ສະ​ຖານ​ທູດ​ຈີນ​ປະຈຳ​ສິງ​ກະ​ໂປຈັດ​ງານ​ລ້ຽງ​ສະ​ແດງ​ຄວາມ​ຂອບ​ໃຈຕໍ່​ໜ່ວຍ​ກູ້​ໄພ​ຂອງ​ສິງກະ​ໂປ

ຕາມ​ຂ່າວCRI:ຕອນ​ຄ່ຳວັນ​ທີ 17 ມິຖຸນາ​ນີ້,ຢູ່​ສະຖານ​ທູດ​ຈີນ​ປະຈຳ​ສິງກະ​ໂປ,ທ່ານນາງ​ຈ່າງ​ສຽວ​ຄ່າງ ​ເອກ​ອັກຄະ​ລັດຖະທູດ​ຈີນ​ປະຈຳ​ສິງກະ​ໂປ​ໄດ້​ຈັດງານ​ລ້ຽງ​ໃຫ້ສະມາຊິກ​ໜ່ວຍ​ກູ້​ໄພຂອງ​ສິງ​ກະ​ໂປ​ທີ່​ກັບ​ມາ​ຈາກ​ເຂດ​ປະສົບ​ໄພ​​ແຜ່ນດິນ​ໄຫວ​ແຂວງ​ເສ​ສວນ​ຈີນ,​ເພື່ອ​ສະ​ແດງ​ຄວາມຂອບ​ໃຈ​ນຳ​ຝ່າຍ​ສິງກະ​ໂປ​ທີ່​ໄດ້ສະໜັບສະໜູນ​ແລະ​ຊ່ວຍ​ເຫຼືອວຽກ​ງານ​ກູ້​ໄພ​ແຜ່ນດິນ​ໄຫວ​ຂອງ​ຈີນ.

ທ່ານ​ຊັນ​ມູກຳ ຈາ​ຢາ​ກູ​ມາ ລັດຖະ​ມົນຕີ​ວ່າການ​ກະຊວງ​ກົດ​ໝາຍທັງ​ເປັນ​ລັດຖະ​ມົນຕີຜູ້​ທີ​ສອງ​ຂອງ​ກະຊວງ​ພາຍ​ໃນສິງ​ກະ​ໂປ​ໄດ້​ເຂົ້າ​ຮ່ວມ​ງານ​ລ້ຽງ​ດັ່ງກ່າວ.ທ່ານ​ໄດ້​ຍ້ອງຍໍ​ໃນ​ລະດັບ​ສູງ​ຕໍ່​ລັດຖະບານ​ຈີນ​ທີ່​​ໄດ້​ມີ​ຄວາມ​ສະດຸ້ງໄວ ເດັດຂາດ​ແລະ​ມີ​ການຈັດ​ຕັ້ງດີໃນ​ການ​ກູ້​ໄພ,​ເຫັນ​ວ່າ,ນີ້​ໄດ້​ສະ​ແດງ​ໃຫ້​ເຫັນ​ຄວາມ​ເອົາ​ໃຈ​ໃສ່​ຂອງ​ລັດຖະບານ​ຈີນ​ທີ່​ມີ​ຕໍ່​ປະຊາຊົນ​ເຂດ​ປະສົບ​ໄພ.