ຈີນຈັດພິທີສວນສະໜາມເພື່ອສະເຫຼີມສະຫຼອງປະເທດຈີນໃໝ່ສ້າງຕັ້ງຂຶ້ນຄົບຮອບ60ປີ
(GMT+08:00) 2009-10-01 11:40:22 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI, ຕອນເຊົ້າວັນທີ1ຕຸລານີ້, ຈີນໄດ້ຈັດພິທີສວນສະໜາມເພື່ອສະເຫຼີມສະຫຼອງປະເທດຈີນໃໝ່ສ້າງຕັ້ງຂຶ້ນຄົບຮອບ60ປີ. 14ກ້ອນກຳລັງສວນສະໜາມ, 30ກ້ອນກຳລັງປະກອບອາວຸດໜ້າດິນແລະ12ກ້ອນກຳລັງທາງອາກາດຂອງກອງທັບປົດປ່ອຍປະຊາຊົນຈີນຮັບການສຳຫຼວດກວດແຖວຈາກຜູ້ນຳລັດ ເຊັ່ນ ທ່ານຫູຈີນທາວ ແລະທ່ານອື່ນໆພ້ອມດ້ວຍປະຊາຊົນທົ່ວປະເທດຈີນດ້ວຍໂສມໜ້າໃໝ່ອ່ຽມ.
ອາວຸດຍຸດໂທປະກອນທີ່ສະແດງອອກໃນພິທີເທື່ອນີ້ມີ500ກວ່າເຄື່ອງແລະເຮືອບິນ150ກວ່າລຳ, ແມ່ນໄດ້ສະແດງກຳລັງອາວຸດຍຸດໂທປະກອນປະຈຳການທີ່ ຜະລິດເອງຫຼາຍທີ່ສຸດແລະມີຂະໜາດໃຫຍ່ກວ່າໝູ່ໃນປະຫວັດການສວນສະໜາມໃນວັນຊາດທຸກເທື່ອທີ່ຜ່ານມາ. ອາວຸດຍຸດໂທປະກອນທີ່ລວມທັງ ຍົນຈູ່ໂຈມຈ່ຽນ-10ແລະຍົນຈູ່ໂຈມຈ່ຽນ-11Bແບບໃໝ່, ລ້ວນແຕ່ໄດ້ປະກົດຕົວເປັນຄັ້ງທຳອິດໃນພິທີສວນສະໜາມວັນຊາດ, ເຊິ່ງໄດ້ກວມ90%ຂອງອາວຸດຍຸດໂທປະກອນລຸ້ນ52ທີ່ຈີນຜະລິດເອງ. ນີ້ແມ່ນການສະແດງແສນຍານຸພາບທັງໝົດແຫ່ງການປ້ອງກັນປະເທດແລະສ້າງສາກອງທັບຂອງໝາກຜົນໃໝ່ສຸດ, ເປັນຂີດໝາຍສະແດງໃຫ້ເຫັນວ່າ, ກຳລັງປ້ອງກັນປະເທດຂອງຈີນໄດ້ບັນລຸການຫັນປ່ຽນຈາກການສູ້ຮົບດ້ວຍທະຫານປະກອບເຄິ່ງກົນຈັກ, ຂະຫຍາຍໄປສູ່ແບບກົນຈັກແລະແບບເຕັກໂນໂລຊີຂໍ້ມູນຂ່າວສານປະສົມກັນຜ່ານຂ້າມໄປສູ່ແບບປະສານເປັນອົງປະກອບດຽວຮ່ວມກັນສູ້ລົບແບບປະສົມອັນດຽວກັນ.
ຂ່າວ-ບົດທີ່ກ່ຽວຂ້ອງ
ຄຳເຫັນ