ເຫດການຈະລາຈົນຢູ່ບາງກອກເຮັດໃຫ້380ກວ່າຄົນເສຍຊີວິດແລະບາດເຈັບ
-----------------------------------------------------------------------------------------------------------------
ຕາມຂ່າວCRI,ຕາມສະຖິຕິຂອງສູນປິ່ນປົວສຸກເສີນນະຄອນບາງກອກ,ນັບມາຮອດເວລາ21ໂມງວັນທີ7ຕຸລານີ້,ເຫດການຈະລາຈົນທີ່ເກີດຂຶ້ນຢູ່ບາງກອກໃນມື້ດຽວກັນໄດ້ເຮັດໃຫ້381ຄົນບາດເຈັບ,ນອກນີ້,ມີ2ຄົນເສຍຊີວິດ.
ໂຄສົກຂອງຝ່າຍທະຫານໄທກ່າວວ່າ,ໂດຍຕອບສະໜອງຕາມຄຳຮ້ອງຂໍຂອງຝ່າຍຕຳຫຼວດ,ຝ່າຍກອງທັບໄທໄດ້ສົ່ງທະຫານ6ກອງຮ້ອຍໄປປົກປ້ອງພາກສ່ວນທີ່ສຳຄັນ,ນອກນີ້,ມີກອງຮ້ອຍອີກ30ກອງໄດ້ກຽມພ້ອມແລ້ວຈະຮັບມືກັບກໍລະນີສຸກເສີນໃນທຸກເວລາ.
ເມື່ອໄດ້ປະທະກັນແບບນອງເລືອດເປັນເວລາມື້ໜຶ່ງ, ໃນຕອນຄ່ຳວັນທີ7ຕຸລານີ້,ຜູ່ສະໜັບສະໜູນກຸ່ມພັນທະມິດປະຊາຊົນເພື່ອປະຊາທິປະໄຕໄດ້ຖອນອອກຈາກເຂດປະທະກັນທີ່ມໍ່ກັບເດີ່ນຂອງລັດຖະສະພາແລ້ວກັບຄືນຮອດສຳນັກນາຍົກລັດຖະມົນຕີທີ່ເປັນບ່ອນທີ່ເຂົາເຈົ້າສະແດງກຳລັງ,ແລະຍັງມີຜູ່ສະໜັບສະໜູນກຸ່ມພັນທະມິດປະຊາຊົນເພື່ອປະຊາທິປະໄຕເດີນທາງມາເຂົ້າຮ່ວມຕາມໆກັນ.
