ເຄື່ອງຊ່ວຍເຫຼືອກູ້ໄພສະຫະປະຊາຊາດຫຼາຍກວ່າເກົ່າພວມທະຍອຍກັນສົ່ງໄປ ເຂດປະສົບໄພແຜ່ນດິນໄຫວ
-----------------------------------------------------------------------------------------------------------------
ຕາມຂ່າວສານຊິນຮວາ: ວັນທີ4ມິຖຸນານີ້, ສຳນັກງານຕົວແທນປະສານງານປະຈຳຈີນຂອງສະຫະປະຊາຊາດແຈ້ງໃຫ້ຊາບວ່າ, ວັດຖຸກູ້ໄພສະຫະປະຊາຊາດຫຼາຍກວ່າເກົ່າພວມທະຍອຍກັນຂົນສົ່ງໄປຮອດເຂດປະສົບໄພແຜ່ນດິນໄຫວ ແຂວງເສສວນ.
ເຄື່ອງສຸຂະພັນ ແລະ ເຄື່ອງຕອງນ້ຳສະອາດ ມູນຄ່າ1ລ້ານ3ແສນໂດລາ ເຊິ່ງລັດຖະບານ ນັອກແວ ເປັນຜູ່ບໍລິຈາກນັ້ນພວມ ຖືກ ຂົນສົ່ງໄປຮອດເຂດປະສົບໄພ ໂດຍຜ່ານອົງການອະນາໄມໂລກ.
ອົງກາສະຫະປະຊາຊາຊາດເພື່ອເດັກນ້ອຍ ຫຼື ຢູນີເຊັຟພວມຂົນສົ່ງ"ຫ້ອງນ້ຳເຄື່ອນທີ່" ແລະ ເຄື່ອງນຸ່ງເດັກຍິງແລະຊາຍ5ໝື່ນຊຸດໄປເຂດປະສົບໄພ.
ວັນທີ3ມິຖຸນານີ້, ເຂົ້າສານ201ໂຕນ ແລະ ນ້ຳມັນພືດທີ່ໂຄງການອາຫານໂລກສະໜອງໃຫ້ນັ້ນໄດ້ຖືກຂົນສົ່ງຮອດເມືອງມຽນຢາງ.
ສ່ວນ ເຄື່ອງສຸຂະພັນທີ່ອົງການສະຫະປະຊາຊາດເພື່ອປະຊາກອນສະໜອງໃຫ້ນັ້ນຈະຖືກຂົນສົ່ງໄປຮອດນະຄອນເຊີງຕູ່ ໃນວັນທີ5ມິຖຸນານີ້.
ວັດຖຸຂອງອົງການສະຫະປະຊາຊາດເພື່ອການພັດທະນາ ຫຼື UNDPທີ່ຖືກຂົນສົ່ງຮອດແຂວງເສສວນ ລວມທັງຜ້າຫຼົ່ມ, ດອກໄຟໃຊ້ໃນສະພາບສຸກເສີນ ແລະ ຕູບຜ້າເຕັ້ນ.
ອົງການຂ້າຫຼວງໃຫຍ່ສະຫະປະຊາຊາດເພື່ອຊາວອົບພະຍົບໄດ້ສະໜອງຕູບຜ້າເຕັ້ນຈຳນວນຫຼວງຫຼາຍໃຫ້ເຂດປະສົບໄພ.
ຕາມຂ່າວແຈ້ງອີກວ່າ, ປັດຈຸບັນ, ຍັງມີພະນັກງານ5ຄົນຂອງສະຫະປະຊາຊາດພວມເຮັດວຽກຢູ່ເຂດປະສົບໄພ.
