ປະທັບໃຈແຫຼ່ງທ່ອງທ່ຽວທຳມະຊາດແລະປະຫວັດສາດ(2)
(GMT+08:00) 2008-08-30 17:55:10 cri
-----------------------------------------------------------------------------------------------------------------
-----------------------------------------------------------------------------------------------------------------
ມື້ນີ້(ວັນສຸກ,ທີ 29 ສິງຫາ 2008)ແມ່ນມື້ທີ 2 ຂອງການທ່ຽວນະຄອນກຸ້ຍຢາງ,ເມືອງເອກຂອງແຂວງກຸ້ຍໂຈ່ວຂອງຄະນະນັກຂ່າວຕ່າງປະເທດ CRI.ເວົ້າແທ້ແລ້ວກໍ່ແມ່ນມື້ນີ້ເອງທີ່ເປັນມື້ເລີ່ມທ່ຽວແທ້ໆ.ຜູ້ຂຽນມື້ນີ້ຕື່ນປະມານ 6 ໂມງ,ຕື່ນຂຶ້ນມາໄປເປີດເບິ່ງປ່ອງຢ້ຽມຂອງໂຮງແຮມທີ່ຢູ່ຊັ້ນທີ 15 ຂອງໂຮງແຮມ"ກຸ້ຍໂຈ່ວປາກ"ທີ່ມີທັງໝົດ 29 ຊັ້ນກໍ່ແມ່ນເຫດຂີ້ເຝື້ອຫຼາຍສົມຄວນເຮັດໃຫ້ຟ້າບົດແຕ່ກໍ່ບໍ່ເຖິງຂັ້ນຟ້າຄຶ້ມ,ສາຍລົມອ່ອນໆໂຊຍພັດມາຕະຫຼອດ,ຍາມເຊົ້າໆເປີດປ່ອງຢ້ຽມຫາຍໃຈເອົາອາກາດບໍລິສຸດສົດໃສເຂົ້າປອດຈັ່ງແມ່ນຮູ້ສຶກສົດຊື່ນແທ້ໆ.
ຍ້ອນພວກເຮົາມີເວລາຢູ່ກຸ້ຍຢາງໜ້ອຍຄືພຽງແຕ່ 4 ຄືນ 5 ມື້ເທົ່ານັ້ນ,ສະນັ້ນ,ຕາຕະລາງທ່ຽວຈຶ່ງແໜ້ນອັດເລີຍ,ແຕ່ລະມື້ອອກໂຮງແຮມແຕ່ 7 ໂມງ 30 ຈົນຮອດ 20 ໂມງຫຼື 21 ໂມງພຸ້ນລະຈຶ່ງໄດ້ກັບຮອດໂຮງແຮມ.ເຈົ້າພາບພະຍາຍາມໃຫ້ຄະນະນັກຂ່າວຕ່າງປະເທດ CRI ພວກເຮົາໄດ້ສຳຜັດວິຖີຊີວິດຂອງຊາວກຸ້ຍຢາງໃນແຕ່ລະດ້ານຫຼາຍເທົ່າໃດຍິ່ງດີ,ສະນັ້ນ,ມື້ນີ້ຈຶ່ງເລີ່ມຕົ້ນປັ້ນເຂົ້າເຊົ້າຢູ່ທີ່ຮ້ານໝີ່ດັງທີ່ສຸດຂອງເມືອງ,ນັ້ນກໍ່ຄືຮ້ານໝີ່ຕະກູນຫຼິວ"shui xiao Liu Ji chang wang mian"ຫຼືຈະເອີ້ນວ່າຮ້ານເຝີກໍ່ໄດ້ຄືກັນ,ຮ້ານນີ້ຕັ້ງຢູ່ແຄມຖະໜົນຊື່ດັງໃຈກາງເມືອງກຸ້ຍຢາງນັ້ນກໍ່ຄືຖະໜົນປາວຊ່ານໜານລູ້（BaoShanNanLu）ທີ່ຮົ່ມເຢັນໄປດ້ວຍຮົ່ມໄມ້ຕະຫຼອດທັງແຄມສອງຟາກກໍ່ຄືຄັນຄູກາງຖະໜົນ,ເຈົ້າຂອງຮ້ານໃຈດີ,ການປຸງແຕ່ງຫຼືແມ່ຄົວແລະພະນັກງານບໍລິການກໍ່ໃສ່ໝວກຂາວສຸມຫົວ,ອັດປາກປານແພດ,ເບິ່ງແລ້ວກໍ່ຮູ້ສຶກໝັ້ນໃຈໃນຄວາມສະອາດ;ຮ້ານເຝີນີ້ເປັນຊັ້ນດຽວ,ເບິ່ງໂຕະຕັ່ງແລ້ວກໍ່ບັນຈຸລູກຄ້າໄດ້ປະມານ 100 ກວ່າຄົນໃນພາບດຽວ,ຄົນເຂົ້າໆອອກໆເຕັມເກືອບຕະຫຼອດ.ໝີ່ຂອງເພິ່ນເປັນໝີ່ເສັ້ນເຫຼືອງນ້ອຍ;ນ້ຳແກງແຊບນົວດີ,ຫູບເຂົ້າໄປມີແຮງທ້ອງຍ່າວໆ;ປະສົມປະສານໃນຖ້ວຍໝີ່ທີ່ໃຫຍ່ເຕີບນີ້ກໍ່ມີໃສ້ອ່ອນໝູ,ຕ່ອນຕົ້ມເລືອດ,ຄຽບໝູ,ເຕົ້າຮູ້,ຖົ່ວງອກແລະຜັກຫອມ,ແຖມດ້ວຍໄຂ່ອີກໜ່ວຍໜຶ່ງບັກໃຫຍ່,ສະບາຍທ້ອງຕອນເຊົ້າແລ້ວ,ລົດບັສຂອງເຈົ້າພາບກໍ່ພາພວກເຮົາມຸ້ງໜ້າສູ່ເຂດເມືອງໃໝ່"ຈີ່ນຢາງ"ທີ່ຫ່າງຈາກໃຈກາງນະຄອນກຸ້ຍຢາງປະຈຸບັນນີ້ເຖິງ 20 ກວ່າກິໂລແມັດ,ເມື່ອໄປຮອດສຳນັກປົກຄອງຂອງນະຄອນກຸ້ຍຢາງທີ່ຕັ້ງຢູ່ເຂດເມືອງໃໝ່ນີ້ຈຶ່ງເຫັນວ່າການອອກແບບຜັງເຂດເມືອງໃໝ່ດີຫຼາຍ,ຖະໜົນຫົນທາງກວ້າງຂວາງໃຫຍ່ໂຕມະໂຫລານທັນສະໄໝ;ຕຶກອາຄານກໍ່ເບິ່ງແລ້ວຮູ້ສຶກແໜ້ນໜາທັນສະໄໝຄືກັນແລະທີ່ສຳຄັນແມ່ນເນັ້ນໜັກຄວາມຂຽວຂອງຕົ້ນໄມ້ໃບຫຍ້າ,ຢູ່ອ້ອມຮອບຫຼືໃກ້ໆກໍ່ມີພູນ້ອຍຕ່ຳສະລັບກັບຕຶກອາຄານ,ເບິ່ງແລ້ວກວ້າງຂວາງສະບາຍຕາບໍ່ແອອັດຫຼາຍຄືໃຈກາງເມືອງປະຈຸບັນ,ອົງການປົກຄອງສ້າງເຂດໃໝ່ຂຶ້ນມາກໍ່ເພື່ອລະບາຍພົນລະເມືອງ 3 ລ້ານ 5 ແສນຄົນຂອງນະຄອນກຸ້ຍຢາງໃຫ້ຂະຫຍັບຂະຫຍາຍອອກມານອກຕື່ມ(ແຂວງກຸ້ຍໂຈ່ວມີພົນລະເມືອງ 35 ລ້ານກວ່າຄົນ,ມີເນື້ອທີ່ 176000 ກິໂລຕາແມັດ).ສຳລັບຫ້ອງການປົກຄອງຂອງນະຄອນກຸ້ຍຢາງຢູ່ເຂດເມືອງໃໝ່ນີ້ໃຫຍ່ໂຕທັນສະໄໝຫຼາຍ,ທາງໃນຕຶກກໍ່ເນັ້ນຄວາມຂຽວຂອງໄມ້ປະດັບນາໆພັນ,ໄປໃສກໍ່ຮູ້ສຶກສະບາຍຫູສະບາຍຕາອີ່ຫຼີ.ພວກເຮົາໄປເຖິງແລ້ວ,ຄະນະປົກຄອງກໍ່ຕ້ອນຮັບຢ່າງອົບອຸ່ນ;ທ່ານຈຽງຊິ່ງເຟິງທີ່ເປັນຄະນະກຳມະການປະຈຳຂອງນະຄອນກຸ້ຍຢາງກໍ່ຕ້ອນຮັບຢ່າງອົບອຸ່ນ,ແຈ້ງສະພາບໂດຍຫຍໍ້ຂອງການພັດທະນາໃນແຕ່ລະດ້ານຂອງນະຄອນກຸ້ຍຢາງໃຫ້ຟັງພ້ອມທັງຕອບຄຳຖາມຂອງພວກເຮົາຢ່າງເປັນກັນເອງ;ທ່ານກໍ່ບອກວ່າ,ການພັດທະນາຕ້ອງໄປຄຽງຄູ່ກັບການອະນຸລັກສິ່ງແວດລ້ອມ;ພັດທະນາສົ່ງເສີມກຸ້ຍຢາງໃຫ້ເປັນເມືອງທ່ອງທ່ຽວທາງທຳມະຊາດ ປະຫວັດສາດແລະວັດຖຸບູຮານ.ຄົນກຸ້ຍຢາງພູມໃຈຫຼາຍທີ່ໄດ້ຖືກຂະໜານນາມວ່າ"ເມືອງຕາກອາກາດໃນລະດູຮ້ອນທີ່ດີທີ່ສຸດຂອງຈີນ".ຫຼັງຈາກນັ້ນ,ເຈົ້າພາບກໍ່ພາພວກເຮົາໄປເບິ່ງຜັງຕົວເມືອງໃໝ່ຈຳລອງທີ່ແບ່ງອອກເປັນ 8 ເຂດແຕກຕ່າງກັນ,ເຂດສຳນັກປົກຄອງ,ເຂດມະຫາວິທະຍາໄລ ສະຖາບັນ ໂຮງຮຽນສຳຄັນຕ່າງໆ,ເຂດຄຸ້ມຊຸມຊົນແລະເຂດອື່ນໆ,ແຕ່ເບິ່ງແລ້ວຢູ່ເຂດໃຈກາງເມືອງໃໝ່ມີສວນສາທາລະນະ 2 ເຂດໃຫຍ່;ເບິ່ງຜັງເມືອງໃໝ່ແລ້ວ,ຜູ້ຂຽນຮູ້ສຶກອິດສາປະຊາຊົນກຸ້ຍຢາງແທ້ໆທີ່ໄດ້ຢູ່ເມືອງທີ່ທັງກວ້າງໃຫຍ່ທັນສະໄໝແລະຂຽວອຸ່ມທຸ່ມ.
ເມືອງນີ້ເລີ່ມລົງມືສ້າງມາແຕ່ປີ 2001,ຄາດວ່າຈະສຳເລັດແທ້ໆໃນປະມານປີ 2015 ຫາ 2020,ຈະຮອງຮັບປະຊາຊົນໄດ້ຫຼາຍກວ່າ 5 ແສນຄົນ,ຈະມີເນື້ອທີ່ເຖິງ 17 ລ້ານຕາແມັດ,ດຽວນີ້,ການກໍ່ສ້າງສຳເລັດໄປແລ້ວເກືອບ 20%.
ຕໍ່ຈາກນັ້ນ,ພວກເຮົາກໍ່ໄປຊົມຫໍວາງສະແດງເຄື່ອງນຸ່ງແລະເຄື່ອງມືຮັບໃຊ້ຊີວິດການເປັນຢູ່ຂອງຊົນເຜົ່າມົ້ງທີ່ເປັນຊົນເຜົ່າສ່ວນນ້ອຍທີ່ມີຈຳນວນພົນລະເມືອງຫຼາຍກວ່າໝູ່ຂອງແຂວງກຸ້ຍໂຈ່ວ,ກໍ່ຄືເມືອງກຸ້ຍຢາງ,ນີ້ກໍ່ຄືຜົນງານການທ້ອນໂຮມສະສົມມາເປັນເວລາຫຼາຍກວ່າ 30 ປີຂອງທ່ານເສິງຊ່ຽນຢາງ(Zeng Xianyang) ຄົນເຜົ່າຮ້ານທີ່ຫຼົງໄຫຼໃນສະເໜ່ຂອງວິຖີການດຳລົງຊີວິດຂອງຊົນເຜົ່າມົ້ງໃນທົ່ວແຂວງກຸ້ຍໂຈ່ວ;ປະຈຸບັນ,ລູກສາວຂອງເພິ່ນຄືນາງເສີງລີ້(Zeng Li) ຄົນງາມກໍ່ຍັງເປັນຜູ້ພາແຂກສຳຄັນທ່ຽວຊົມຫໍວາງສະແດງແຫ່ງນີ້ດ້ວຍພາສາອັງກິດ;ນາງບອກວ່າ,ຢາກໃຫ້ຊາວໂລກໄດ້ຮູ້ປະຫວັດ ວັດທະນະທຳ ການດຳລົງຊີວິດຂອງຊົນເຜົ່າມົ້ງ.ເຄື່ອງວາງສະແດງໃນຫໍແຫ່ງນີ້ມີຫຼາຍເຖິງ 5 ພັນກວ່າຊະນິດ,ບໍ່ວ່າຈະເປັນເຄື່ອງນຸ່ງຊົນເຜົ່າ,ແຜ່ນແພລວດລາຍສີສັນຂອງເຜົ່າມົ້ງເກົ່າໆໃນອະດີດຈົນຮອດປະຈຸບັນ,ເຄື່ອງມືຕ່ຳແຜ່ນ,ເຄື່ອງມືຫາກິນແລະຮີດຄອງປະເພນີ.ຫຼັງຈາກນັ້ນ,ຄະນະພວກເຮົາໄດ້ໄປເຂດທິວທັດທຳມະຊາດທີ່ສວຍງາມວິຈິດພິດສະດານ"ຮ່ວງຊີ່"ຢູ່ບ່ອນນີ້ທຳມະຊາດໂລແມນຕິກອີ່ຫຼີ,ເຂົ້າໄປທ່ຽວຢູ່ສວນນີ້ທ່ານຈະເຫັນທັງຄວາມຂຽວງາມຂອງປ່າໄມ້ ຄວາມອຸດົມສົມບູນຂອງລະບົບນິເວດວິທະຍາ ແມງໄມ້ ແມງກະເບື້ອ,ນ້ຳຕົກ,ໜອງໃຫຍ່,ພູຜາຫີນ…… ຄະນະພວກເຮົາຍັງເຫັນຄູ່ແຕ່ງງານໃໝ່ຫຼາຍຄູ່ມາທ່ຽວແລະຖ່າຍຮູບຢູ່ແຫ່ງນີ້.ບັນຍາກາດເຢັນສະບາຍ ງຽບສະຫງົບ,ໃຜຢາກຫຼີກຄວາມສັບສົນວຸ້ນວາຍຂອງຕົວເມືອງຕ້ອງມາທີ່ນີ້,ແລ້ວຈະບໍ່ຜິດຫວັງ.ພວກເຮົາເພີດເພິ່ນກັບການຍ່າງຕາມທາງຫີນກວ້າງປະມານ 1 ແມັດແລາະລຽບໄປຕາມພູຜາປ່າໄມ້ ນ້ຳຕົກແລະໜອງບຶງ ຂຶ້ນໆລົງໆປະມານເກືອບ 2 ຊົ່ວໂມງຈຶ່ງລາຈາກ,ເບິ່ງແຕ່ລະຄົນບີບກ້ອງແບບບໍ່ຢ້ານຟີມໝົດເລີຍ.
ເຖິງຕອນບ່າຍ,ກໍ່ລຸຍທ່ຽວຕໍ່ທີ່ເມືອງບູຮານ"ຊິ່ງອານ"ທີ່ມີປະຫວັດເກົ່າແກ່ເກືອບ 1 ພັນປີ,ແຕ່ປະຊາຊົນໃນເມືອງນີ້ຍັງຮັກສາເຮືອນຊານບ້ານຊ່ອງວັດວາອາຮາມ;ກຳແພງເມືອງແລະວິຖີດຳລົງຊີວິດໄວ້ໄດ້ດີອີ່ຫຼີ.ພວກເຮົາຍ່າງເລາະລຽບໄປມາຕາມທາງຫີນກວ້າງປະມານສອງແມັດປະທັບໃຈກັບສິ່ງບູຮານເຫຼົ່ານີ້ຄືກັບພວກເຮົາໄດ້ຍ້ອນອະດີດຄືນໄປຫຼາຍຮ້ອຍປີ,ເຮືອນແຕ່ລະຫຼັງຍັງມີປະຊາຊົນອາໄສຢູ່,ມີການຂາຍອາຫານພື້ນເມືອງແລະຂອງທີ່ລະລຶກຕາມສອງຟາກທາງຍ່າງ;ວິຖີຊີວິດແບບລຽບງ່າຍ.ເມືອງເກົ່ານີ້ຫ່າງຈາກໃຈກາງນະຄອນກຸ້ຍຢາງອອກໄປ 24 ກິໂລແມັດ.ມື້ນີ້ພວກເຮົາປິດທ້າຍການທ່ຽວດ້ວຍການຊິມອາຫານພື້ນເມືອງຢູ່ຮ້ານອາຫານໃນເຂດເມືອງເກົ່າທີ່ປົກຄຸມໄປດ້ວຍບັນຍາກາດແບບບູຮານແທ້ໆຈົນຮອດ 21 ໂມງຈິ່ງເດີນທາງກັບເຖິງໂຮງແຮມ.ຍອມຮັບວ່າເມື່ອຍແຕ່ຄຸ້ມຄ່າອີ່ຫຼີສຳລັບມື້ນີ້.
ຍ້ອນພວກເຮົາມີເວລາຢູ່ກຸ້ຍຢາງໜ້ອຍຄືພຽງແຕ່ 4 ຄືນ 5 ມື້ເທົ່ານັ້ນ,ສະນັ້ນ,ຕາຕະລາງທ່ຽວຈຶ່ງແໜ້ນອັດເລີຍ,ແຕ່ລະມື້ອອກໂຮງແຮມແຕ່ 7 ໂມງ 30 ຈົນຮອດ 20 ໂມງຫຼື 21 ໂມງພຸ້ນລະຈຶ່ງໄດ້ກັບຮອດໂຮງແຮມ.ເຈົ້າພາບພະຍາຍາມໃຫ້ຄະນະນັກຂ່າວຕ່າງປະເທດ CRI ພວກເຮົາໄດ້ສຳຜັດວິຖີຊີວິດຂອງຊາວກຸ້ຍຢາງໃນແຕ່ລະດ້ານຫຼາຍເທົ່າໃດຍິ່ງດີ,ສະນັ້ນ,ມື້ນີ້ຈຶ່ງເລີ່ມຕົ້ນປັ້ນເຂົ້າເຊົ້າຢູ່ທີ່ຮ້ານໝີ່ດັງທີ່ສຸດຂອງເມືອງ,ນັ້ນກໍ່ຄືຮ້ານໝີ່ຕະກູນຫຼິວ"shui xiao Liu Ji chang wang mian"ຫຼືຈະເອີ້ນວ່າຮ້ານເຝີກໍ່ໄດ້ຄືກັນ,ຮ້ານນີ້ຕັ້ງຢູ່ແຄມຖະໜົນຊື່ດັງໃຈກາງເມືອງກຸ້ຍຢາງນັ້ນກໍ່ຄືຖະໜົນປາວຊ່ານໜານລູ້（BaoShanNanLu）ທີ່ຮົ່ມເຢັນໄປດ້ວຍຮົ່ມໄມ້ຕະຫຼອດທັງແຄມສອງຟາກກໍ່ຄືຄັນຄູກາງຖະໜົນ,ເຈົ້າຂອງຮ້ານໃຈດີ,ການປຸງແຕ່ງຫຼືແມ່ຄົວແລະພະນັກງານບໍລິການກໍ່ໃສ່ໝວກຂາວສຸມຫົວ,ອັດປາກປານແພດ,ເບິ່ງແລ້ວກໍ່ຮູ້ສຶກໝັ້ນໃຈໃນຄວາມສະອາດ;ຮ້ານເຝີນີ້ເປັນຊັ້ນດຽວ,ເບິ່ງໂຕະຕັ່ງແລ້ວກໍ່ບັນຈຸລູກຄ້າໄດ້ປະມານ 100 ກວ່າຄົນໃນພາບດຽວ,ຄົນເຂົ້າໆອອກໆເຕັມເກືອບຕະຫຼອດ.ໝີ່ຂອງເພິ່ນເປັນໝີ່ເສັ້ນເຫຼືອງນ້ອຍ;ນ້ຳແກງແຊບນົວດີ,ຫູບເຂົ້າໄປມີແຮງທ້ອງຍ່າວໆ;ປະສົມປະສານໃນຖ້ວຍໝີ່ທີ່ໃຫຍ່ເຕີບນີ້ກໍ່ມີໃສ້ອ່ອນໝູ,ຕ່ອນຕົ້ມເລືອດ,ຄຽບໝູ,ເຕົ້າຮູ້,ຖົ່ວງອກແລະຜັກຫອມ,ແຖມດ້ວຍໄຂ່ອີກໜ່ວຍໜຶ່ງບັກໃຫຍ່,ສະບາຍທ້ອງຕອນເຊົ້າແລ້ວ,ລົດບັສຂອງເຈົ້າພາບກໍ່ພາພວກເຮົາມຸ້ງໜ້າສູ່ເຂດເມືອງໃໝ່"ຈີ່ນຢາງ"ທີ່ຫ່າງຈາກໃຈກາງນະຄອນກຸ້ຍຢາງປະຈຸບັນນີ້ເຖິງ 20 ກວ່າກິໂລແມັດ,ເມື່ອໄປຮອດສຳນັກປົກຄອງຂອງນະຄອນກຸ້ຍຢາງທີ່ຕັ້ງຢູ່ເຂດເມືອງໃໝ່ນີ້ຈຶ່ງເຫັນວ່າການອອກແບບຜັງເຂດເມືອງໃໝ່ດີຫຼາຍ,ຖະໜົນຫົນທາງກວ້າງຂວາງໃຫຍ່ໂຕມະໂຫລານທັນສະໄໝ;ຕຶກອາຄານກໍ່ເບິ່ງແລ້ວຮູ້ສຶກແໜ້ນໜາທັນສະໄໝຄືກັນແລະທີ່ສຳຄັນແມ່ນເນັ້ນໜັກຄວາມຂຽວຂອງຕົ້ນໄມ້ໃບຫຍ້າ,ຢູ່ອ້ອມຮອບຫຼືໃກ້ໆກໍ່ມີພູນ້ອຍຕ່ຳສະລັບກັບຕຶກອາຄານ,ເບິ່ງແລ້ວກວ້າງຂວາງສະບາຍຕາບໍ່ແອອັດຫຼາຍຄືໃຈກາງເມືອງປະຈຸບັນ,ອົງການປົກຄອງສ້າງເຂດໃໝ່ຂຶ້ນມາກໍ່ເພື່ອລະບາຍພົນລະເມືອງ 3 ລ້ານ 5 ແສນຄົນຂອງນະຄອນກຸ້ຍຢາງໃຫ້ຂະຫຍັບຂະຫຍາຍອອກມານອກຕື່ມ(ແຂວງກຸ້ຍໂຈ່ວມີພົນລະເມືອງ 35 ລ້ານກວ່າຄົນ,ມີເນື້ອທີ່ 176000 ກິໂລຕາແມັດ).ສຳລັບຫ້ອງການປົກຄອງຂອງນະຄອນກຸ້ຍຢາງຢູ່ເຂດເມືອງໃໝ່ນີ້ໃຫຍ່ໂຕທັນສະໄໝຫຼາຍ,ທາງໃນຕຶກກໍ່ເນັ້ນຄວາມຂຽວຂອງໄມ້ປະດັບນາໆພັນ,ໄປໃສກໍ່ຮູ້ສຶກສະບາຍຫູສະບາຍຕາອີ່ຫຼີ.ພວກເຮົາໄປເຖິງແລ້ວ,ຄະນະປົກຄອງກໍ່ຕ້ອນຮັບຢ່າງອົບອຸ່ນ;ທ່ານຈຽງຊິ່ງເຟິງທີ່ເປັນຄະນະກຳມະການປະຈຳຂອງນະຄອນກຸ້ຍຢາງກໍ່ຕ້ອນຮັບຢ່າງອົບອຸ່ນ,ແຈ້ງສະພາບໂດຍຫຍໍ້ຂອງການພັດທະນາໃນແຕ່ລະດ້ານຂອງນະຄອນກຸ້ຍຢາງໃຫ້ຟັງພ້ອມທັງຕອບຄຳຖາມຂອງພວກເຮົາຢ່າງເປັນກັນເອງ;ທ່ານກໍ່ບອກວ່າ,ການພັດທະນາຕ້ອງໄປຄຽງຄູ່ກັບການອະນຸລັກສິ່ງແວດລ້ອມ;ພັດທະນາສົ່ງເສີມກຸ້ຍຢາງໃຫ້ເປັນເມືອງທ່ອງທ່ຽວທາງທຳມະຊາດ ປະຫວັດສາດແລະວັດຖຸບູຮານ.ຄົນກຸ້ຍຢາງພູມໃຈຫຼາຍທີ່ໄດ້ຖືກຂະໜານນາມວ່າ"ເມືອງຕາກອາກາດໃນລະດູຮ້ອນທີ່ດີທີ່ສຸດຂອງຈີນ".ຫຼັງຈາກນັ້ນ,ເຈົ້າພາບກໍ່ພາພວກເຮົາໄປເບິ່ງຜັງຕົວເມືອງໃໝ່ຈຳລອງທີ່ແບ່ງອອກເປັນ 8 ເຂດແຕກຕ່າງກັນ,ເຂດສຳນັກປົກຄອງ,ເຂດມະຫາວິທະຍາໄລ ສະຖາບັນ ໂຮງຮຽນສຳຄັນຕ່າງໆ,ເຂດຄຸ້ມຊຸມຊົນແລະເຂດອື່ນໆ,ແຕ່ເບິ່ງແລ້ວຢູ່ເຂດໃຈກາງເມືອງໃໝ່ມີສວນສາທາລະນະ 2 ເຂດໃຫຍ່;ເບິ່ງຜັງເມືອງໃໝ່ແລ້ວ,ຜູ້ຂຽນຮູ້ສຶກອິດສາປະຊາຊົນກຸ້ຍຢາງແທ້ໆທີ່ໄດ້ຢູ່ເມືອງທີ່ທັງກວ້າງໃຫຍ່ທັນສະໄໝແລະຂຽວອຸ່ມທຸ່ມ.
ເມືອງນີ້ເລີ່ມລົງມືສ້າງມາແຕ່ປີ 2001,ຄາດວ່າຈະສຳເລັດແທ້ໆໃນປະມານປີ 2015 ຫາ 2020,ຈະຮອງຮັບປະຊາຊົນໄດ້ຫຼາຍກວ່າ 5 ແສນຄົນ,ຈະມີເນື້ອທີ່ເຖິງ 17 ລ້ານຕາແມັດ,ດຽວນີ້,ການກໍ່ສ້າງສຳເລັດໄປແລ້ວເກືອບ 20%.
ຕໍ່ຈາກນັ້ນ,ພວກເຮົາກໍ່ໄປຊົມຫໍວາງສະແດງເຄື່ອງນຸ່ງແລະເຄື່ອງມືຮັບໃຊ້ຊີວິດການເປັນຢູ່ຂອງຊົນເຜົ່າມົ້ງທີ່ເປັນຊົນເຜົ່າສ່ວນນ້ອຍທີ່ມີຈຳນວນພົນລະເມືອງຫຼາຍກວ່າໝູ່ຂອງແຂວງກຸ້ຍໂຈ່ວ,ກໍ່ຄືເມືອງກຸ້ຍຢາງ,ນີ້ກໍ່ຄືຜົນງານການທ້ອນໂຮມສະສົມມາເປັນເວລາຫຼາຍກວ່າ 30 ປີຂອງທ່ານເສິງຊ່ຽນຢາງ(Zeng Xianyang) ຄົນເຜົ່າຮ້ານທີ່ຫຼົງໄຫຼໃນສະເໜ່ຂອງວິຖີການດຳລົງຊີວິດຂອງຊົນເຜົ່າມົ້ງໃນທົ່ວແຂວງກຸ້ຍໂຈ່ວ;ປະຈຸບັນ,ລູກສາວຂອງເພິ່ນຄືນາງເສີງລີ້(Zeng Li) ຄົນງາມກໍ່ຍັງເປັນຜູ້ພາແຂກສຳຄັນທ່ຽວຊົມຫໍວາງສະແດງແຫ່ງນີ້ດ້ວຍພາສາອັງກິດ;ນາງບອກວ່າ,ຢາກໃຫ້ຊາວໂລກໄດ້ຮູ້ປະຫວັດ ວັດທະນະທຳ ການດຳລົງຊີວິດຂອງຊົນເຜົ່າມົ້ງ.ເຄື່ອງວາງສະແດງໃນຫໍແຫ່ງນີ້ມີຫຼາຍເຖິງ 5 ພັນກວ່າຊະນິດ,ບໍ່ວ່າຈະເປັນເຄື່ອງນຸ່ງຊົນເຜົ່າ,ແຜ່ນແພລວດລາຍສີສັນຂອງເຜົ່າມົ້ງເກົ່າໆໃນອະດີດຈົນຮອດປະຈຸບັນ,ເຄື່ອງມືຕ່ຳແຜ່ນ,ເຄື່ອງມືຫາກິນແລະຮີດຄອງປະເພນີ.ຫຼັງຈາກນັ້ນ,ຄະນະພວກເຮົາໄດ້ໄປເຂດທິວທັດທຳມະຊາດທີ່ສວຍງາມວິຈິດພິດສະດານ"ຮ່ວງຊີ່"ຢູ່ບ່ອນນີ້ທຳມະຊາດໂລແມນຕິກອີ່ຫຼີ,ເຂົ້າໄປທ່ຽວຢູ່ສວນນີ້ທ່ານຈະເຫັນທັງຄວາມຂຽວງາມຂອງປ່າໄມ້ ຄວາມອຸດົມສົມບູນຂອງລະບົບນິເວດວິທະຍາ ແມງໄມ້ ແມງກະເບື້ອ,ນ້ຳຕົກ,ໜອງໃຫຍ່,ພູຜາຫີນ…… ຄະນະພວກເຮົາຍັງເຫັນຄູ່ແຕ່ງງານໃໝ່ຫຼາຍຄູ່ມາທ່ຽວແລະຖ່າຍຮູບຢູ່ແຫ່ງນີ້.ບັນຍາກາດເຢັນສະບາຍ ງຽບສະຫງົບ,ໃຜຢາກຫຼີກຄວາມສັບສົນວຸ້ນວາຍຂອງຕົວເມືອງຕ້ອງມາທີ່ນີ້,ແລ້ວຈະບໍ່ຜິດຫວັງ.ພວກເຮົາເພີດເພິ່ນກັບການຍ່າງຕາມທາງຫີນກວ້າງປະມານ 1 ແມັດແລາະລຽບໄປຕາມພູຜາປ່າໄມ້ ນ້ຳຕົກແລະໜອງບຶງ ຂຶ້ນໆລົງໆປະມານເກືອບ 2 ຊົ່ວໂມງຈຶ່ງລາຈາກ,ເບິ່ງແຕ່ລະຄົນບີບກ້ອງແບບບໍ່ຢ້ານຟີມໝົດເລີຍ.
ເຖິງຕອນບ່າຍ,ກໍ່ລຸຍທ່ຽວຕໍ່ທີ່ເມືອງບູຮານ"ຊິ່ງອານ"ທີ່ມີປະຫວັດເກົ່າແກ່ເກືອບ 1 ພັນປີ,ແຕ່ປະຊາຊົນໃນເມືອງນີ້ຍັງຮັກສາເຮືອນຊານບ້ານຊ່ອງວັດວາອາຮາມ;ກຳແພງເມືອງແລະວິຖີດຳລົງຊີວິດໄວ້ໄດ້ດີອີ່ຫຼີ.ພວກເຮົາຍ່າງເລາະລຽບໄປມາຕາມທາງຫີນກວ້າງປະມານສອງແມັດປະທັບໃຈກັບສິ່ງບູຮານເຫຼົ່ານີ້ຄືກັບພວກເຮົາໄດ້ຍ້ອນອະດີດຄືນໄປຫຼາຍຮ້ອຍປີ,ເຮືອນແຕ່ລະຫຼັງຍັງມີປະຊາຊົນອາໄສຢູ່,ມີການຂາຍອາຫານພື້ນເມືອງແລະຂອງທີ່ລະລຶກຕາມສອງຟາກທາງຍ່າງ;ວິຖີຊີວິດແບບລຽບງ່າຍ.ເມືອງເກົ່ານີ້ຫ່າງຈາກໃຈກາງນະຄອນກຸ້ຍຢາງອອກໄປ 24 ກິໂລແມັດ.ມື້ນີ້ພວກເຮົາປິດທ້າຍການທ່ຽວດ້ວຍການຊິມອາຫານພື້ນເມືອງຢູ່ຮ້ານອາຫານໃນເຂດເມືອງເກົ່າທີ່ປົກຄຸມໄປດ້ວຍບັນຍາກາດແບບບູຮານແທ້ໆຈົນຮອດ 21 ໂມງຈິ່ງເດີນທາງກັບເຖິງໂຮງແຮມ.ຍອມຮັບວ່າເມື່ອຍແຕ່ຄຸ້ມຄ່າອີ່ຫຼີສຳລັບມື້ນີ້.
ຂ່າວ-ບົດທີ່ກ່ຽວຂ້ອງ
ຄຳເຫັນ
