ເຂດ​ແຜ່ນດິນ​ໄຫວ​ເວີ້ນ​ຊວນ​ແຂວງ​ເສ​ສວນ​ຕ້ອນ​ຮັບ​ບຸນ​ຊ່ວງ​ເຮືອ

ຕາມ​ຂ່າວສານ​ຊີ​ນຮວາ: ມື້​ນີ້​ແມ່ນບຸນ​ຊ່ວງ​ເຮືອ ບຸນ​ປະ​ເພນີ​ຂອງ​ຈີນ. ນີ້ແມ່ນບຸນຊ່ວງ​ເຮືອ​ກາຍ​ເປັນ​ວັນ​ບຸນ​ຕາມ​ກົດໝາຍ​ຂອງ​ຈີນ, ​ກໍ່ແມ່ນ​ເ​ຂດ​ປະສົບ​ໄພ​ແຜ່ນດິນ​ໄຫວ​ເວີ້​ນຊວນ​ແຂວງ​ເສ​ສວນ​ຕ້ອນຮັບ​ບຸນ​ປະ​ເພນີຈີນ​ເທື່ອ​ທຳ​ອິດ.

ບຸນຊ່ວງ​ເຮືອ​ແມ່ນ​ບຸນ​ປະ​ເພນີ​ທີ່​ລະ​ລຶກສູ​ຢວນ ນັກ​ກະວີ​ທີ່​ມີ​ຊື່​ສຽງ​ໃນ​ສະ​ໄໝ​ບູຮານ​ຂອງ​ຈີນ, ມີ​ປະຫວັດ 2 ພັນ​ກວ່າ​ປີ​ແລ້ວ. ​ເຂົ້າຕົ້ມ​ແມ່ນ​ອາຫານ​ທີ່​ຄົນ​ຈີນຕ້ອງ​ກິນ​ໃນ​ບຸນ​ຊ່ວງ​ເຮືອ. ​ໃນ​ບ່ອນ​​ຢາຍ​​ເຄື່ອງ​ບໍລິຈາກ​​ທີ່​ຕັ້ງຢູ່​ໃນ​ໃຈກາງ​​ເມືອງ​ມຽນຈູ ​ເຂດ​ປະສົບ​ໄພ​ໜັກໜ່ວງ, ​​ເຂົ້າຕົ້ມ​ທີ່ແຫ່ງ​ຕ່າງໆ​​ໃນ​ທົ່ວ​ປະ​ເທດຈີນ​ສົ່ງ​ມາ​ໃຫ້​ນັ້ນຫຼາຍກວ່າ 2 ໝື່ນ 8 ພັນ​ກວ່າ​ຫີບ. ຢູ່​ເມືອງ​ນ້ອຍ​ອີ້ງຊີ້ວ ​ໃຈ​ກາງ​ແຜ່ນດິນ​ໄຫວ, ຄົນ​ທັງຫຼາຍ​ໄດ້​ກິນ​ເຂົ້າຕົ້ມ​ແລະ​ໝາກ​ລີ​ນຈີ່​ທີ່​ສົ່ງ​ມາທາງ​ອາກາດ​ຈາກ​ນະຄອນ​ກວາງ​ໂຈວ.

ປະຊາຊົນ​ເຂດ​ປະສົບ​ໄພ​ກໍ່​ບໍ່​ໄດ້​ລືມ​ນາຍ​ແລະ​ພົນທະຫານ​ທີ່​​ເຫື່ອ​ໄຫຼ​ໄຄ​ຍ້ອຍ​ເພື່ອ​ກູ້​ໄພ. ​ໄທ​ເມືອງ​ຄຸ້ມ​ເຮືອນ​ຢູ່​ປີ່​ນ​ເຫີ​ຂອງ​ເມືອງ​ມຽນຈູ​ໄດ້​ໂຮມ​ເງິນ​​ຊື້​ເຂົ້າໜຽວ​ມາ​ຫໍ່​ເຂົ້າຕົ້ມສົ່ງ​ໄປ​​​ໃຫ້​ນາຍ​ແລະ​ພົນທະຫານ.