ທ່ານຫູຈິນທາວກວດກາວຽກງານປ້ອງກັນຄວາມປອດໄພ,ຄົມມະນາຄົມແລະການທ່ອງທ່ຽວໄລຍະວັນຊາດທີ່ປັກກິ່ງ
(GMT+08:00) 2009-10-08 16:56:01 cri
-----------------------------------------------------------------------------------------------------------------
-----------------------------------------------------------------------------------------------------------------
ຕາມຂ່າວCRI: ວັນທີ7ຕຸລານີ້,ທ່ານຫູຈິນທາວ,ເລຂາທິການໃຫຍ່ສູນກາງພັກຄອມມູນິດຈີນ,ປະທານປະເທດຈີນ,ປະທານຄະນະກຳມະການການທະຫານສູນກາງຈີນໄດ້ລົງໄປຢ້ຽມຢາມພະແນກປ້ອງກັນຄວາມສະຫງົບນະຄອນຫຼວງປັກກິ່ງສາຂາທ່ຽນອັນເມີນ,ສະຖານີລົດໄຟໃຕ້ດິນສາຍທີ4ແລະພະລາດຊະວັງລະດູຮ້ອນ,ເພື່ອກວດກາວຽກງານປ້ອງກັນຄວາມປອດໄພ,ຄົມມະນາຄົມແລະການທ່ອງທ່ຽວໄລຍະວັນຊາດທີ່ປັກກິ່ງ.ທ່ານໄດ້ຢື້ຢ້າມຖາມຂ່າວພະນັກງານ,ຕຳຫຼວດປ້ອງກັນຄວາມສະຫງົບ,ນາຍແລະພົນຕຳຫຼວດທີ່ປະຕິບັດໜ້າທີ່ຢ່າງຫ້າວຫັນ,ທ່ານໄດ້ຖາມຂ່າວຄາວແລະຂອບໃຈຢ່າງຈິງໃຈ.
ຢູ່ສູນບັນຊາສາຂາເຂດທ່ຽນອັນເມີນຂອງພະແນກປ້ອງກັນຄວາມສະຫງົບນະຄອນປັກກິ່ງ,ທ່ານຫູຈິນທາວໄດ້ຮັບຟັງການລາຍງານສະພາບການປ້ອງກັນຄວາມປອດໄພໃນໄລຍະວັນຊາດຢ່າງລະອຽດ,ຊົມອຸປະກອນຂອງຕຳຫຼວດທີ່ທັນສະໄໝ,ຕ້ອນຮັບການເຂົ້າພົບຂອງຜູ່ຕາງໜ້າຕຳຫຼວດພິເສດ,ຕຳຫຼວດລາດຕະເວນ,ຕຳຫຼວດຈາລະຈອນຂອງປັກກິ່ງ,ນາຍແລະພົນຕຳຫຼວດປະກອບອາວຸດຈຳນວນໜຶ່ງທີ່ຮັກສາຄວາມເປັນລະບຽບຮຽບຮ້ອຍຢູ່ເຂດທ່ຽນອັນເມີນ.
ທ່ານຫູຈິນທາວຍັງຂີ່ລົດໄຟໃຕ້ດິນສາຍທີ4ທີ່ຫາກໍ່ເລີ່ມແລ່ນຮັບໃຊ້ກ່ອນວັນຊາດຈີນ,ໄປພະລາດຊະວັງລະດູຮ້ອນ ແຫຼ່ງທ່ອງທ່ຽວທີ່ມີຊື່ສຽງຂອງປັກກິ່ງ.ຢູ່ແຫ່ງນັ້ນ,ທ່ານຫູຈິນທາວໄດ້ຢື້ຢາມຖາມຂ່າວພະນັກງານ,ອາສາສະໝັກ,ຜູ່ທຳອະນາໄມ,ໂອ້ລົມກັບນັກທ່ອງທ່ຽວຊາວຈີນແລະຊາວຕ່າງປະເທດຢ່າງສະໜິດສະໜົມ,ເພື່ອຊອກຮູ້ສະພາບການສັນຈອນ,ການບໍລິການມວນຊົນ ແລະວຽກງານກວດກາຄວາມປອດໄພຂອງປັກກິ່ງໃນໄລຍະວັນຊາດ.ທ່ານຫູຈິນທາວກ່າວວ່າ,ໃນຖານະເປັນຕົວເມືອງສາກົນໃຫຍ່,ປັກກິ່ງຕ້ອງແກ້ໄຂບັນຫາຄົມມະນາຄົມຂອງຕົວເມືອງໃຫ້ດີ,ເສີມຂະຫຍາຍບົດບາດສຳຄັນຂອງລະບົບຂົນສົ່ງສາທາລະນະໂດຍສະເພາະແມ່ນລົດໄຟ,ສະໜອງຄວາມວ່ອງໄວ,ຄວາມປອດໄພ,ຄວາມສະດວກສະບາຍໃນການເດີນທາງໃຫ້ແກ່ປະຊາຊົນທົ່ວໄປ.
ຂ່າວ-ບົດທີ່ກ່ຽວຂ້ອງ
ຄຳເຫັນ
