ຈີນຫວັງໃຫ້ຝະລັ່ງເຮັດວຽກທີ່ມີຜົນດີໃຫ້ ຫຼາຍເພື່ອດູດດຶງນັກທ່ອງທ່ຽວຈີນ
-----------------------------------------------------------------------------------------------------------------
ຕາມຂ່າວcri:ວັນທີ10 ມິຖຸນານີ້,ໃນເວລາຕອບຄຳຖາມຂອງນັກຂ່າວຢູ່ປັກກິ່ງ,ທ່ານຊິນກ່າງ ໂຄສົກກະຊວງການຕ່າງປະເທດຈີນກ່າວວ່າ, ຈີນຫວັງໃຫ້ຝະລັ່ງເຮັດວຽກທີ່ມີຜົນດີໃຫ້ຫຼາຍເພື່ອດູດດຶງນັກທ່ອງທ່ຽວຈີນໄປທ່ອງທ່ຽວຢູ່ຝະລັ່ງຫຼາຍກວ່າເກົ່າ.
ໃນງານຖະແຫຼງຂ່າວປະຈຳທີ່ຈັດຂຶ້ນໃນມື້ດຽວກັນ,ໃນເວລາມີນັກຂ່າວຖາມວ່າ,ລັດຖະບານຝະລັ່ງຮຽກຮ້ອງຈີນຢຸດການຂວ້ຳບາດການໄປທ່ອງທ່ຽວຢູ່ຝະລັ່ງ,ທ່ານຊິນກ່າງກ່າວວ່າ,ຈີນມີເຈດຈຳນົງໃຫ້ເພີ່ມທະວີການໄປມາຫາສູ່ກັນຢູ່ລະຫວ່າງປະເທດກັບປະເທດ,ມີແຕ່ເຮັດແນວນີ້ຈິ່ງມີຜົນດີຕໍ່ການຊຸກຍູ້ການເຂົ້າໃຈເຊິ່ງກັນແລະກັນ,ຫວັງໃຫ້ຝ່າຍຝະລັ່ງເຮັດວຽກທີ່ມີຜົນດີໃຫ້ຫຼາຍ,ເພື່ອດູດດຶງນັກທ່ອງທ່ຽວຈີນໄປທ່ອງທ່ຽວຢູ່ຝະລັ່ງໃຫ້ຫຼາຍກວ່າເກົ່າ.
ເດືອນເມສາປີນີ້,ທວນໄຟຂອງງານກິລາໂອລິມປິກປັກກິ່ງສົ່ງຕໍ່ຢູ່ປາຣີນັ້ນໄດ້ຖືກລົບກວນແລະທຳລາຍຢ່າງໜັກໜ່ວນ,ໄດ້ທຳລາຍອາລົມຈິດຂອງປະຊາຊົນຈີນຢ່າງໜັກໜ່ວງ,ໄດ້ທຳລາຍການພົວພັນລະຫວ່າງຈີນກັບຝະລັ່ງ.
