່າສະຖິຕິໂລກ 9 ວິນາທີ 72 ລິບດາທີ່ເອີ້ນວ່າເປັນ"ຄວາມໄວສູງສຸດ"ນັ້ນ 0,03 ວິນາທີ. ຄົນທັງຫຼາຍອ້າປາກຕາຄ້າງຢ່າງຕື່ນຕົກໃຈວ່າ, ມະນຸດສາມາດແລ່ນໄວຊໍ່ານີ້ພຸ້ນຫວະ? ເມື່ອໄດ້ເຫັນ"ມະນຸດບິນ"ທີ່ສູງ 1ແມັດ96 ຊັງຕີແມັດ ກ່ອນຈະຮອດເສັ້ນໄຊ, ກໍ່ອ້າແຂນ ຕົບເອິກຂອງຕົນ, ແລະແລ່ນຂ້າມເສັ້ນໄຊດ້ວຍຄວາມທະນົງໃຈ, ເຮັດໃຫ້ພວກເຮົາອຸທານວ່າ, ເວົ້າສຳລັບມະນຸດເຮົາແລ້ວ, ການແລ່ນໄວປານລົມກົດບໍ່ແມ່ນຄວາມໄຝ່ຝັນອີກຕໍ່ໄປແລ້ວ, ມະນຸດໃນເທບນິຍາຍກໍ່ຢູ່ຕໍ່ໜ້າພວກເຮົານີ້ລະ.
ວັນທີ 17 ສິງຫານີ້, ທ້າວໄມໂຄ ເຟວສ໌ ຊິງໄດ້ຫຼຽນຄຳຫຼຽນທີ 8 ຂອງງານໂອລິມປິກປັກກິ່ງ, ໄດ້ທຳລາຍສະຖິຕິຂອງທ້າວມາກ ສະບິສ໌ທີ່ໄດ້ຫຼຽນຄຳ 7 ຫຼຽນໃນງານໂອລິມປິກມິວນິກເມື່ອປີ 1972, ພ້ອມກັນນັ້ນ, ລາວຍັງໄດ້ສ້າງສະຖິຕິທີ່ຄົນໜຶ່ງໄດ້ຮັບຫຼຽນຄຳໂອລິມປິກ 14 ຫຼຽນ. ມີຄົນເວົ້າວ່າ, ຄືຊິມີແຕ່"ມະນຸດຕ່າງດາວ"ເທົ່ານັ້ນລະຈຶ່ງສາມາດທຳລາຍສະຖິຕິຂອງທ້າວມາກ ສະບິສ໌ໄດ້ແຕ່ຖ້າມີຜູ້ອື່ນສາມາດເຮັດໄດ້, ຜູ້ນັ້ນກໍ່ຄົງຈະແມ່ນທ້າວໄມໂຄ ເຟວສ໌ເທົ່ານັ້ນລະທີ່ເຮັດໄດ້." ແສງທອງເຫັນວ່າ, ໃນຖານະເປັນຜູ້ສືບທອດຂອງເທບນິຍາຍ, ມະນຸດເຮົາບໍ່ເຄີຍຢຸດຄວາມໄຝ່ຝັນ, ແລະກໍ່ບໍ່ຂາດຄວາມປະດິດສ້າງ, ຄວາມມະຫັດສະຈັນດັ່ງກ່າວກໍ່ແມ່ນເທບນິຍາຍໃໝ່ທີ່ຄົນຍຸກປັດຈຸບັນສ້າງຂຶ້ນ.
"ຮັງນົກ""ກ້ອນນ້ຳ 4 ຫຼ່ຽມ"ທີ່ເຕັມໄປແຕ່ສິ່ງອັດສະຈັນແລະຄວາມໄຝ່ຝັນ; ຍິງຈະຫຼວດເພື່ອໄລ່ຝົນ; "ນັກກິລາຍົກນ້ຳໜັກ"ທີ່ສາມາດຍົກນ້ຳໜັກທີ່ຫຼາຍກວ່ານ້ຳໜັກຂອງຕົນ 2 ເທົ່າ; ນັກກິລາກາຍຍະກຳແລະນັກກິລາໂດດນ້ຳ ທີ່ສາມາດເຕັ້ນລຳຢູ່ເທິງອາກາດ …… ເຖິງວ່າງານກິລາໂອລິມປິກຫາກໍ່ກາຍເຄິ່ງ, ແຕ່ມັນໄດ້ນຳເອົາຄວາມສະເທືອນໃຈຫຼາຍທີ່ສຸດ, ແລະສິ່ງມະຫັດສະຈັນຫຼາຍທີ່ສຸດມາໃຫ້ພວກເຮົາແລ້ວ, ໃນຖານະເປັນພິຍານຂອງສິ່ງມະຫັດສະຈັນດັ່ງກ່າວນີ້, ພວກເຮົາໄດ້ມີຄວາມພາກພຸມໃຈຫຼາຍຕໍ່ຕົນເອງທີ່ໄດ້ຢູ່ໃນຍຸກສະໄໝນີ້, ທັງພູມໃຈນຳພະລັງແຮງບົ່ມຊ້ອນແລະຄວາມໄຝ່ຝັນຂອງມະນຸດ.
ງານໂອລິມປິກປັກກິ່ງ, ງານມະຫະກຳທີ່ປະຈັກຕາໂລກຄັ້ງນີ້, ເໝືອນດັ່ງແຫຼ່ງທີ່ກຳເນີດສິ່ງມະຫັດສະຈັນ, ໄດ້ສະເທືອນຕາແລະໃຈຂອງທຸກຄົນ. ໃນເວລານີ້, ບໍ່ມີການຈຳແນກເຊື້ອຊາດຜິວພັນ, ໄດ້ຫຼຸດພົ້ນອອກຈາກຄວາມຂັດແຍ່ງກັນດ້ານການເມືອງ ແລະຄວາມແຕກຕ່າງກັນດ້ານວັດທະນະທຳ, ໃນຖານະເປັນອົງກອນດຽວກັນ, ມະນຸດໄດ້ສາມັກຄີກັນຢ່າງແໜ້ນແຟ້ນ, "ໂລກດຽວກັນ, ຄວາມຝັນດຽວກັນ"ຍິ່ງໄດ້ຊຶມເລິກສູ່ດວງໃຈໝົດທຸກຄົນ. ແສງທອງເຊື່ອວ່າ, ໃນໄລຍະການແຂ່ງຂັນຕໍ່ໄປ, ໃນພິທີອັດງານໂອລິມປິກ, ພວກເຮົາຈະໄດ້ເປັນພິຍານໃຫ້ແກ່ສິ່ງມະຫັດສະຈັນຫຼາຍກວ່າເກົ່າ, ງານໂອລິມປິກປັກກິ່ງ--ເວທີທີທີ່ປະດິດສ້າງສິ່ງມະຫັດສະຈັນກໍ່ຈະຖືກຈາລຶກໃນດວງໃຈຂອງປະຊາຊົນໃນໂລກ.%
ຂ່າວ-ບົດທີ່ກ່ຽວຂ້ອງ
ຄຳເຫັນ
