ປະທານາທິບໍດີອາເມລິກາຕີລາຄາຢ່າງຕັ້ງໜ້າຕໍ່ວຽກງານກູ້ໄພແຜ່ນດິນໄຫວຂອງຈີນ
-----------------------------------------------------------------------------------------------------------------
ຕາມຂ່າວCRI,ວັນທີ6ມີຖຸນານີ້,ທ່ານຈອດຈ໌ ບຸສ ປະທານາທິບໍດີອາເມລິກາກ່າວວ່າ,ລັດຖະບານຈີນໃຊ້ມາດຕະການຢ່າງແຂງແຮງແລະບັງເກີດຜົນໃນການກູ້ໄພແຜ່ນດິນໄຫວຢູ່ເມືອງເວີ້ນຊ່ວນແຂວງເສສວນ,ນີ້ໄດ້ສ້າງພາບປະທັບໃຈອັນເລິກເຊິ່ງໃຫ້ແກ່ທ່ານ, ທ່ານຮູ້ສຶກປະຕິຊົມຊື່ນທີ່ວຽກງານກູ້ໄພໄດ້ຮັບຄວາມຄືບໜ້າ.
ໃນກອງປະຊຸມປະເມີນຄວາມຕ້ອງການຊ່ວຍເຫຼືອໄລຍະຍາວແລະການສ້າງສາຄືນໃໝ່ຢູ່ເຂດປະສົບໄພແຜ່ນດິນໄຫວຂອງຈີນທີ່ອົງການກຸສົນ ວົງການວິສາຫະກິດແລະອົງການຈັດຕັ້ງທີ່ບໍ່ແມ່ນລັດຖະບານຂອງອາເມລິກາຈັດຂຶ້ນຢູ່ວໍຊິງຕອນໃນວັນທີ6ມີຖຸນານີ້,ທ່ານບູສກ່າວວ່າ,ແຜ່ນດິນໄຫວຢູ່ເວິ້ນຊ່ວນຈີນແມ່ນໄພທຳມະຊາດຮ້າຍແຮງເທື່ອໜຶ່ງ,ລັດຖະບານຈີນໄດ້ສະແດງໃຫ້ເຫັນຄວາມສາມາດນຳພາອັນເຂັ້ມແຂງໃນການກູ້ໄພ.ທ່ານບຸສຍັງກ່າວວ່າ,ປະຊາຊົນອາເມລິກາເອົາໃຈໃສ່ນຳປະຊາຊົນຈີນທີ່ປະສົບໄພຄືດັ່ງອ້າຍເອື້ອຍນ້ອງຂອງຕົນ.
ຢູ່ທີ່ປະຊຸມ,ສະພາກາແດງອາເມລິກາຍັງປະກາດວ່າຈະບໍລິຈາກເງິນອີກ10ລ້ານໂດລາໃຫ້ເຂດປະສົບໄພແຜ່ນດິນໄຫວເມືອງເວີ້ນຊ່ວນຂອງຈີນ.
