ສາລະໜ້າຮູ້: ວິທີປະສົມອາຫານທີ່ມີທາດບຳລຸງຫຼາຍກວ່າເກົ່າ
-----------------------------------------------------------------------------------------------------------------
ທີ່ນີ້, ວິທະຍຸສາກົນແຫ່ງປະເທດຈີນ, ສະບາຍດີທ່ານຜູ້ຟັງທີ່ໂຄລົບ, ຍິນດີຕ້ອນຮັບທ່ານເຂົ້າສູ່ລາຍການສາລະໜ້າຮູ້. ໂພຊະນາການແມ່ນວິທະຍາສາດທີ່ກ່ຽວກັບທາດບຳລຸງໃນອາຫານ. ຖ້າວ່າທ່ານຊອກຮູ້ໃນວັດຈະນານຸກົມອັງກິດກ່ຽວກັບສັບທີ່ວ່າໂພຊະນາການ ຫຼື Nutrition, ຄວາມໝາຍຢ່າງໜຶ່ງຂອງຄຳສັບນີ້ກໍແມ່ນ: ວິທີປະສົມອາຫານທີ່ມີທາດບຳລຸງຫຼາຍທີ່ສຸດ, ເພື່ອສ້າງປະໂຫຍດໃຫ້ແກ່ຮ່າງກາຍຄົນເຮົາໃຫ້ດີທີ່ສຸດ. ສະນັ້ນ, ໃນລາຍການມື້ນີ້, ພວກເຮົາຈະແນະນຳວິທີປະສົມອາຫານທີ່ມີທາດບຳລຸງຫຼາຍກວ່າເກົ່າສູ່ທ່ານຟັງ.
ເມື່ອສັງເກດຈາກທັດສະນະດ້ານໂພຊະນາການຍຸກປະຈຸບັນແລ້ວເຫັນວ່າ, ຖ້າວ່າເອົາອາຫານສອງເຍື່ອງຫຼືວ່າສອງເຍື່ອງຂຶ້ນໄປມາປະສົມກັນໃຫ້ດີແລະຖືກຕ້ອງ, ກໍ່ຈະມີທາດບຳລຸງຫຼາຍຂຶ້ນ, ແລະເປັນປະໂຫຍດຫຼາຍທີ່ສຸດຕໍ່ສຸຂະພາບຂອງຄົນເຮົາ.
ເອົາໝາກງາແລະແໜທະເລມາຕົ້ມໃສ່ກັນ, ສາມາດເສີມຄວາມງາມແລະເຮັດໃຫ້ເຮົາບໍ່ເຖົ້າງ່າຍ. ເພາະວ່າໝາກງາເຮັດໃຫ້ເລືອດໝູນວຽນດີກວ່າເກົ່າ, ເຮັດໃຫ້ການຂັບຖ່າຍອັນເກົ່າເພີ່ມເຕີມອັນໃໝ່ໃນຮ່າງກາຍໄວຂຶ້ນ, ຍັງມີສັບພະຄຸນປັບທາດປູນໃນຮ່າງກາຍ, ໃນນັ້ນວິຕາມິນEກໍສາມາດເຮັດໃຫ້ເຮົານານເຖົ້າ. ໃນແໜທະເລມີທາດການຊີອົມແລະທາດອີອົດ, ສາມາດຟອກເລືອດໃຫ້ສະອາດກວ່າເກົ່າ, ຊຸກຍູ້ໃຫ້ມີນ້ຳໃນຕ່ອມຄໍທີ່ເປັນປະໂຫຍດຕໍ່ຮ່າງກາຍ. ສະນັ້ນຖ້າເອົາສອງອັນນີ້ມາຕົ້ມປະສົມກັນ, ຈະມີທາດບຳລຸງຫຼາຍກວ່າເກົ່າ.
ຊີ້ນແກະໃສ່ຂີງ: ຊີ້ນແກະມີຜົນດີຕໍ່ການບຳລຸງຮ່າງກາຍຂອງຜູ່ຊາຍ,ຊ່ວຍໃຫ້ຮ່າງກາຍອົບອຸ່ນ,ຫຼຸດຜ່ອນຄວາມໜາວໄດ້,ຖ້າເອົາຊີ້ນແກະກັບຂີງມາແຕ່ງນຳກັນ,ຈະສາມາດຮັກສາຄວາມອົບອຸ່ນໄດ້ດີ,ພ້ອມກັນນັ້ນຍັງສາມາດຂັບໄລ່ພະຍາດບາດເຍົາຕ່າງໆ ແລະເຈັບທ້ອງໄດ້.
ປາຝາໃສ່ນ້ຳເຜີ້ງ: ບໍ່ພຽງແຕ່ແຊບດີເທົ່ານັ້ນ,ຍັງມີທາດບຳລຸງຫຼາຍຢ່າງ ເຊັ່ນທາດໂປຼຕິນອັນອຸດົມສົມບູນ,ໄຂມັນ,ວິຕາມິນຫຼາຍຊະນິດ,ແລະມີຊີລິຊິດເປັນຕົ້ນ.ສົມວ່າເປັນຢາດີທີ່ສ້າງຄວາມເຂັ້ມແຂງໃຫ້ແກ່ຮ່າງກາຍອີ່ຫຼີ,ແລະມີຜົນດີຕໍ່ການປົວພະຍາດຫົວໃຈ,ປົວພະຍາດລຳໄສ້ ,ປົວເຈັບກະເພາະແລະພະຍາດເລືອດຈາງ.ນອກນັ້ນ,ຍັງສາມາດຊຸກຍູ້ການເຕີບໂຕຂອງຮ່າງກາຍແລະປ້ອງກັນບໍ່ໃຫ້ເຖົ້າໄວ.
ຊີ້ນເປັດໃສ່ມັນປ່າ,ຊີ້ນເປັດແກ່ສາມາດເພີ່ມທາດນ້ຳໃຫ້ແກ່ຮ່າງກາຍ,ມີຜົນດີຕໍ່ຮ່າງກາຍຂອງຜູ່ຍິງ,ແລະຍັງແກ້ຮ້ອນໃນແລະແກ້ໄອ້ໄດ້.ມັນປ່າບຳລຸງທາດລົບຂອງຮ່າງກາຍ,ກິນກັບຊີ້ນເປັດ,ສາມາດແກ້ຄວາມມັນແລະບຳລຸງປອດ.
ປາໄນໃສ່ນ້ຳສົ້ມທີ່ເຮັດດ້ວຍເຂົ້າ: ປາໄນມີບົດບາດໃນການລະບາຍນ້ຳບໍ່ໃຫ້ເປັນບວມ,ຮ່າງກາຍຂອງຄົນເປັນບວມ,ເວັ້ນເສຍແຕ່ອັກເສບໝາກໄຂ່ຫຼັງແລ້ວ,ສ່ວນຫຼາຍແມ່ນເປັນບວມປະເພດມີທາດນ້ຳຫຼາຍໃນຮ່າງກາຍ,ນ້ຳສົ້ມທີ່ເຮັດດ້ວຍເຂົ້າມີຜົນດີຕໍ່ການປົວພະຍາດເປັນບວມທີ່ມີທາດນ້ຳໃນຮ່າງກາຍຫຼາຍ,ຄັນກິນປາໄນກັບນ້ຳສົ້ມ,ຈະມີປະສິດທິພາບສູງກວ່າເປັນເທົ່າໃນການກຳຈັດທາດນ້ຳໃນຮ່າງກາຍ.
ຜັກຕີນເປັດກັບຕັບໝູ: ຕັບໝູແລະຜັກຕີນເປັດລ້ວນແຕ່ມີບົດບາດບຳລຸງເລືອດ, ທັງຊີ້ນແລະຜັກປະສົມກັນ, ມີຜົນພິເສດໃນການປິ່ນປົວພະຍາດເລືອດຈາງ.
ເຂົ້າຈ້າວກັບກາເຟ ຫຸງເຂົ້າຈ້າວໃຫ້ສຸກແລ້ວ ບົດເປັນຝຸ່ນ, ປົນກັບນ້ຳນົມ ນ້ຳຕານຊາຍກໍ່ກິນໄດ້ແລ້ວ, ເຂົ້າຈ້າວມີທາດບຳລຸງຫຼາຍ, ມີຜົນດີສົມຄວນໃນການປິ່ນປົວລິດສີດວງ ຍື່ງທ້ອງແລະເລືອດດັນສູງ; ກາເຟສາມາດກະຕຸ້ນປະສາດ, ປົນກັບເຂົ້າຈ້າວແລ້ວຈະມີລົດຊາດດີ.
ຊີ້ນງົບກັບມັນຝຣັ່ງ: ຊີ້ນງົວມີທາດບຳລຸງດີ, ແລະມີບົດບາດຮັກສາກະເພາະ. ແຕ່ຊີ້ນງົວບາງທີອາດຈະທຳລາຍເຍື່ອກະເພາະ, ຖ້າຕົ້ມພ້ອມກັບມັນຝຣັ່ງແລ້ວ, ບໍ່ພພຽງແຕ່ລົດຊາດແຊບເທົ່ານັ້ນ, ໃນມັນຝຣັ່ງຍັງມີວິຕາມິນຫຼາຍ, ສາມາດຮັກສາເຍື່ອກະເພາະ.
ຕົ້ນແປະຫະກັບໄຂ່ໄກ່: ມີບົດບາດບຳລຸງຫົວໃຈ. ສູດຢາພື້ນເມືອງຈີນເຫັນວ່າ, ແປະຫະມີບົດບາດກຳຈັດຂີ້ກະເທີ ຫຼຸດຜ່ອນຄວາມອ່ອນເພຍຂອງຮ່າງກາຍ, ສ່ວນໄຂ່ເຫຼືອງສາມາດຫຼຸດຜ່ອນຄວາມຮ້ອນ, ແລະບຳລຸງເລືອດ, ຖ້າປຸງແຕ່ງທັງສອງຢ່າງນີ້ປະສົມນ້ຳຕານຈະມີຜົນດີກວ່ານີ້ອີກ.
ຊີ້ນໝູໃສ່ຜັກທຽມ: ອີງຕາມການຄົ້ນຄວ້າ,ໃນຊີ້ນມີວິຕາມິນB,ສ່ວນວິຕາມິນBຈະຢູ່ໃນຮ່າງກາຍຄົນເຮົາໃນໄລຍະສັ້ນ,ສະນັ້ນໃນເວລາກິນຊີ້ນ ແລະມີຜັກທຽມໜ້ອຍໜຶ່ງ,ບໍ່ພຽງແຕ່ສາມາດເຮັດໃຫ້ວິຕາມິນBເພິ່ມຂຶ້ນຫຼາຍເທົ່າເທົ່ານັ້ນ,ຍັງສາມາດເຮັດໃຫ້ລັກສະນະລະລາຍໃນນ້ຳນັ້ນ ປ່ຽນເປັນລັກສະນະລະລາຍໃນນ້ຳມັນ,ຈິ່ງເຮັດໃຫ້ວິຕາມິນBຢູ່ໃນຮ່າງກາຍໄດ້ດົນກວ່າເກົ່າ,ອັນນີ້ສຳຄັນຫຼາຍຕໍ່ການບຳລຸງຮ່າງກາຍ ເຊັ່ນ,ເຮັດໃຫ້ເລືອດໝູນວຽນດີບໍ່ມັກເມື່ອຍ ແລະ ເຮັດໃຫ້ຮ່າງກາຍເຂັ້ມແຂງ.ສະນັ້ນ,ໃນເວລາກິນຊີ້ນ,ຢ່າລືມກິນຜັກທຽມນຳແດ່ໜ້ອຍໜຶ່ງ.
ເຕົ້າຮູໃສ່ຫົວຜັກກາດ:ໃນເຕົ້າຮູມີທາດໂປຼຕິນພືດຫຼາຍ,ແຕ່ກິນຫຼາຍຈະເຮັດໃຫ້ລະບົບຍອຍອາຫານເຮັດວຽກບໍ່ຄ່ອຍດີ,ຫົວຜັກກາດ ໂດຍສະເພາະແມ່ນຫົວຜັກກາດຂາວມີປະໂຫຍດຊ່ວຍຍອຍອາຫານ,ກິນເຕົ້າຮູໃສ່ຫົວຜັກກາດມີຜົນດີຊ່ວຍກະເພາະຍ່ອນອາຫານ ແລະ ດູດຊຶມອາຫານໄດ້ດີ.
