ເຈົ້າ​ໜ້າ​ທີ່​ສິງກະ​ໂປ​ຮຽກຮ້ອງ​ໃຫ້​ອາ​ຊຽນ​​ເລັ່ງລັດການ​ເຊື່ອມ​ໂຍງ​ເຂົ້າ​ກັນ​ໃຫ້​ໄວ​ຂຶ້ນ

ຕາມ​ຂ່າວສານ​ຊີ​ນຮວາ:ວັນ​ທີ 18 ມິຖຸນາ​ນີ້,ທ່ານ​ຫຼີອີ້​ຊຽນ ລັດຖະມົນຕີ​ວ່າການ​ກະຊວງ​ການ​ຄ້າ​ແລະ​ອຸດສາຫະກຳ​ແຫ່ງ​ລັດຂອງ​ສິງກະ​ໂປ​ກ່າວ​ວ່າ,​ໃນ​ຊູ່​ມື້​ນີ້ທີ່​ປະ​ເຊີນ​ໜ້າ​ກັບ​ການ​ທ້າ​ທາຍ​ຫຼາຍ​ຢ່າງ,ອາ​ຊຽນຕ້ອງ​ສາມັກຄີ​ກັນສືບ​ຕໍ່​ພະຍາຍາມ​ແລະ​ເລັ່ງລັດ​ການ​​ເຊື່ອມ​​ໂຍງ​ເຂົ້າກັນ​ໃຫ້​ໄວ​ຂຶ້ນ.

ວັນ​ທີ 18 ມິຖຸນາ​ນີ້,ໃນ​ເວທີ​ປຶກສາ​ຫາລືຜູ້ນຳ​ປະ​ເທດ​ອາ​ຊຽນທີ່​ຈັດ​ຂຶ້ນ​ຢູ່​ສິງກະ​ໂປ​,ທ່ານຫຼີອີ້​ຊຽນກ່າວ​ວ່າ,​ໂດຍ​ປະ​ເຊີນ​ກັບການ​ທ້າ​ທາຍຕ່າງໆ​ເຊັ່ນ​ລາຄາ​ນ້ຳມັນ​ເຊື້ອ​ໄຟ​ແລະ​ອາຫານ​ແພງ​ຂຶ້ນ ບັນຫາ​ໂລກ​ຮ້ອນ​ແລະ​ມົນ​ລະ​ພິດ​ຮ້າຍ​ແຮງ​ຂຶ້ນ ລັດທິ​ກໍ່​ການ​ຮ້າຍ​ແລະພະຍາດໄຂ້ຫວັດ​ໃຫຍ່ເປັນ​ຕົ້ນ,ອາ​ຊຽນຕ້ອງ​ເລັ່ງລັດ​ການ​ເຊື່ອມ​ໂຍງ​​ເຂົ້າກັນ​ໃຫ້​ໄວ​​ເຂົ້າ,​ເພື່ອ​ສະໜອງ​ຄວາມ​ສາມາດ​ຮັບ​ມື​ກັບ​ການ​ທ້າ​ທາຍພາຍ​ນອກ​ໃຫ້​ສະມາຊິກ.

ທ່ານ​ຫຼີອີ້​ຊຽນ​ເຫັນ​ວ່າ,ຖ້າຢາກ​ເລັ່ງລັດ​ການ​ເຊື່ອມ​ໂຍງ​ເຂົ້າ​ກັນຂອງ​ອາ​ຊຽນ​ໃຫ້​ໄວ​ຂຶ້ນ,ການ​ປະຕິບັດ​ກົດ​ບັດ​ອາ​ຊຽນທີ່​ເຊັນ​ກັນ​ໃນ​ເດືອນ​ພະຈິກ​ປີ​ກາຍ​ນີ້​ຈະ​ແມ່ນ​ປັດ​ໄຈ​ທີ່​ສຳຄັນ.ປັດ​ໄຈ​ອີກ​ອັນ​ໜຶ່ງ​ກໍ​ແມ່ນ​​ເລັ່ງລັດ​ການ​ເຊື່ອມ​ໂຍງ​ເຂົ້າກັນ​ດ້ານ​ເສດຖະກິດ​ໃຫ້​ໄວ​ຂຶ້ນ,​ເຮັດ​ໃຫ້​ສິນຄ້າ ການ​ບໍລິການ​ແລະ​ການ​ລົງທຶນ​ຈໍລະ​ຈອນ​ຢ່າງ​ເສລີ.