ການສ້າງເຂດການຄ້າເສລີຈີນ-ອາຊຽນຈະຊ່ອຍຊູຍູ້ຫນູນໃຫ້ກິ່ງແຂວງສິບສອງພັ່ນນາແຂວງຢຸນນານກາຍເປັນບ່ອນສຳຄັນຂອງການເປີດປະຕູສູ່ພາຍນອກ
-----------------------------------------------------------------------------------------------------------------
ຕາມຂ່າວCRI: ຫວ່າງກ່ອນນີ້ບໍ່ດົນ, ລັດຖະມົນຕີການຄ້າຂອງຈີນແລະບັນດາປະເທດອາຊຽນໄດ້ຮ່ວມກັນເຊັນ"ສັນຍາການລົງທຶນ"ຂອງເຂດການຄ້າເສລີຈີນ-ອາຊຽນ, ຮັບປະກັນໃຫ້ເຂດການຄ້າເສລີຈີນ-ອາຊຽນສ້າງສຳເລັດຢ່າງຮອບດ້ານໃນປີ 2010. ວັນທີ 23 ສິງຫານີ້ໃນເວລາໃຫ້ສຳພາດຕໍ່ນັກຂ່າວCRIທີ່ໄປເອົາຂ່າວຢູ່ເຂດຊາຍແດນ, ທ່ານຈ່ຽງຜູ່ເຊີງ, ເລຂາທິການກິ່ງແຂວງສິບສອງພັ່ນນາແຂວງຢຸນນານກ່າວວ່າ, ການສ້າງ ເຂດການຄ້າເສລີສຳເລັດຈະຊຸກຍູ້ໃຫ້ກິ່ງແຂວງສິບສອງພັ່ນນາບັນລຸການຄ້າແລະເສດຖະກິດກັບຕ່າງປະເທດ, ການລົງທຶນຂອງຕ່າງປະເທດແລະການທ່ອງທ່ຽວຕ່າງປະເທດເຕີບໂຕເປັນເທົ່າໆ, ແລະກາຍເປັນບ່ອນສຳຄັນທີ່ເປີດປະຕູສູ່ພາຍນອກຂອງແຂວງຢຸນນານ. ທ່ານຈ່ຽງຜູ່ເຊີງກ່າວວ່າ:
"ພວກເຮົາໄດ້ວາງເປົ້າໝາຍອັນຫນຶ່ງຄືຈະສ້າງກິ່ງແຂວງສິບສອງພັ່ນນາໃຫ້ເປັນບ່ອນສຳຄັນທີ່ເປີດປະຕູສູ່ພາຍນອກຂອງແຂວງຢຸນນານ, ຈະເພີ່ມທະວີການໄປມາຫາສູ່ກັນກັບບັນດາປະເທດອາຊີອາຄະເນ, ເປີດກວ້າງການໄຂປະຕູສູ່ພາຍນອກ, ພະຍາຍາມເຮັດໃຫ້ເສດຖະກິດການຄ້າກັບຕ່າງປະເທດ, ການລົງທຶນຂອງຕ່າງປະເທດແລະນັກທ່ອງທ່ຽວຕ່າງປະເທດເພີ່ມຂຶ້ນເປັນເທົ່າໆ. ເຂດການຄ້າເສລີຈີນ-ອາຊຽນຈະສ້າງສຳເລັດໃນປີ 2010 ຕາເວລາຄາດຫມາຍ, ພວກເຮົາຫວັງໃຫ້ຈີນແລະບັນດາປະເທດອາຊຽນມີຄວາມຄືບໜ້າໃໝ່ໃນດ້ານແກ້ໄຂຜ່ານແດນຢ່າງສະດວກທາງຄົນ, ລົດແລະສິນຄ້າເປັນຕົ້ນ. ຖ້າເປັນແນວນັ້ນ, ການເພີ່ມຂຶ້ນເປັນ ເທົ່າໆໃນ 4 ດ້ານກໍສາມາດບັນລຸຜົນເປັນຈິງໂດຍໄວ, ໃນຖານະເປັນບ່ອນສຳຄັນທີ່ແຂວງຢຸນນານໄຂປະຕູສູ່ພາຍນອກໂດຍສະເພາະແມ່ນໄຂປະຕຸຕໍ່ອາຊີອາຄະເນກໍສາມາດເສີມຂະຫຍາຍບົດບາດທີ່ດີກວ່າເກົ່າ..
ສິບສອງພັ່ນນາມີຊາຍແດນຕິດກັບລາວແລະມຽນມາ, ແລະໃກ້ກັບໄທ, ເສັ້ນຊາຍແດນຍາວເຖິງ 960 ກວ່າກິໂລແມັດ, ມີດ່ານພາສີອັນດັບຫນຶ່ງລະດັບຊາດສີ່ແຫ່ງ.ທາງຫລວງແຕ່ຄຸນມິງຫາບາງກອກທີ່ຈີນກັບອາຊຽນແລະແມ່ນນ້ຳລ້ານຊ້າງແມ່ນ້ຳຂອງທີ່ໄຫລລົງມາແຕ່ກໍ່ຜ່ານກິ່ງແຂວງສິບສອງພັ່ນນາ.ທ່ານຈ່ຽງພູເຊິ່ງບອກວ່າ, ປີ 2008, GDP ຂອງທົ່ວກິ່ງແຂວງຫລາຍກວ່າ 12 ຕື້ຢວນ, ເພີ່ມຂຶ້ນຫລາຍກວ່າປີ 2007 10%ຂຶ້ນໄປ,ປີ 2008, ຍອດມູນຄ່າການຄ້າຂາເຂົ້າຂາອອກຂອງທົ່ວກິ່ງແຂວງເພີ່ມຂຶ້ນຫລາຍກວ່າ 20%,ໃນ 6 ເດືອນຕົ້ນປີນີ້ກໍ່ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ ປະມານ 20%.ຂະແຫນງການອຸດສາຫະກຳທີ 3 ທີ່ຖືການທ່ອງທ່ຽວຊີວະພາບເປັນຕົວແທນນັ້ນກໍ່ກາຍເປັນຈຸດເຕີບໂຕທີ່ແຂງແຮງທີ່ສຸດຂອງເສດຖະກິດສິບສອງພັ່ນນາໃຕ້ສະພາບທີ່ເກີດວິກິດການການເງິນ.ທ່ານຈ່ຽງຜູເຊີ່ງ ກ່າວວ່າ, ໃນຕໍ່ຫນ້ານີ້, ກິ່ງແຂວງສິບສອງພັ່ນນາ ຈະສືບຕໍ່ເພີ່ມການເປີດປະຕູຕໍ່ພາຍນອກໃຫ້ຫຼາຍກວ່າເກົ່າ, ໂດຍສະເພາະແມ່ນເສີມສ້າງການແລກປ່ຽນແລະຮ່ວມມືກັບບັນດາປະເທດຂອງອາຊີອາຄະເນໃນຫຼາຍຂົງເຂດຢ່າງຮອບດ້ານ, ເພື່ອເຮັດໃຫ້ຕ່າງຝ່າຍຕ່າງມີຜົນປະໂຫຍດຮ່ວມກັນ, ທ່ານກ່າວວ່າ:
ທີ່ຈິງແລ້ວ, ກິ່ງແຂວງສິບສອງພັ່ນແລະຫຼາຍປະເທດຂອງອາຊີອາຄະເນທີ່ຢູ່ໃກ້ຫັ້ນ ມີຊົນເຜົ່າແລະວັດທະນະທຳດຽວກັນ, ການຟ້ອນລຳ , ຄວາມເຊື່ອຖືທາງສາສະຫນາ,ສິ່ງກໍ່ສ້າງແບບຊົນເຜົ່າແລະອື່ນໆລ້ວນແຕ່ຄ້າຍຄືກັນ. ກ່ຽວກັບການຮ່ວມມືລະຫວ່າງພວກເຮົາກັບບັນດາປະເທດອາຊີອາຄະເນ, ສິ່ງທີ່ພວກເຮົາສະເຫນີໃຫ້ນັ້ນ ແມ່ນການແລກປ່ຽນແລະຮ່ວມມືກັນໃນຫຼາຍຂົງເຂດຢ່າງ ຮອບດ້ານ, ນີ້ບໍ່ພຽງແຕ່ແມ່ນການຮ່ວມມືທາງເສດຖະກິດເທົ່ານັ້ນ,ຍັງມີການຮ່ວມມືກັນໃນດ້ານການສຶກສາ,ວັດທະນະທຳ,ກະສິກຳແລະວິທະຍາສາດເຕັກໂນໂລຢີ. ສອງຝ່າຍມີທ່າແຮງໃນການຊ່ອຍຊູຍູ້ຫນູນກັນ,ສະຫນັບສະຫນູນແລະຊ່ອຍເຫຼືອເຊິ່ງກັນແລະກັນ, ອີງຕາມຜົນປະໂຫຍດ(ເປົ້າຫມາຍ)ຂອງສອງຝ່າຍ ທີ່ຕ່າງຝ່າຍຕ່າງມີຜົນປະໂຫຍດຮ່ວມກັນ ເພື່ອເປີດກວ້າງຂົງເຂດຮ່ວມມືຂອງພວກເຮົາ.