ອາສາສະໝັກຂອງງານກິລາໂອລິມປິກປັກກິ່ງຮັບການອົບຮົມດ້ານການປ້ອງກັນພະຍາດເອດ
-----------------------------------------------------------------------------------------------------------------
ຕາມຂ່າວສານຊິນຮວາ: ຫວ່າງມໍ່ໆນີ້, ອາສາສະໝັກຂອງງານກິລາໂອລິມປິກປັກກິ່ງເກືອບ 5500 ຄົນໄດ້ຣັບການອົບຮົມປ້ອງກັນພະຍາດເອດແລະຕ້ານການລັງກຽດຜູ້ເປັນເອດ.
ການອົບຮົມເທື່ອນີ້ແມ່ນຮ່ວມກັນຈັດຂຶ້ນໂດຍສຳນັກງານສະຫະປະຊາຊາດປະຈຳຈີນ ສະພາກາແດງຈີນແລະຜູ້ເປັນພະຍາດເອດສ່ວນໜຶ່ງ.
ຕາມຂ່າວແຈ້ງວ່າ, ປຶ້ມນ້ອຍກ່ຽວກັບຂໍ້ມູນພື້ນຖານຂອງພະຍາດເອດຈະແຈກຢາຍໃຫ້ອາສາສະໝັກ 1 ແສນຄົນ.
ຜູ້ຮັບຜິດຊອບທີ່ກ່ຽວຂ້ອງຂອງສຳນັກງານປະຈຳຈີນຂອງອົງການສະຫະປະຊາຊາດຕ້ານເອດກ່າວວ່າ, ການທີ່ເຮັດໃຫ້ຊາວໜຸ່ມຈີນຈຳນວນໜຶ່ງທີ່ມີຄວາມສາມາດເຂົ້າຮ່ວມວຽກງານດັ່ງກ່າວ, ກາຍເປັນຜູ້ຕາງໜ້າທີ່ເຜີຍແຜ່ຄວາມຮູ້ອັນຖືກຕ້ອງແລະຕັ້ງໜ້າກ່ຽວກັບພະຍາດເອດນັ້ນ, ມີຜົນດີຕໍ່ການກຳຈັດຄວາມເຂົ້າໃຈທີ່ບໍ່ຖືກຕ້ອງກ່ຽວກັບພະຍາດເອດ, ກຳຈັດການລັງກຽດຜູ້ເປັນພະຍາດເອດ.
