ປະ​ເທດ​ສະ​ມາ​ຊິກ​ກອງ​ປະ​ຊຸມ​ສຸດ​ຍອດ​ອາ​ຊີ​ຕາ​ເວັນ​ອອກ​ຈັດ​ງານ​ສຳ​ມະ​ນາ​ວັດ​ຖຸ​ເຊື້ອ​ໄຟ​ຊີ​ວະ​ພາບ

ຕາມ​ຂ່າວສາ​ນຊິ່ນຮວາ: ວັນ​ທີ 19 ມິຖຸນາ​ນີ້, "ງານ​ສຳ​ມະ​ນາວັດຖຸ​ເຊື້ອ​ໄຟ​ຊີວະ​ພາບ​ຂອງກອງ​ປະຊຸມ​ສຸດ​ຍອດ​ອາຊີ​ຕາ​ເວັນ​ອອກ​" ສືບ​ຕໍ່​ຈັດ​ຢູ່​ບາງກອກ ນະຄອນ​ຫຼວງ​ຂອງ​ໄທ. ​ໃນ​​ໄລຍະ​ປະຊຸມ​ທີ່ດຳ​ເນີນ​ເປັນ​ເວລາ 2 ວັນ​ນັ້ນ, ຜູ້​ແທນຮ່ວມ​ປະຊຸມ​ໄດ້​ຫາລື​ບົດຮຽນ​ແລະ​ເຕັກນິກ​ຕ່າງໆ, ​ເຊັ່ນ: ​ຄົ້ນຄວ້າ, ຜະລິດ, ​ແລະ​ເຜີຍ​ແຜ່ວັດ​ຖຸ​ເຊື້ອ​ໄຟ​ຊີວະ​ພາບ​ພາຍ​ໃຕ້​ເບື້ອງຫຼັງ​ວິ​ກິດ​ການ​ພະລັງງານ​ແລະ​ສະບຽງ​ອາຫານ​ທົ່ວ​​ໂລກ​ເປັນ​ຈຸດໜັກ, ​ແລະ​ໄດ້ສັງ​ເກດ​ເບີ່ງທ່າ​ອ່ຽງ​ພັດທະນາ​ຂອງ​ວັດຖຸ​ເຊື້ອ​ໄຟ​ຊີວະ​ພາບ.​

ກອງ​ປະຊຸມ​ເທື່ອ​ນີ້​ແມ່ນໜຶ່ງ​ໃນ​ກອງ​ປະຊຸມ​ຫາລື​ບັນຫາ​ພະລັງງານ​ໃນ​ຂອບຄູ່​ຮ່ວມ​ມື​ອາ​ຊຽນ​ແລະ​ພາກ​ພື້ນທີ່​ຈັດ​ໂດຍ​ໄທ ​ເຊິ່ງ​ເປັນ​ປະ​ເທດ​ປະທານ​ວຽນຊຸດ​ຕໍ່​ໄປ​ຂອງ​ອາຊຽນ. ຜູ້​ຊ່ຽວຊານ​ແລະ​ເຈົ້າໜ້າ​ທີ່​ພະລັງງານ​ຈາກ 10 ປະ​ເທດ​ອາຊຽນ, ຈີນ, ຍີ່​ປຸ່ນ, ສ.​ເກົາຫຼີ, ອົສຕຼາລີ, ນູ​ເວັນ​ເຊ​ລັງ​ແລະ​ອິນ​ເດຍ​ໄດ້​ເຂົ້າ​ຮ່ວມ​ງານ​ສຳ​ມະ​ນາ.