ວຽກ​ງານ​ກູ້​ໄພ​ຢູ່​ເວີງ​ນ້ຳ​ຫົ້ງ​ຖາງ​ເຈ່ຍ​ຊານ​ເສ​ສວນ​ຈີນ​ພວມ​ດຳ​ເນີນ​ໄປ​ຢ່າງ​ດີ

ຕາມ​ຂ່າວສານ​ຊີ​ນຮວາ: ວຽກ​ງານ​ກູ້​ໄພ​ຢູ່​ເວີງ​ນ້ຳ​ຫົ້ງ​ຖາງ​ເຈ່ຍ​ຊານ​ທີ່​​ເກີດຂຶ້ນ​ຍ້ອນ​ດິນພູ​ເຈື່ອນ​ລົງ​ມາ​ຕັນ​ທາງ​ນ້ຳໃນ​ແຜ່ນດິນ​ໄຫວ​ນັ້ນພວມ​ດຳ​ເນີນ​ໄປ​ຢ່າງ​ດີ,ນັບ​ມາ​ຮອດ​ເວລາ 14 ​ໂມງ​ຂອງ​ວັນ​ທີ 10 ມິຖຸນາ​ນີ້, ປາກ​ຮ່ອງລະບາຍ​ນ້ຳຂອງ​ເວີງ​ນ້ຳ​ຫົ້ງ​ກວາງ 145 ​ແມັດ, ປະລິມານ​ນ້ຳ​ທີ່​ລະບາຍ​ອອກ​ມີ 3880 ​​ແມັດກ້ອນຕໍ່ວິນາທີ, ຄວາມ​ອັນ​ຕະລາຍ​ທີ່​ເວີງນ້ຳ​ຫົ້ງ​ຈະ​ພັງ​ທະລາ​ຍນັ້ນຫລຸດ​ຫນ້ອຍ​ລົງອີກ.

ຕັ້ງ​ແຕ່​ໄດ້​ລະບາຍ​ນ້ຳ​ອອກເປັນຕົ້ນມາ, ຢູ່​ເວີງ​ນ້ຳ​ຫົ້ງ​ຖາງ​ເຈ່ຍ​ຊານ​ບໍ່​ມີ​ຄົນ​ເສຍ​ຊີວິດ​ແລະ​ບາດ​ເຈັບ.ກອງ​ບັນຊາ​ການ​ກູ້​ໄພ​ຮຽກຮ້ອງ​ພາກສ່ວນ​ຕ່າງໆ​ຕ້ອງ​ເພີ່ມ​ທະວີ​ການຜັນ​ຂະຫຍາຍ​ມາດ​ຕະການ​ກູ້​ໄພ​ແລະ​ຫລີກ​ໄພ​ຕ່າງໆ, ​ເພີ່ມ​ທະວີ​ການ​ຕິດຕາມ​ ພະຍາກອນ​ແລະ​ສັນຍານ​​ເຕືອນໄພ.​ເຮັດ​ວຽກ​ປ້ອງ​ກັນ​ຄວາມ​ປອດ​ໄພ​ຂອງ​ປະຊາຊົນ​ຢູ່​ຍານ​ໃຕ້​ໃຫ້​ດີ.