ຈີນປະກາດແຜນການລວມຂອງການສ້າງສາຄືນໃໝ່ຫຼັງໄພແຜ່ນດິນໄຫວ ເມືອງເວິ້ນຊວນ
-----------------------------------------------------------------------------------------------------------------
ຕາມຂ່າວສານຊິນຮວາ: ຕາມເວບໄຊທາງການຂອງຈີນ ທີ່ປະກາດໃນ ວັນທີ 23ກັນຍານີ້ ກ່ຽວກັບແຜນການລວມ ຂອງການສ້າງສາຄືນໃໝ່ຫຼັງໄພ ແຜ່ນດິນໄຫວ ເມືອງເວິ້ນຊວນ, ຈີນວາງແຜນໄວ້ໃນໄລຍະປະມານ 3ປີ, ໃຊ້ງົບປະມານທັງໝົດ 1ພັນຕື້ຢວນໃຫ້ສຳເລັດວຽກງານສ້າງສາຄືນໃໝ່ຫຼັງ ໄພແຜ່ນດິນໄຫວໃນເຂດທີ່ໄດ້ຮັບຜົນກະທົບໜັກໃນແຂວງເສສວນ, ແຂວງ ກ່ານຊູ້, ແຂວງສານຊີ່, ເຮັດໃຫ້ພື້ນຖານການດຳລົງຊີວິດ ແລະການພັດທະ ນາເສດຖະກິດສັງຄົມ ຂອງເຂດປະສົບໄພ ບັນລຸ ຫຼືເຫນືອກວ່າລະດັບກ່ອນເກີດໄພແຜ່ນດິນໄຫວ,ພະຍາຍາມກໍ່ສ້າງເຂດປະສົບໄພໃຫ້ເປັນຄອບຄົວໃໝ່ທີ່ມີແຕ່ຄວາມຜາສຸກ, ມີສິ່ງແວດລ້ອມທີ່ດີ, ປອດໄພແລະກົມກຽວກັນ.
ໃນ ໄລ ຍະຮ່າງແຜນການພາກສ່ວນທີ່ກ່ຽວຂ້ອງໄດ້ຈັດຕັ້ງນັກວິຊາການ ລົງສຳຫຼວດຢູ່ສະຖານທີ່ກ່ຽວຂ້ອງ, ພ້ອມທັງນຳເອົາ ແຜນການຂໍຄວາມຄິດຄວາມເຫັນ ຖະແຫຼງຕໍ່ພາຍໃນ ແລະຕ່າງປະເທດຢ່າງເປັນທາງການ ເພື່ອຂໍຄວາມເຫັນຢ່າງກວ້າງຂວາງແລະຮັບເອົາຄຳຄິດຄຳເຫັນ ແລະຄຳສະເໜີຢ່າງຫຼວງຫຼາຍ.