ນັກ​ຂ່າວ​ຟີ​ລິ​ບປິນ3ຄົນອາດ​ຈະ​ຖືກ​ລັກ​ພາ​ຕົວ

ຕາມ​ຂ່າວສານ​ຊິນ​ຮວາ: ​ວັນ​ທີ10ມິຖຸນານີ້ ສື່​ມວນ​ຊົນ​ຟີລິບ​ປິນລາຍ​ງານ​ວ່າ,ນາງ​​ເຊ​ສ ດຼີ​​ເລີ​ນ ນັກ​ຂ່າວ​ໂທລະພາບABS-CBN ຂອງ​ຟີ​ລິບ​ປິນ​ແລະ​ຜູ່​ຊ່ວຍ​ຂອງ​ນາງ2ຄົນ​ໄດ້​ຫາຍ​ສາບ​ສູນ​ໃນ​ເວລາ​ສຳພາດ​ຢູ່​ເກາະ​ມີນດານາວ ພາກ​ໃຕ້​ຟີ​ລິບ​ປິນ​ໃນ​ວັນ​ທີ7ມິ​ຖຸນານີ້​,ດຽວ​ນີ້​ຍັງ​ບໍ່​ຮູ້ວ່າ​ຍັງ​ມີ​ຊີວິດ​ຢູ່ຫຼື​ບໍ່.ນັບ​ມາ​ຮອດ​ປະຈຸ​ບັນ ຍັງ​ບໍ່​ມີ​ຂ່າວຮຽກ​​ເອົາ​ເງິນ​ໄຖ່​ຕົວ,​ຕຳຫຼວດ​ສົງ​ໄສ​ວ່າ ​ເຂົາ​ເຈົ້າ3ຄົນ​ແມ່ນ​ຖືກກຸ່ມປະກອບ​ອາວຸດ​ຕ້ານ​ລັດຖະບານ​ຂອງ​ອົງການ​ອາ​ບູຊາ​ຢັບລັກ​ພາ​ຕົວ.

ວັນ​ທີ10ມິຖຸນາ​ນີ້ ​ໂທລະພາບABS-CBNກໍ່​ອອກ​ຖະ​ແຫຼ​ງການ​ຢືນຢັນ​ຂ່າວ​ດັ່ງກ່າວ,​ແລະ​ກ່າວ​ວ່າ​ພວມ​ອອກ​ແຮງ​ປະສານ​ງານ​ກັບ​ຕຳຫຼວດ​ເພື່ອ​ສຳ​ຫຼວດ​ເຫດການ​ນີ້.