ສະພາ​ຜູ່​ແທນ​ລາ​ສະ​ດອນ​ຂອງ​ໄທ​ເລີ່ມ​ອະ​ພິ​ປາຍ​ຍັດ​ຕິ​ບໍ່​ໄວ້​ວາງ​ໃຈ​ນາ​ຍົກ​ລັດ​ຖະ​ມົນຕີ

ຕາມ​ຂ່າວສານ​ຊິນ​ຮວາ: ​ເວລາ 13 ​ໂມງ 30 ນາ​ທີ​ວັນ​ທີ 24 ມິຖຸນາ​ນີ້ ສະພາ​ຜູ່​ແທນ​ລາຊະ​ດອນ​​ຂອງ​ໄທ​ເລີ່​ມດຳ​ເນີນ​ກອງ​ປະຊຸມ​ວິສາມັນ​​ເພື່ອອະພິປາຍຍັດຕິບໍ່​ໄວ້​ວາງ​ໃຈຕໍ່ທ່ານ​ສະໝັກ ສຸນທໍລະ​ເວດ ນາຍົກລັດຖະມົນຕີ​​ແລະ​ສະມາຊິກ​ຄະນະ​ລັດຖະບານ7ທ່ານ​ເປັນ​ເວລາ 2 ວັນ.

ນີ້​ແມ່ນ​ລັດຖະບານ​ສະໝັກ​ພົບ​ຍັດຕິ​ບໍ່​ໄວ້​ວາງ​ໃຈ​ເປັນ​ເທື່ອ​ທຳ​ອິດ​ຫຼັງ​ຈາກ​ຂຶ້ນ​ຮັບ​ຕຳ​ແໜ່​ງມາ​ນີ້.​ໃນ​ຍັດຕິ​ບໍ່​ໄວ້​ວາງ​ໃຈ​ທີ່​ສະ​ເໜີ​ອອກ​ໃນ​ວັນ​ທີ18ມິຖຸນາ​ນີ້ ພັກ​ປະຊາທິປັດ ພັກ​ຝ່າຍ​ຄ້ານ​​ໄດ້​ຕິຕຽນຫຼາຍ​ພາກສ່ວນ​ຂອງ​ລັດຖະບານ​ສະໝັກ​ເຮັດ​ວຽກ​ຢ່າງ​ບໍ່​ມີ​ຜົນງານ ມີ​ປະສິດທິພາບ​ຕ່ຳ ກິນ​ສິນ​ບົນ ສໍ້​ລາດ​ບັງ​ຫຼວງ,ທຳລາຍ​ຜົນ​ປະ​​ໂຫຍ​ດ​ແຫ່ງ​ຊາດ.

ອີງ​ຕາມ​ວາລະ​ປະຊຸມ,ສະພາ​ຜູ່​ແທນ​ລາຊະ​ດອນຈະ​ລົງ​ຄະ​ແນນ​ສຽງ​ຕໍ່​ຍັດຕິ​ບໍ່​​ໄວ້​ວາງ​ໃຈ​ຫຼັງ​ຈາກ​ສຳ​ເລັດ​ການ​ອະພິປາຍ​ແລ້ວ.