ວຽກ​ງານ​ກະ​ກຽມ​ງານ​ໂອ​ລິມ​ປິກ​ຄົນ​ພິ​ການ​ປັກ​ກິ່ງ​ດຳ​ເນີນ​ໄປ​ຕາມ​ແຜນ

ຕາມ​ຂ່າວ cri:ວັນ​ທີ 24 ສິງຫານີ້,ຢູ່​ປັກ​ກິ່ງ, ນາງ​ຖ່າງສ້ຽວ​ຊວນ ຮອງ​ປະທານບໍລິຫານ​ງານ​ຄະນະ​ຈັດຕັ້ງງານ​ໂອ​ລິ​ມປິກ​ປັກ​ກິ່ງ​ກ່າວ​ວ່າ,ປັດ ຈຸບັນ ວຽກ​ງານ​ກະກຽມ​ງານ​ໂອ​ລິ​ມປິ​ກຄົນ​ພິການ​ດຳ​ເນີນ​ໄປ​ຕາມ​ແຜນການ​ທຸກ​ຢ່າງ.

ນາງ​ກ່າວ​ວ່າ, ປັດຈຸບັນ, ສະຫນາມກິລາ 20 ​ແຫ່ງ​ທີ່​ຈະ​ຈັດການ​ແຂ່ງຂັນ​ຂອງ​ງານ​​ໂອ​ລິ​ມປິກ​ຄົນ​ພິການ​ໄດ້​ຈັດການ​ຝຶກ​ຊ້ອມ​ກ່ອນ​ການ​ແຂ່ງຂັນ​ແລ້ວ.ນອກ​ນີ້, ​ໂຮງຫມໍ 22 ​ແຫ່ງ​ແລະ​ໂຮງ​ແຮມ 16 ​ແຫ່ງ​ທີ່​ເຊັນ​ສັນຍາ​ກັບ​ງານ​ໂອ​ລິ​ມປິກ​ຄົນ​ພິການ​ນັ້ນກໍ່​ໄດ້​ສຳ​ເລັດ​ການ​ດັດ​ສ້າງ​​ໃຫ້ບໍ່​ມີ​ອຸປະສັກກີດຂວາງ.

ສະຖານີ​ຂອງ​ລະບົບລົດ​ລາງ​ທັງ​ຫມົດ​ຂອງ​ປັກ​ກິ່ງ​ລ້ວນ​ແຕ່​ສາມາດ​ຕອບ​ສະຫນອງ​ຄວາມ​ຕ້ອງການ​ໃນ​ການ​ອອກ​ເດີນທາງ​ຂອງ​ຜູ່​ໂດຍສານ​ທີ່​ນັ່ງ​ລົດ​ລໍ້.

ງານ​ໂອ​ລິ​ມປິກ​ຄົນ​ພິການ​ລະດູ​ຮ້ອນ​ຄັງທີ 13 ຈະ​ຈັດ​ຂຶ້ນ​ຢູ່​ປັກ​ກິ່ງ​ແຕ່​ວັນ​ທີ 6 ຫາ​ວັນ​ທີ 17 ​ເດືອນຫນ້າ.