ມູນຄ່າການຄ້າຈີນອາຟຼິກາໃນປີ2008ສ້າງສະຖິຕິສູງສຸດທາງປະຫວັດສາດ
(GMT+08:00) 2009-01-19 18:34:51 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວສານຊີນຮວາ: ວັນທີ 19 ມັງກອນນີ້, ທ່ານເສີນເຕີມິງ ລັດຖະມົນຕີວ່າການກະຊວງການຄ້າຈີນທີ່ໄປຢາມອັງໂກລາກ່າວວ່າ, ມູນຄ່າການຄ້າຈີນອາຟຼິກາໃນປີ 2008 ບັນລຸເຖິງ 106 ຕື້ 800 ລ້ານໂດລາສະຫະລັດ, ສ້າງສະຖິຕິສູງສຸດໃນປະຫວັດສາດ.
ທ່ານເສີນເຕີມີງກ່າວວ່າ, ປີ 2000, ມູນຄ່າການຄ້າຈີນອາຟຼິກາໄດ້ຫຼາຍກວ່າ 10 ຕື້ໂດລາເປັນຄັ້ງທຳອິດ, ຫຼັງຈາກນັ້ນ ໄດ້ຮັກສາການເຕີບໂຕ 30% ຂຶ້ນໄປ 8 ປີລຽນຕິດ, ໂດຍສະເພາະແມ່ນໃນຫຼາຍປີມານີ້, ການຮ່ວມມືເສດຖະກິດການຄ້າລະຫວ່າງຈີນກັບອາຟຼິກາໄດ້ພັດທະນາຢ່າງວ່ອງໄວ. ພ້ອມກັນນັ້ນ, ການລົງທຶນຂອງຈີນຕໍ່ອາຟຼິກາກໍ່ໄດ້ພັດທະນາຢ່າງໝັ້ນທ່ຽງ.
ທ່ານເສີນເຕີມີງກ່າວວ່າ, ໃນພາຍໜ້າ, ລັດຖະບານຈີນຈະອອກແຮງຂະຫຍາຍການຮ່ວມມືເສດຖະກິດການຄ້າກັບອາຟຼິກາໃນ 4 ດ້ານຄື:ໜຶ່ງ, ສືບຕໍ່ເປີດກວ້າງຂະໜາດການຄ້າຈີນອາຟຼິກາ, ຈີນຈະເປີດກວ້າງການນຳເຂົ້າຈາກອາຟຼິກາຢ່າງມີເປົ້າໝາຍ; ສອງ, ຈີນຈະນຳໃຊ້ມາດຕະການຕ່າງໆເຊັ່ນກອງທຶນພັດທະນາຈີນອາຟຼິກາແລະເຂດຮ່ວມມືເສດຖະກິດການຄ້າຢູ່ຕ່າງປະເທດເປັນຕົ້ນ, ສະໜັບສະໜູນວິສາຫະກິດຈີນເປີດກວ້າງການລົງທຶນຢູ່ອາຟຼິກາ; ສາມ, ສືບຕໍ່ເປີດກວ້າງການຊ່ວຍເຫຼືອອາຟຼິກາ, ຈີນຈະສືບຕໍ່ໃຫ້ຄວາມຊ່ວຍເຫຼືອຕາມຄວາມສາມາດເຮັດໄດ້ແລະບໍ່ມີເງື່ອນໄຂການເມືອງໃດໆນັ້ນໃຫ້ປະເທດອາຟຼິກາ; ສີ່, ເສີມຂະຫຍາຍບົດບາດສຳຄັນຂອງວິສາຫະກິດຢູ່ໃນຕະຫຼາດ, ສ້າງເວທີທີ່ບັງເກີດຜົນໃຫ້ວິສາຫະກິດສອງຝ່າຍດຳເນີນການຮ່ວມມືກັນ, ເພີ່ມທະວີການບໍລິການໃຫ້ແກ່ການຮ່ວມມືຂອງວິສາຫະກິດ.
ທ່ານເສີນເຕີມີງກ່າວວ່າ, ປີ 2000, ມູນຄ່າການຄ້າຈີນອາຟຼິກາໄດ້ຫຼາຍກວ່າ 10 ຕື້ໂດລາເປັນຄັ້ງທຳອິດ, ຫຼັງຈາກນັ້ນ ໄດ້ຮັກສາການເຕີບໂຕ 30% ຂຶ້ນໄປ 8 ປີລຽນຕິດ, ໂດຍສະເພາະແມ່ນໃນຫຼາຍປີມານີ້, ການຮ່ວມມືເສດຖະກິດການຄ້າລະຫວ່າງຈີນກັບອາຟຼິກາໄດ້ພັດທະນາຢ່າງວ່ອງໄວ. ພ້ອມກັນນັ້ນ, ການລົງທຶນຂອງຈີນຕໍ່ອາຟຼິກາກໍ່ໄດ້ພັດທະນາຢ່າງໝັ້ນທ່ຽງ.
ທ່ານເສີນເຕີມີງກ່າວວ່າ, ໃນພາຍໜ້າ, ລັດຖະບານຈີນຈະອອກແຮງຂະຫຍາຍການຮ່ວມມືເສດຖະກິດການຄ້າກັບອາຟຼິກາໃນ 4 ດ້ານຄື:ໜຶ່ງ, ສືບຕໍ່ເປີດກວ້າງຂະໜາດການຄ້າຈີນອາຟຼິກາ, ຈີນຈະເປີດກວ້າງການນຳເຂົ້າຈາກອາຟຼິກາຢ່າງມີເປົ້າໝາຍ; ສອງ, ຈີນຈະນຳໃຊ້ມາດຕະການຕ່າງໆເຊັ່ນກອງທຶນພັດທະນາຈີນອາຟຼິກາແລະເຂດຮ່ວມມືເສດຖະກິດການຄ້າຢູ່ຕ່າງປະເທດເປັນຕົ້ນ, ສະໜັບສະໜູນວິສາຫະກິດຈີນເປີດກວ້າງການລົງທຶນຢູ່ອາຟຼິກາ; ສາມ, ສືບຕໍ່ເປີດກວ້າງການຊ່ວຍເຫຼືອອາຟຼິກາ, ຈີນຈະສືບຕໍ່ໃຫ້ຄວາມຊ່ວຍເຫຼືອຕາມຄວາມສາມາດເຮັດໄດ້ແລະບໍ່ມີເງື່ອນໄຂການເມືອງໃດໆນັ້ນໃຫ້ປະເທດອາຟຼິກາ; ສີ່, ເສີມຂະຫຍາຍບົດບາດສຳຄັນຂອງວິສາຫະກິດຢູ່ໃນຕະຫຼາດ, ສ້າງເວທີທີ່ບັງເກີດຜົນໃຫ້ວິສາຫະກິດສອງຝ່າຍດຳເນີນການຮ່ວມມືກັນ, ເພີ່ມທະວີການບໍລິການໃຫ້ແກ່ການຮ່ວມມືຂອງວິສາຫະກິດ.
ຂ່າວ-ບົດທີ່ກ່ຽວຂ້ອງ
ຄຳເຫັນ
